☉ Galdakao
Egoitz Maruri: «Interes politiko eta ekonomikoengatik ari dira enpresak gure eskualdea uzten»
Norbega-Coca-Colako 240 langile inguru lan-etenaldiak egiten hasi dira Galdakaoko egoitzan. Langile horien guztien artean Egoitz Maruri Lamborena enpresa batzordeko kidea dago, eta beragaz berba egiteko aukera izan dugu, euren egoeraz jakiteko.
Geuria #087 Monografikoan argitaratutako elkarrizketa
“Gure Gerrak. Hego Uribe eskualdean ditugun aldarrikapen, hausnarketa eta ekintza ezberdinen solasaldiak”
Irakurri osorik PDFan
Azken boladan Hego Uribeko enpresa askotan langile borrokak azaleratu dira: Maxam, Vulcanizados Zuloaga, Novaltia… Mobilizazioen bidez langileen aldarrikapenak entzun ahal izan dituzte kasu batzuetan; eta beste batzuetan, aldiz, borrokan diraute. Aipatutakoez gainera, gaur egun, Norbega-Coca-Cola enpresako langileak protestan daude. Ez da eskualdeko protesta bakarra. Egoitz Maruri Lamborenarekin berba egin dugu Galdakaoko egoitzako langileak bizitzen ari diren egoeraren inguruan.
Txandakako lan etenaldiak egiten hasi ziren ekainaren erdialdean, eta hilabetearen amaieran lanaldi osoko geldialdiak egingo dituzte Coca-Colako lantegiaren aurrean, soldataz gainera euren lan-baldintzak hobetzeko helburuagaz. Errepide nagusiaren aurrean etenaldiak egiten ari den langile-taldea baikor azaldu da ekoizpen eta logistika lantegien jarduera etetea lortu duelako, momentuz.
Nortzuk osatzen duzue Norbega eta nolako egoera ari zarete bizitzen?
Norbega zenbait delegaziok osatzen dugu: Galdakao, Gasteiz, Burgos, Donostia, Iruñea eta Logroñoko delegazioek. Kasu honetan Galdakaoko egoitzakoak gaude greban. Momentu honetan ekoizpen eta logistika fabrikaren jarduera eten dugu eta pauso handia izan da guretzat. Gauza bat falta zaigu: komertzialetan izango dugun eragina ezagutzea. 280 langile gara guztira eta horietatik erdiak egingo ditu, gutxi gorabehera, lan-etenaldiak.
Zeintzuk dira enpresarekin dituzuen arazoak gaur egun?
Ekoizpen eta logistika fabrikaren barruan bizi ditugun lan-baldintzak dira arazo nagusia. Kontratazioarekin arazoak ditugu: behin-behineko kontratazio asko dugu; egutegiarekin ere arazo larriak ditugu eta norberaren funtzioak gainditzen dituen jardueretan egiten ari gara lanean, lan-egitura egokirik ez dugulako.
Zer eskatzen diozue langileek enpresari?
Ikerketa bat egitea, lan-egitura egokia izan dezagun. Hala, enpresan lanaldi finkoa dutenek kontratu mugagabea izatea eskatzen dugu.
Nola ari zarete kudeatzen hau guztia?
ELA eta LAB sindikatuen bidez ari gara kudeatzen eta egun hauetan txanda bakoitzeko bi orduko etenaldiak egiten ari gara enpresaren aurrean, errepide nagusiaren parean. UGTk ez ditu ekimen hauek sustatzen, gai hau lantzeko “goizegi” dela diotelako, antza.
Langile batzuen protestetan batasunik ez dagoela ikusi dugu. Batasuna izatea ez da erraza. Zein da zuen kasua?
Nik nire sindikatuaren ikuspuntutik berba egiten dut, ELAren ikuspuntutik, eta erresistentzia kutxa daukagu.
Ez da etenaldiak deitzen dituzuen lehen aldia, ezta?
Hala da. 2017an hemen bertan batu ginen lagun baten kaleratzearen aurkako manifestazioa egiteko. Urte hartan ekoizpen eta logistika fabrikak ere eten genituen. Gure lankideak eskerrak eman zizkigun egindako etenaldiengatik, baina enpresarekin adostasun batera heldu zen eta ez zen berriro bertara itzuli.
Enpresak dirua irabazteko daude, eta Coca-Colak diru asko irabazten du.
Coca-Cola milioiak irabazten dituen multinazionala dugu eta, diruaz harago, denborak aurrera egin ahala gure lan-baldintzak okertzen ari da, hobera jo beharrean. Horregatik gaude hemen. Egoera hau ezin da inolaz ere onartu! Zekenkeria hutsa da hemen gertatzen ari dena.
Enpresarekin duzuen arazo honi irtenbidea emateko norekin zaudete harremanetan?
Enpresak ez dauka giza-baliabiderik eta beraz, negoziazio hauek Bartzelona eta Sevillatik datozen bi arduradunekin “kudeatzen” ari gara. Nire ustez, pertsona horiek ez dakite gai hauek nola kudeatzen diren Euskadin. Hori da elkarretaratze hauen arrazoi nagusia.
Nola heldu zarete egoera honetara?
