Sareak

☉ Etxebarri

Euskarazko Liburu eta Disko Azoka eta Zuztarretatik Oinez egitasmoa asteburu honetan Etxebarrin

|

Bihar, apirilak 20, Udaberri Kulturala hasiko da Etxebarrin eta maiatzaren 8ra arte luzatuko da. Ipuin kontalariak, tailerrak, kale-ikuskizunak eta Herri Urratsera irteera ere antolatu dituzte.

Aurten Euskarazko Liburu eta Disko Azokaren 14. edizioa antolatu du Udalak. Apirilaren 22an, ostiralez (10:00-14:30/17:00-20:00), eta 23an, larunbatez (10:00-14:00/17:00-21:00), udaletxe plazak hartuko du azoka eta bertan zazpi bat saltoki jarriko dituzte. Etxebarritarrek %20ko beherapena izango dute deskontu bonoa aurkezten badute, eta erosketa bat egiteagatik liburu bat opari jasoko dute. Era berean, “irakurketa txokoa” gaituko dute eta Etxebarriko Liburutegiak eskaintzen dituen liburuan kontsultatu ahal izango ditu bertaratzen denak.

Apirilaren 24an, igandez, Zuztarretatik Oinez ibilbide toponimikoaren ibilaldi gidatua prestatu dute. Etxebarriko iragana eta oraina ezagutzeko aukera emango du 7,7 kilometroko ibilbideak eta ibilbide osasuntsuen atalean diseinatzen ari den ibilbideetatik lehena izango da. Doneztebe, Kukullaga, Zintururi, Kortazarreta eta Ameztui eremuetan zehar izango da ibilaldia. Irteera 09:30ean izango da Doneztebe elizatik eta itzulera 13:00ak aldera aurreikusi dute udal arduradunek. Ibilbide honetan parte hartu nahi duenak izena eman behar du apirilaren 22a baino lehen 944 267 005 telefonoan edo euskarazerbitzua@etxebarri.net helbide elektronikoan.

UDABERRI KULTURALA 2016 – EGITARAUA

Apirilak 20, asteazkena

17:30 Ipuin kontalaria: “Mozorro jaia” – Apika taldea (4 urtetik aurrera). San Antonio liburutegia

Apirilak 22-23

Etxebarriko XIV. Euskarazko Liburu eta Disko Azoka

Apirilak 22, ostirala

17:00-19:00 Gynkhana “Mari eta Ttartalorekin” (5 urtetik aurrera). Udaletxeko plaza

Apirilak 23, larunbata

12:30 Kale-ikuskizuna: “Up!!!”

19:00 Kale-ikuskizuna: “Filamento en Farolero”

Apirilak 24, igandea

09:30-13:00 Zuztarretatik Oinez ibilaldi gidatua. Doneztebe eliza

Maiatzak 5, osteguna

15:00-17:00 “Kuku tailerra” (0-1 urte). Bekosolo Haurreskola

17:00-19:00 “Familian euskaraz jolasean” (2-5 urte). Haur Hezkuntza Kukullaga-Barandiaran

Maiatzak 6, ostirala

15:00-17:00 “Kuku tailerra” (0-1 urte). Zintururi Haurreskola

17:00-19:00 “Familian euskaraz jolasean” (2-5 urte). Haur Hezkuntza Kukullaga-San Antonio

Maiatzak 8, igandea

08:30 Herri Urrats-Senperera irteera (Lapurdi). Udaletxe ondoko autobus geltokia

*Izena emateko epea zabalik egongo da maiatzaren 4ra arte. Prezioa 3 eurokoa izango da (etxebarritarrentzat)

☉ Etxebarri

JonFer boxeolari etxebarritarra munduko txapeldun ohiaren aurka lehiatuko da Bilbon

JonFerren eta Jezzrel Corralesen arteko borrokaz gain, Jessica Brunet etxebarritarra ere lehian ikusteko aukera egongo da Bizkaia frontoian martxoaren 9an

|

JonFer (eskuman) Jezzrel Corrales panamarraren (ezkerrean) aurka lehiatuko da martxoaren 9an // Bizkaia Frontoia

Jon Fernandez boxeolari etxebarritarra, JonFer goitizenarekin ezaguna, Bilboko Bizkaia frontoian lehiatzen ikusteko aukera izango dugu martxoaren 9an, larunbatez, Europako Silver Txapelketaren barruan.

