Andra Mari Dantza Taldearen eskutik, Udaberriko Jaialdiaren beste edizio bat antolatu dute Galdakaon. Maiatzaren 28an Beskoitzeko Oinak Arin taldeak (Lapurdi) dantza erakusketaldia eskaini ostean, ekainaren 18an, larunbatez, Berangoko Simon Otxandategi taldea izango da Santi Brouard plazan 20:00etatik aurrera. Era berean, egun osoan zehar Dantzari Txiki Eguna ospatuko da leku berean. Euskal Herriko lau dantza taldek parte hartuko dute eta ekitaldi nagusia 17:00etan izango da.
