☉ Galdakao
Galdakaoko Antzerki Afizionatuaren Erakustaldiak 20 urte beteko ditu aurten
Ekainaren 2tik 8ra bitartean ospatuko da XX. Galdakaoko Antzerki Afizionatuaren Erakustaldia. Aurten bilduko duten dirua Afestta elkarteari emango diote.
Ekainaren 2tik 8ra bitartean ospatuko da Galdakaoko Antzerki Afizionatuaren Erakustaldia Torrezabal Kultur Etxean. Aurten, gainera, 20. edizioa izango da. Edizio honetan lau antzerki taldek parte hartuko dute: Aztiak, Alborada Berri, Izarra eta Galdarra-EPA Galdakao.
Ekainaren 2an Galdarra taldeak bi antzezlan aurkeztuko ditu: “Bar Manola” (Jean-Pierre Martinez) eta “Iruzurgileak” (Iñaki Aldai). Ekainaren 6an Aztiak taldearen txanda izango da eta “Sala de espera” antzezlana interpretatuko dute (Felipe Cuestara). Ekainaren 7an Alborada Berri taldeak “El fontanero ha vuelto” obra aurkeztuko du (Hugo Daniel Marcos). Eta azkenik, ekainaren 8an “Hala mi madre” (Juan Jose Alonso) eta “En la sala de espera del dentista” (Tricicle) antzezlanak taularatuko ditu Izarra taldeak.
Antzezpen guztiak 19:30ean izango dira. Publiko orokorrarentzat prezio bakarra izango da: 3 euro, eta Torrezabaleko bazkideek eta hamar pertsona edo gehiagoko taldeek, 2,5 euro ordaindu beharko dituzte.
SOLIDARIOA AURTEN ERE
Erakustaldi honek helburu solidarioa izango du aurten ere. Oraingoan Afestta elkarteari emango diote jasoko duten dirua. Tourette sindromea daukaten familien elkartea da Afestta, eta nahasmendu neurologikoa ikertu, berau ikustarazi eta terapian lan egitean datza. Gaitz honen alde lagundu nahi duenak eskuragarri izango du ‘0 ilara’ delakoa.
Jarduera hau solidarioa da orain dela lau urtetik hona, Hodei Egiluz galdakoztarraren desagerpena argitzeko helburuarekin. Ondoren lagundu dituzte: Kristal-hezurra gaitza sufritzen duen familia usansolotarra eta Asperger sindromea.
Galdakaoko jaietan proba berriak antolatu dituzte. Horietako bat da Errelebo lasterketa, Errotuk antolatu duena. Txapeldun izan da Txantxa Gutxi kuadrilla, bigarren Antzeko, hirugarren Weekandugu eta laugarren Lonjelvi.
☉ Galdakao
Bideoa / Oilasko ala haragizko hanburgesa? Edo beganoa akaso? Inkesta egin dugu Galdakaoko jaietan!
Hanburgesa txapelketa izan zen atzo, irailak 17, Galdakaoko jaietan. Patakonek antolatzen du lehiaketa eta aurten 60 kuadrilla aurkeztu direla zehaztu digute: “Partaidetza handia izan dugu aurten ere!”, dio Beñat Elias Patakoneko kideak. Epaileek “100 hanburgesa baino gehiago” dastatu dituztela esan digu Maite Uribarri Patakoneko kideak.
Atzokoan ere GEURIA mikroa eskuan atera zen Santakurtzetara! Hanburgesa haragizkoa ala oilaskokoa? Akaso beganoa? Eta hanburgesa laguntzeko zein da aukerarik onena: patatak ala natxoak?
Beñat eta Maite (Patakon), Gorka (Elkarlaguntza Sarea), Asier eta Kristian (Antrotarrak), Eñaut (Bost Axola) eta Oier (Sukherrak Zauk) galdakoztarrek erantzun dute gure galdetegia!
