☉ Galdakao
Ahoztar Zelaietaren biharko liburu aurkezpena ordu erdiz atzeratu dute Galdakaon
‘Residencias SA. El negocio de los cuidados en Euskal Herria’ liburua aurkeztuko du bihar, urtarrilak 27, Ahoztar Zelaieta kazetariak. Antolatzaileek aurkezpena 19:00etan iragarri zuten arren, orain ordu erdiz atzeratzea erabaki dute. Arrazoia: bihar 19:00etan Mohamed El-bachir gaztearen heriotza salatzeko elkarretaratzea deitu dutelako Iturrondo plazan —joan den asteazkenean aurkitu zuten adingabearen gorpua Ibaizabal ibaian, Galdakao parean—. Gauzak horrela, Ahoztar Zelaietaren liburu aurkezpena 19:30ean izango da Ganguren tabernan.
“Zaharren egoitza batean bizi diren pertsona batzuen matxinadaren fikzio baten aitzakiarekin, sektorearen erradiografia azalerazten saiatu naiz. Ikerketa honen ondorioz erresidentzien sektorean eman den pribatizazioaren kronologia laburbiltzen dut, “euskal oasian” eta baita Nafarroan ere”, dio Zelaietak berak.
Era berean, pribatizazio prozesu horretan enpresa pribatuak onuratu direla salatzen du Zelaietak liburuan: “Hain zuzen ere, bi enpresa mota: alde batetik, talde handiak (Espainiako erresidentzien sektorean pisu handiena dutenak) eta bestetik, Hego Euskal Herrian sortutako tokiko enpresa multzoa. Talde handiak eta tokiko enpresa hauek bat egiten dute Hego Euskal Herriko patronalean”, dio Zelaietak, eta gaineratu du: “Kargu publiko ohi batzuek tokiko enpresa hauek sortu dituzte edota zuzendaritzan daude. Erresidentzien patronalean ere kargu publiko ohi batzuk daude; are gehiago, enpresa pribatuetan ibilitako batzuk arduradun politiko izendatu dituzte azken urteotan. Politika sozialetan ardura izan duten kargu ohi batzuk ere enpresa pribatuetan lan egiten dute orain”.
Sektore feminizatu honetan eman den lan gatazkari buruz ere aritze da liburuan Zelaieta, “baita erresidentzietan dauden pertsonen senideak salatu dituzten gaiak ere”. Azkenik, pandemiak erresidentzietan “eragindako kalteak” eta pandemiaren aurretik erresidentzietan egindako ikuskatzen ondorioz “jarritako isunak” azpimarratzen ditu.
Galdakaoko jaietan proba berriak antolatu dituzte. Horietako bat da Errelebo lasterketa, Errotuk antolatu duena. Txapeldun izan da Txantxa Gutxi kuadrilla, bigarren Antzeko, hirugarren Weekandugu eta laugarren Lonjelvi.
☉ Galdakao
Bideoa / Oilasko ala haragizko hanburgesa? Edo beganoa akaso? Inkesta egin dugu Galdakaoko jaietan!
Hanburgesa txapelketa izan zen atzo, irailak 17, Galdakaoko jaietan. Patakonek antolatzen du lehiaketa eta aurten 60 kuadrilla aurkeztu direla zehaztu digute: “Partaidetza handia izan dugu aurten ere!”, dio Beñat Elias Patakoneko kideak. Epaileek “100 hanburgesa baino gehiago” dastatu dituztela esan digu Maite Uribarri Patakoneko kideak.
Atzokoan ere GEURIA mikroa eskuan atera zen Santakurtzetara! Hanburgesa haragizkoa ala oilaskokoa? Akaso beganoa? Eta hanburgesa laguntzeko zein da aukerarik onena: patatak ala natxoak?
Beñat eta Maite (Patakon), Gorka (Elkarlaguntza Sarea), Asier eta Kristian (Antrotarrak), Eñaut (Bost Axola) eta Oier (Sukherrak Zauk) galdakoztarrek erantzun dute gure galdetegia!
