Sareak

☉ Galdakao

Berdintasun Jardunaldiak ospatuko dituzte Galdakaon azaroaren 15ean eta 16an

“Galdakaoko bateragarritasuna eta erantzukizun partekatuaren alde: Berdintasunerako erronka berriak” izango dute hizpide Berdintasun Jardunaldiek.

|

Galdakaoko Udalak Berdintasun Jardunaldiak antolatu ditu hamabigarren urtez, Berdintasun Arloaren bitartez. Aurten azaroaren 15ean eta 16an ospatuko dira Torrezabal Kultur Etxean eta “Galdakaoko bateragarritasuna eta erantzukizun partekatuaren alde: Berdintasunerako erronka berriak” izango dute hizpide.

Berdintasun Jardunaldietan parte hartzeko izena eman behar du interesatuak. Horretarako bi aukera daude: udal webgunearen bidez edo buzoietan sartuko duten inprimakiaren bidez. Izen-ematea doakoa da.

Berdintasun Jarduanladiak 2016 – Egitaraua

Azaroak 15, asteartea

09:15 Udalaren agurra: Ibon Uribe alkatea eta Begoña Ormaetxe Berdintasun zinegotzia

09:30 Bizitzako denboren eta lanen ikusmolde berriak. Vicent Borras

10:15 Zaintzeko genero-arraildurak. Marcela Jabbaz

11:30 Atsedenaldia

12:00 Suediako esperientzia aitatasun arduratsuaren bidean. Anita Nyberg

12:45 Jaiotza eta adopzioko baimen berdinen eta transferiezinen aldeko plataforma (PIINA). Virginia Carrera

13:30 Solasaldia

14:00 Saioare amaiera

Azaroak 16, asteazkena

09:00 Galdakaon zaintzak eta bateragarritasunak duen egoerari buruzko diagnostiko sektorialaren aurkezpena. Murgibe S.L.

09:30 Nafarroako tokiko hitzarmenak bateragarritasunaren alde. Mº Angeles Garcia Briñol

10:15 Jardunbide egokiak denboraren erabileren kudeaketan zerbitzu publiko eta enpresetan. Carme Carrera Escuder

11:30 Atsedenaldia

12:00 Mahai-ingurua hizlariekin. Helburua: udalerrirako ekintza-proposamenak

13:30 Jardunaldien amaiera

☉ Galdakao

Zabaleako jaiak antolatu dituzte lehen aldiz: maiatzaren 25ean izango dira

|

Besteak beste paella txapelketa izango da Zabaleako jaien lehen edizioan // Artxiboa, Geuria

Lehen aldiz Zabaleako jaiak antolatuko dituzte Galdakaon. Eratu berri den Zabalea Elkarteak antolatuko ditu jaiak maiatzaren 25ean.

Besteak beste, paella txapelketa, haurrentzako ekintzak, mus eta igel txapelketak, barbakoa eta dantzaldia izango dira.

Egitaraua / Zabaleako jaiak 2024

Maiatzak 25, larunbata
10:00 Txupinazoa
10:30-14:00 Paella txapelketa
11:30 Zuberoako Maskarada elizako plazan
11:30 Haur jolasak
12:30 Kalejira
17:00 Mus txapelketa
19:00 Igel txapelketa
20:00 Barbakoa
22:00 Dantzaldia

Osorik irakurri

☉ Galdakao

Galdakaoko institutuek 567 euro lortu dituzte bigarren eskuko merkatu solidarioan

|

GBGE elkarteari emango diote lortutako dirua // Geuria

Bigarren eskuko merkatu solidarioa antolatu zuten maiatzaren 17an, ostiralez, Galdakaoko Andra Mari Lanbide Heziketako, Bengoetxeko, Elexaldeko eta Eguzkibegiko ikasleek.

Bertan izan ginen eta Aitor Salazar, Miren Muñoz eta Elizabeth Fernandez Bengoetxe Institutuko Ekodelegatuekin berba egin genuen.

Ikasleek GEURIAri adierazi diotenez, 567 euro lortu zituzten merkatu solidarioan. Bilduko duten dirua GBGE elkarteari emango diote.

“Guretzat emaitza oso ona da”, adierazi diote GEURIAri ikasleek.

Osorik irakurri

☉ Galdakao

Zuberoako Maskarada ekarriko du Galdakaora Andra Marik 33 urteren ostean

|

Pagolako gazteek aurten antzeztutako Maskaradak // Argazkiak: Maite Irizar, Amaiur Aristi (dantzan.eus)

Andra Mari Dantza Taldeak Zuberoako Maskarada ekarriko du Galdakaora, azkenekoz 33 urte izan ostean. Maiatzaren 25ean, larunbatez, izango da eta Pagolatik (Zuberoa) etorriko dira dantzariak eta barrikadak eta ofizioak antzeztuko dituzte.

