Sareak
[the_ad_group id="3890"]

☉ Galdakao

Erdi Aroko Azoka Solidarioa antolatu dute Galdakaon irailaren 23tik 25era

Tartak, zukuak, krepak eta artisau-ogia eskainiko dituzte Azokan. Gainera, artisau postuak, harriak, belarrak eta beste hainbat gauza egongo da.

|

galdakao gbge 2015 erdi aroko azoka solidarioa

Galdakaoko Boluntarioen Gizarte Elkarteak (GBGE), Udalarekin lankidetzan, Erdi Aroko Azoka Solidarioa antolatu du hirugarren aldiz. Irailaren 23tik 25era bitartean ospatuko da Lehendakari Agirre plazan.

Azoka solidarioa 17:ooetan irekiko dute ostiralean eta 24:00etan itxiko dute. Larunbatean eta igandean 10:00etatik aurrera zabalik egongo da (larunbatean 24:00ak arte eta igandean 20:30ak arte). Bildutako dirua Galdakaoko herritarrei zuzendutako izaera sozialeko jardueretan erabiliko dute.

 

☉ Galdakao

Argazkiak / Uretara! Splash txapelketa egin dute Galdakaoko jaietan

|

Splash txapelketa antolatu du lehen aldiz santakurtzetan Galdakao Igeriketa Taldeak. Guztira 21 kuadrillak hartu dute parte eta txapeldun izan da Dekantzekoz, bigarren Firu eta hirugarren Piperrak.

Osorik irakurri

☉ Galdakao

Bideoa / Galdakaoko jaietako Errelebo lasterketan giro “oso ona” egon da: “Datorren urtean berriro!”

|

Errelebo lasterketa proba berriak hainbat kuadrilla batu ditu Galdakaoko jaietan. Errotu Konpartsak antolatu du eta Ander Uribarri kideak GEURIAri adierazi dionez, giro “oso ona” egon da.

“Galdakoztarrei gustatzen zaie proba fisikoetan parte hartzea herriko jaietan, eta horregatik sortu genuen erreleboen proba hau”, dio Anderrek, eta zehaztu du datorren urtean berriro antolatzeko asmoa dutela Errotutik.

Osorik irakurri

☉ Galdakao

Argazkiak / Txantxa Gutxi kuadrillak irabazi du Errelebo lasterketa Galdakaoko jaietan

|

Galdakaoko jaietan proba berriak antolatu dituzte. Horietako bat da Errelebo lasterketa, Errotuk antolatu duena. Txapeldun izan da Txantxa Gutxi kuadrilla, bigarren Antzeko, hirugarren Weekandugu eta laugarren Lonjelvi.

Osorik irakurri

☉ Galdakao

Bideoa / Oilasko ala haragizko hanburgesa? Edo beganoa akaso? Inkesta egin dugu Galdakaoko jaietan!

|

Hanburgesa txapelketa izan zen atzo, irailak 17, Galdakaoko jaietan. Patakonek antolatzen du lehiaketa eta aurten 60 kuadrilla aurkeztu direla zehaztu digute: “Partaidetza handia izan dugu aurten ere!”, dio Beñat Elias Patakoneko kideak. Epaileek “100 hanburgesa baino gehiago” dastatu dituztela esan digu Maite Uribarri Patakoneko kideak.

Atzokoan ere GEURIA mikroa eskuan atera zen Santakurtzetara! Hanburgesa haragizkoa ala oilaskokoa? Akaso beganoa? Eta hanburgesa laguntzeko zein da aukerarik onena: patatak ala natxoak?

Beñat eta Maite (Patakon), Gorka (Elkarlaguntza Sarea), Asier eta Kristian (Antrotarrak), Eñaut (Bost Axola) eta Oier (Sukherrak Zauk) galdakoztarrek erantzun dute gure galdetegia!

Osorik irakurri

☉ Galdakao

Argazkiak / Gusak da Galdakaoko jaietan talentu gehien duen kuadrilla

|

Talentu Txapelketa antolatzen du Zizpa Gazte Konpartsak Galdakaoko jaietan. Aurten txapeldun izan da Gusak kuadrilla magia ikuskizun batekin, bigarren Bertan Kaldo kuadrilla sailkatu da eta hirugarren Dekantzekoz. Laugarren Sukuzu izan da eta bosgarren Piperrak.

Osorik irakurri