Talentu Txapelketa antolatzen du Zizpa Gazte Konpartsak Galdakaoko jaietan. Aurten txapeldun izan da Gusak kuadrilla magia ikuskizun batekin, bigarren Bertan Kaldo kuadrilla sailkatu da eta hirugarren Dekantzekoz. Laugarren Sukuzu izan da eta bosgarren Piperrak.
☉ Galdakao
Bideoa / Mari Carmen Alvarez: “Gorantza Futbol Taldeak nire garapen pertsonalean lagundu zidan”
Atzo, irailak 16, omenaldia jaso zuten Galdakaoko Gorantza Futbol Taldeko emakumeek: duela 57 urte, 1967ko irailean, Galdakaoko emakumeen lehen futbol taldea eratu zuten.
1967tik 1972ra bitartean Gorantza Futbol Taldeko emakume aitzindari hauek omendu zituzten: Eguzkiñe Loroño, Pili Moreno, Blanqui Goiri, Emili Suarez, Amaia Garay, Eguzkiñe Garay, Rosario Etxabe, Maribel Saratxaga, Marieli Aurtenetxe, Maria Angeles Yarritu, Henar Yarritu, Maria Jesus Urgoiti, Belen Urgoiti, Virginia Gonzalez Ramos, Mari Carmen Alvarez eta Maria Pilar Torres jokalariak, Miguel Caballero entrenatzailea, eta Koldo Tutor eta Arturo Maza laguntzaileak.
Omenaldia jaso aurretik Mari Carmen Alvarez jokalari ohiarekin berba egiteko aukera izan genuen GEURIAn: “Oso pozik gogoratzen ditut Gorantza Futbol Taldeko garaiak. Nire garapen pertsonalean asko lagundu zidan taldeko parte izateak”, adierazi digu Mari Carmenek. 1968tik 1972ra bitartean jokatu zuen Mari Carmenek Gorantzan.
Omenaldiko argazkiak ere publikatu ditugu geuria.eus webgunean. Hemen argazki galeria.
Duela 57 urte, 1967ko irailean, aitzindari izan ziren Galdakaoko zenbait emakume: herriko emakumeen lehen futbol taldea sortu zuten, Gorantza Futbol Taldea.
Gaur, ia sei hamarkada ostean, omenaldia egin diete Galdakaoko Udalak eta Galdakao Futbol Klubak Santa Barbara futbol zelaian.
Honakoak izango dira omenduak: Eguzkiñe Loroño, Pili Moreno, Blanqui Goiri, Emili Suarez, Amaia Garay, Eguzkiñe Garay, Rosario Etxabe, Maribel Saratxaga, Marieli Aurtenetxe, Maria Angeles Yarritu, Henar Yarritu, Maria Jesus Urgoiti, Belen Urgoiti, Virginia Gonzalez Ramos, Mari Carmen Alvarez eta Maria Pilar Torres jokalariak, Miguel Caballero entrenatzailea, eta Koldo Tutor eta Arturo Maza laguntzaileak.
Omenaldia eta gero, Galdakao Futbol Taldeko eta Athleticeko jokalari ohiek partida jokatu dute.
Argazkiak / Txantxa Gutxi kuadrillak irabazi du Errelebo lasterketa Galdakaoko jaietan
Bideoa / “ETSk entzun du Usansolok zer nahi duen, eta jarraituko dugu geltokia erdigunean aldarrikatzen”
Arrigorriagak 229.000 euro bideratuko ditu Ollargan eta Haurreskolako haur-parkeak berritzeko
Argazkiak / Txantxa Gutxi kuadrillak irabazi du Errelebo lasterketa Galdakaoko jaietan
Argazkiak / Gusak da Galdakaoko jaietan talentu gehien duen kuadrilla
Argazkiak / Galdakaoko Gorantza Futbol Taldeko emakume aitzindariei omenaldia
Bideoa / “ETSk entzun du Usansolok zer nahi duen, eta jarraituko dugu geltokia erdigunean aldarrikatzen”
Bideoa / El Casoplón filmak 20 auto aparkaleku baino gehiago kenduko ditu Basauriko Pozokoetxen, bi egunez