Aurrez aurre izango du Jezzrel Corrales panamarra, superluma pisuan WBAko munduko txapeldun izandakoa. Berez, Mohamed Kani frantziarraren aurka zuen borroka JonFerrek, baina lesio bat du, eta Corralesek ordezkatuko du.

Irabazleak EBU erakundearen Europako Silver titulua irabaziko du.

Jonfer (28 urte) “oso pozik” agertu da arerio-aldaketarekin, eta goi-mailako borroka izango dela ziurtatu du. “Erronka handietarako prest nagoela erakusteko behar dudan borroka da. Badakit Corrales ere maila gorenera itzultzeko gogoz dagoela eta horrek borroka jendearentzat oso zirraragarria izatea eragingo du”, adierazi du etxebarritarrak.

Sarrerak salgai

Borroka ikusteko sarrerak salgai daude 30 eta 80 euro artean. Frontoiko ateak 18:00etan zabalduko dituzte eta hasiera 19:00etan izango da.

Martxoaren 9ko hitzordua PCI Promotions erakundeak antolatu du Bizkaiko Foru Aldundiaren lankidetzarekin.

JonFerren eta Corralesen arteko borrokaz gain, beste lehia batzuk ikusteko aukera izango da martxoaren 9an. Besteak beste, Jokin Garcia bilbotarraren eta David Soria madrildarraren arteko norgehiagoka, Bruno Macho kantabriarraren eta Diego Krasimirov mallorcarraren arteko lehia, eta Jessica Brunet etxebarritarraren eta Florencia Villarreal argentinarraren arteko borroka.

Osorik irakurri

☉ Etxebarri

Emakume zientzialarien lana balioan jarri dute Etxebarrin, institutuko ikasleen aurrean

|

Etxebarriko ArcelorMittaleko lau emakume langilek eskaini zuten hitzaldia otsailaren 9an // Etxebarriko Udala

Emakume eta Neska Zientzialarien Nazioarteko Eguna izan zen atzo, otsailak 11. Horren harira, zientziaren eremuan genero-estereotipoak desagerrarazteko hitzaldia antolatu zuten otsailaren 9an Etxebarrin, institutuko ikasleei zuzenduta.

Etxebarriko ArcelorMettaleko lau emakume langileek beren kasuak azaldu zituzten, eta ikasleei azaldu zieten zein den sektore zientifikoan lan egiten duten esperientzia, eta zer urrats egin dituzten orain dauden lekura iristeko.

Gainera, zientzia etorkizuneko aukera posible gisa ikustera animatu zituzten neska gazteak, “oraindik ere dagoen aldea azpimarratuz, zenbakiei dagokienez, gizonek eta emakumeek zientzian betetzen dituzten postuez ari bagara”.

“Halako jardueren bidez, zientziaren eta teknologiaren eremuko genero-estereotipoak desagerrarazi nahi dira, baita neskatoengan eta neska nerabeengan bokazio zientifikoa bultzatu ere. Funtsezkoa da emakume zientzialariek eta emakume teknologoek egiten duten lana gazteen artean ikusaraztea eta, egungo eta etorkizuneko belaunaldiei begira, esparru zientifikoan genero-berdintasuna erraztuko duten praktikak sustatzea”, diote udal ordezkariek.

Hitzaldia Etxebarriko Udalak eta ArcelorMittalek antolatu zuten, Berrikuntza Plan Estrategikoaaren esparruan.