Maskarada 11:30ean hasiko da Andra Mari elizatik, Ardanza parkean, eta Iturrondotik eta Santi Brouard plazatik ere igaroko dira. Arratsaldean Santi Brouard plazan izango da ekitaldia 17:00etan, eta euria bada, frontoira lekualdatuko dute.

“Duela 33 urte izan genuen azken aldiz Zuberoako Maskarada Galdakaon, Altzairen eskutik. Eta orain, 33 urteren ostean berriro ere Zuberoako Maskarada dakargu gure herrira, aurten Pagolaren eskutik”, diote Andra Mari Dantza Taldetik.

Egitaraua / Zuberoako Maskarada

Maiatzak 25, larunbata

Barrikadak
11:30 Andra Mari eliza (Ardanza parkea)
12:30 Iturrondo plaza
13:30 Santi Brouard plaza

Ofizioak
17:00 Santi Brouard plaza. Euria bada, frontoian

Osorik irakurri

☉ Galdakao

Varsoviako irakasleek Galdakaoko Elexalde Institutuko metodologia ezagutu dute

|

Varsoviako Szkola Podstawowa institutuko bi irakasle izan dira Elexaldeko metodologia aztertzen // Elexalde BHI

Galdakaoko Elexalde Institutua Erasmus+ proiektuan murgilduta dago. Ikasturte honetan ‘Create and Experience a Better Europe’ proiektuan ari dira parte hartzen Galdakaoko ikasleak, Varsoviako (Polonia), Berlingo (Alemania) eta Casertako (Italia) ikasleekin.

Iazko azaroaren 24tik abenduaren 2ra bitartean Elexaldeko Institutuak harrera egin zien Varsoviako zazpi ikasleri, Berlingo seiri eta Casertako hamaika ikasleri, eta eurekin etorritako zazpi irakasleri. Eta aurtengo martxoan Galdakaoko hamabi ikaslek eta bi irakaslek Caserta (Italia) bisitatu zuten.

Maiatzean, gainera, hilaren 15etik 17ra, Varsoviako Szkola Podstawowa institutuko bi irakaslek Job Shadowing bat egiteko aukera izan dute Elexalde Institutuan: “Job Shadowing-a beste irakasle batzuek emandako eskolak zuzenean behatzean datza, beste herrialde batzuetako hezkuntza nolakoa den, zein metodologia erabiltzen duten eta ikasleek nola ikasten duten lehen pertsonan ezagutzeko. Horri guztiari esker, zer aldatu edo hobetu daitekeen hausnartu eta ondorioak atera daitezke, job shadowing-ean parte hartzen duten ikastetxeekin esperientziak eta baliabideak trukatzeaz gain”, azaldu dute Elexalde Institutuko Erasmus+ programako arduradunek.

“Gure ikastetxetik, joan den ikasturtean, bi irakasle Poloniara joan ziren Szkola Podstawowa eskolara (Varsovia), Poloniako sistemak nola funtzionatzen duen jakiteko eta sistema horren kalitatea hobetzeko gure IES Elexalde ikastetxean aplikatu ahal izateko”, diote.

Poloniako eta Euskal Herriko hezkuntza sistemei buruz hausnartu dutela diote Elexalde Institutuko arduradunek: “Era berean, Elexalde BHIk egiten dituen proposamenak erakutsi dizkiegu. DBHko hainbat taldetan ikusi dute, halaber, proiektuen metodologia gaztelania eta ingelesa dela. Halaber, Ahozkotasuna irakasgaian eztabaiden bidez eta modu ludikoan hitz egindako ingelesa nola lantzen den ikusi ahal izan dute”.

“Job Shadowing-a oso aberasgarria izan da eta etorkizunean elkarlanean jarraitu nahi dugu”, diote.

Osorik irakurri

☉ Galdakao

Bideoa / Bigarren eskuko merkatu solidarioa antolatu dute Galdakaoko institutuek

|

Bigarren eskuko merkatu solidarioa antolatu zuten ostiralean Galdakaoko Andra Mari Lanbide Heziketako, Bengoetxeko, Elexaldeko eta Eguzkibegiko ikasleek. Bilduko duten dirua GBGE elkarteari emango diote.

Aitor Salazar, Miren Muñoz eta Elizabeth Fernandez Bengoetxe Institutuko Ekodelegatuekin berba egin genuen.

Osorik irakurri