→Etxebarri

Etxebarri X-tremeak txakurkrosa, martxa eta haur zein helduentzako trailak ekarriko ditu X. edizioan

Abenduaren 4an San Antonioko X. Etxebarri Xtremea antolatu dute herriko kiroldegian

Txakur bat Arrigorriagako Ausartak Mendi Lasterketan // Geuria

Abenduaren 4an San Antonioko X. Etxebarri X-tremea antolatu dute herriko kiroldegian eta goizeko 08:00etatik eguerdira arte kirolak herria hartuko du. 10. urteurren honetan askotariko kirol jardierataz gozatu ahalko dugu kiroldegi ondoko zabalgunean: 35kmko eta 1.494mtko desnibeleko traila, 9kmko eta 383mtko txakurkros lasterketa, 10kmko eta 418mtko martxa, eta haur zein helduentzako trailak. Momentura arte 500 izen emate baino gehiago egin dituzte Etxebarriko lasterketan.

Txakurkrosa ETLrako puntuagarria izango da eta antolakuntzakoek hainbat gomendio elkarbanatu dituzte sareetan txakurrarekin behar bezala gozatzeko: txakurraren gutxieneko adina urte eta erdikoa izan behar da eta 10 gehienezkoa. Animaliek mikrotxipa izan behar dute, derrigorrez. Lasterketa egunean animaliaren txartela aurkeztu behar dute albaitaritza kontrolean. Txakurrek honako hiru txertoak jarrita izan behar dituzte derrigorrez: rabiaren aurkakoa, txakurtegietako eztularena (parvovirosia, leptoriosia, txakur mukia eta hepatitisa) eta polivalentea.

Trailak ere FVDMko mendi lasterketetarako puntuagarriak izango direla azaldu dute antolakuntzatik. Xtreme Traileko edozein probatan parte hartu ahal izateko esteka honen bitartez izena eman dezakete kirolariek. Abenduaren 2ko 22:00ak arte zabalik egongo da izena emateko epea eta antolakuntzatik gogorarazi dute lasterketako egun berean izena ematea ez dela posible izango.

Ordutegia | X. Etxebarri X-treme

Abenduak 4, igandea

08:00 Dortsalak jasotzea

09:30 Traila (35km)

09:45 Txakurkrosa (9km)

10:00 Martxa (10km)

11:30 Trail (10km)

 

Gora

Geuria Laguntzaileak Geuria Laguntzaileak