Osorik irakurri

☉ Etxebarri

Etxebarriko kiroldegia itxita dago gaur langileen greba dela eta

|

Etxebarriko kiroldegiko langileek grebarekin bat egin dute eta instalazioak itxita daude gaur // Etxebarri Kiroldegia

Bizkaiko kiroldegietako langileak greban daude gaur. Eta ildo horretan, Etxebarriko kiroldegia itxita dagoela jakinarazi du Udalak.

Grebaren arrazoia da hitzarmena berritu nahi dutela. ELA sindikatutik adierazi dutenez, 2022an iraungi zitzaien hitzarmena eta iazko urtarriletik hitzarmen berria negoziatu nahian izan dira ELA, LAB, CCOO eta UGT sindikatuak, akordiorik erdietsi gabe: “Patronalak planteatzen duen eskaintza langileen aldarrikapenetatik urrun dago”, diote.

Bizkaiko kiroldegietan kudeaketa eta administrazio modu desberdinak egon arren, hitzarmena bera da lurraldeko kiroldegi guztietan. Etxebarriko kiroldegiaren kasuan Emtesport enpresa pribatuak kudeatzen ditu kirol instalazioak eta langileak.

Osorik irakurri

☉ Etxebarri

Mundakan hilda aurkitu dute Etxebarrin kokatu zuten desagertutako gaztea

|

Bilbon 21 urteko emakume bat desagertu zen joan de urtarrilaren 31n. Vost Euskadik Etxebarrin egon zitekeela zabaldu zuen.

Orain gutxi jakinarazi dute gaztea hilda aurkitu dutela Mundakan, eta bere desagerpenaren albistea sare sozial guztietatik kentzeko eskaria luzatu dute.

Osorik irakurri

☉ Etxebarri

Etxebarriko Inauteriak otsailaren 16tik 18ra antolatuko dituzte

|

Talka Gazteguneko zenbait gazte mozorrotuta 2022ko azaroan // Argazkia: Talka Gaztegunea (Instagram)

Otsaila heldu da: mozorrotzeko garaia. Otsailaren 9ko asteburuan ospatuko dira Inauteriak lekua askotan, eta beste askotan hurrengo astean, otsailaren 16ko asteburuan. Etxebarriren kasua da azken hori, esaterako.

Otsailaren 16an umeentzako tailerrak antolatuko dituzte, hilaren 17an mozorro desfilea egongo da Amezola kalean eta hilaren 18an Inauterietako Jaia eta txokolatada.

Etxebarri / Inauteriak 2024

Otsailak 10, larunbata
18:00 Inauteri Jaia Talka Gaztegunean (12-15 urte). Aldez aurretik izena eman behar da
18:00-21:00 Nagusien Inauteriak: Mozorro-dantza Goikoa Jubilatuen Etxean

Otsailak 16, ostirala
17:00-19:00 Tailerrak eta musika Kultur Etxean (5-9 urte). Aldez aurretik izena eman behar da

Otsailak 17-18
–:– Scape Room Tarrasta Gaztegunean (10-11 urte). Aldez aurretik izena eman behar da

Otsailalk 17, larunbata
15:00 Gazte Inauteriak: Bazkaria Kultur Etxean (+16 urte)
17:00-18:00 Mozorro lehiaketa (txikiak) frontoian
18:00  Poteoa + Txaranga tabernetan zehar
18:00-21:00 Nagusien Inauteriak: Maiteminduen dantza Kultur Etxean
18:30-19:00 Familia Inauteriak: Desfilea Aita Eusebio Arcelai plazatik udaletxeko plazara
19:30-21:00 Mozorro lehiaketa (helduak) frontoian
19:30-21:00 Disko Fest Txiki karpan
21:00 Musika Zintururi plazan
22:00-01:30 Super Disko Fest karpan

Otsailak 18, igandea
18:00-20:00 Nagusien Inauteriak: Dantza, mozorro lehiaketa eta txokolatada Behekoa Jubilatuen Etxean

Osorik irakurri