Talentu Txapelketa antolatzen du Zizpa Gazte Konpartsak Galdakaoko jaietan. Aurten txapeldun izan da Gusak kuadrilla magia ikuskizun batekin, bigarren Bertan Kaldo kuadrilla sailkatu da eta hirugarren Dekantzekoz. Laugarren Sukuzu izan da eta bosgarren Piperrak.
☉ Galdakao
Bideoa / Mari Carmen Alvarez: “Gorantza Futbol Taldeak nire garapen pertsonalean lagundu zidan”
Atzo, irailak 16, omenaldia jaso zuten Galdakaoko Gorantza Futbol Taldeko emakumeek: duela 57 urte, 1967ko irailean, Galdakaoko emakumeen lehen futbol taldea eratu zuten.
1967tik 1972ra bitartean Gorantza Futbol Taldeko emakume aitzindari hauek omendu zituzten: Eguzkiñe Loroño, Pili Moreno, Blanqui Goiri, Emili Suarez, Amaia Garay, Eguzkiñe Garay, Rosario Etxabe, Maribel Saratxaga, Marieli Aurtenetxe, Maria Angeles Yarritu, Henar Yarritu, Maria Jesus Urgoiti, Belen Urgoiti, Virginia Gonzalez Ramos, Mari Carmen Alvarez eta Maria Pilar Torres jokalariak, Miguel Caballero entrenatzailea, eta Koldo Tutor eta Arturo Maza laguntzaileak.
Omenaldia jaso aurretik Mari Carmen Alvarez jokalari ohiarekin berba egiteko aukera izan genuen GEURIAn: “Oso pozik gogoratzen ditut Gorantza Futbol Taldeko garaiak. Nire garapen pertsonalean asko lagundu zidan taldeko parte izateak”, adierazi digu Mari Carmenek. 1968tik 1972ra bitartean jokatu zuen Mari Carmenek Gorantzan.
Omenaldiko argazkiak ere publikatu ditugu geuria.eus webgunean. Hemen argazki galeria.
Duela 57 urte, 1967ko irailean, aitzindari izan ziren Galdakaoko zenbait emakume: herriko emakumeen lehen futbol taldea sortu zuten, Gorantza Futbol Taldea.
Gaur, ia sei hamarkada ostean, omenaldia egin diete Galdakaoko Udalak eta Galdakao Futbol Klubak Santa Barbara futbol zelaian.
Honakoak izango dira omenduak: Eguzkiñe Loroño, Pili Moreno, Blanqui Goiri, Emili Suarez, Amaia Garay, Eguzkiñe Garay, Rosario Etxabe, Maribel Saratxaga, Marieli Aurtenetxe, Maria Angeles Yarritu, Henar Yarritu, Maria Jesus Urgoiti, Belen Urgoiti, Virginia Gonzalez Ramos, Mari Carmen Alvarez eta Maria Pilar Torres jokalariak, Miguel Caballero entrenatzailea, eta Koldo Tutor eta Arturo Maza laguntzaileak.
Omenaldia eta gero, Galdakao Futbol Taldeko eta Athleticeko jokalari ohiek partida jokatu dute.
Argazkiak / Txantxa Gutxi kuadrillak irabazi du Errelebo lasterketa Galdakaoko jaietan
Bideoa / “ETSk entzun du Usansolok zer nahi duen, eta jarraituko dugu geltokia erdigunean aldarrikatzen”
Arrigorriagak 229.000 euro bideratuko ditu Ollargan eta Haurreskolako haur-parkeak berritzeko
Argazkiak / Txantxa Gutxi kuadrillak irabazi du Errelebo lasterketa Galdakaoko jaietan
Argazkiak / Gusak da Galdakaoko jaietan talentu gehien duen kuadrilla
Argazkiak / Galdakaoko Gorantza Futbol Taldeko emakume aitzindariei omenaldia
Bideoa / “ETSk entzun du Usansolok zer nahi duen, eta jarraituko dugu geltokia erdigunean aldarrikatzen”
Bideoa / El Casoplón filmak 20 auto aparkaleku baino gehiago kenduko ditu Basauriko Pozokoetxen, bi egunez
