Galdakaoko Auzo Elkarteen plataformak deialdia egin du irailaren 9rako, ostirala. Hain zuzen, Metroko 5. Linea “ahalik eta lasterren errealitatea izatea” aldarrikatuko dute Santakurtzak jaien hasierako desfilean. Kalejira 18:30ean hasiko da Plazakoetxetik udaletxeraino eta galdakoztarrak animatzen dituzte bertan parte hartzera. Desfilea itxiko du auzo elkarteen plataformak.
