→Galdakao

Galdakaoko Andra Mari dantza taldeak ateak zabaldu dizkie ikasturte berriko dantzariei

Andra Mari dantza talde galdakoztarra haur, gazte eta helduen bila dabil ikasturte berriko dantza-ikastaroetarako. Matrikulazio epea zabalik, irailaren 30era arte izena eman dezakete dantzariek.

Andra Mari dantza taldeak, aurtengo Sokadantzan, Galdakaoko jaietan // Geuria

Andra Mari dantza talde galdakoztarra haur, gazte eta helduen bila dabil ikasturte berriko dantza-ikastaroetarako. Matrikulazio epea zabalik, irailaren 30era arte izena eman dezakete dantzariek.

Haur eta gazteentzako ikastaroari dagokionez, 2017an jaiotakoak eta nagusiagoek izena eman dezakete.

Gazte eta helduentzako dantza ikastaroetako lekuak mugatuak dira eta bertan 16 urte gorako lagunek izena eman dezakete. Klaseak barikuetan izango dira 18:30etatik 20:00ak arte eta ikastaro hauek hiru modulutan banatuta daude: lehena, urritik abendurakoa; bigarrena, 2023ko urtarriletik martxorakoa; hirugarrena, 2023ko apiriletik ekainerakoa. Modulu bakoitzeko prezioa 30 eurokoa da (bazkideek 20 euro ordaindu behar dute) eta hiru moduluena 70 eurokoa (bazkideentzat 50 euro).

Haur, gazte zein helduen ikastaroetan izena emateko e-posta bidali behar dute interesdunek info@andramaridantzataldea.com helbidera. Haurren ikastaroaren inguruko informazioa handitzeko 615 294 624 telefono zenbakia ahalbidetu dute. Gazte eta helduentzako ikastaroen inguruko informaziorako, ostera, 680 657 137 telefono zenbakira deitu behar dute dantzariek.

 

Gora

Geuria Laguntzaileak Geuria Laguntzaileak