Euren ustetan, darabilten botere finantzario eta enpresaren publizitatearen eraginez muturrera eraman gaitzakete eta edozertan arrazoia dutela uste dute. Indarkeriarekin ez gaituzte kikilduko, ezta gutxiago ere!
Arazoa zure eskuetan egongo balitz nolako irtenbidea emango zenioke?
Enpresaren mozkinak mugatuko nituzke, bertako langileekin behar bezala elkarbanatuz. Aberastasuna elkarbanatzeko bidezko modua da.
Enpresa-batzordeak antzeko kasuak bizi duten inguruetako enpresetako batzordeekin harremanetan daude?
Bai, kasu honetan ELAk eskualdeko batzordeak antolatzen ditu. Bertan, inguruko enpresetako kideok bildu eta bakoitzaren arazoen inguruan egiten dugu berba. Askotan arazo mota berdintsuak izan ohi dira enpresa gehienetan.
Eskualde honetan enpresa indartsuak izan ditugu baina horietako asko alde egiten ari dira. Zergatik gerta daiteke hau?
Interes politiko eta ekonomikoengatik, ziurrenik. Eskualdeak izan ditzakeen joera berriengatik ere izan daiteke: agian industria indarra galtzen ari da eta turismoa, irabazten. Batek daki. Nire ustez arrazoi nagusia interes politikoa da.
Instituzioak hirugarren sektorean pentsatzen ari dira, hain zuzen ere.
Askok, ordea, pobreziaren sektorea dela diote. Basauri edo Galdakao bezalako herrietan ostalaritza eta hotelen proiektuak bideragarriak ikusten dituzu? Sektore horren aldeko apustua egiten badugu eta bertan lanik ez badaukagu nola kontsumituko dugu jatetxe eta hoteletan?
Hala ere, enpresa batzuek bertan jarraitzen dute. Zure ustez, berrindustrializaziora bueltatzeko atea zabalik egon daiteke?
Nahi bada, hala izango da. Argi eta garbi daukat nik. Zergatik ez?
Aurreko egunetako etenaldiez gainera, bestelako mobilizaziorik aurreikusi duzue hurrengo egunetan?
Orain arte egindako etenaldiez gainera, ekainean lanaldi osoko etenaldiei ekin genien, goizez, arratsaldez eta gauez. Horiez gainera lanaldi osoko etenaldiak egin ditugu. Uztailean mobilizazio gehiago egin ditugu, hala nola, bi eguneko greba.
Orain arte egindako etenaldiak ikusita, nolako aurreikuspena egiten duzue datozen egunei begira?
Baikor gaude momentuz, batez ere lantegi osoaren aktibitatea gelditu dugula jakinda. Ez diogu borroka egiteari utziko!
☉ Galdakao
#M28 | Galdakao | Bederatzi alderdi: EH Bildu eta EAJ lehia estuan
#M28 | Galdakao | Udal hauteskundeak 2023 | Emaitzak. Hautagaiak, alderdiak, boto kopurua, zinegotziak, datu historikoak, aurreko hauteskundeak.
Azken udal hauteskundeetan EAJk jaso zituen boto gehien (3.897), baina EH Bildu izan da agintean, Auzoaken, Usansolo Herriaren eta Podemosen babesarekin. Alderdi jeltzalearen eta koalizio ezkertiarraren artean 500 botoko aldea baino ez zen egon. EH Bilduk aurreko legegintzaldiko alkategai bera aurkeztu du: Iñigo Hernando. EAJ izan da oposizioko lehen alderdia eta alkategai berria baina ezaguna aurkeztu du Fernando Izagirreren ordez: Ainhoa Agirregoikoa. Auzoak herritarren plataformak ere hautagai berria izendatu du, Mari Paz Losada ordezkatuz, eta bera da Toño Gonzalez. Victor Trimiño gazteak PSEko zerrendaburu izatearen ardura hartu du, Usansolo Herriak Iñaki Urgoiti hautatu du alkategai bezala eta Elkarrekin Podemosek Txelu Bernal aurkeztu du berriro zerrendaburu bezala. PPk Mari Carmen Sanchez jarri du beste urte batez hautagai bezala. Alderdi politiko berri bat ere aurkeztuko da aurten Galdakaon: Bizkaia Bai, Miguel Angel Martinen eskutik, eta Vox ere aurkeztuko da.
Olabarrietako jaiak izango dira maiatzaren 26tik 28ra bitartean. Jai Batzordeak 20 jarduera antolatu ditu: mus txapelketa, erromeriak, gastronomia lehiaketak eta herri kirolak, besteak beste.
Olabarrietako jaiak 2023
Maiatzak 26, barikua
18:00 Jaien hasiera, txistularien kalejira
18:00 Mus txapelketa
18:30 Txokolatada, Olabarrietako Nagusien Elkartearen eskutik
20:00 Erromeria: LOWE bikotea
23:00 Gaupasa Crespo SH DJrekin
Maiatzak 27, zapatua
11:00 Kalejira txistulariekin
12:00 Lehen jaunartzeko meza, agurra eta dantza emanaldia MIREN ERREGINA Taldearekin.
13:00 Hamaiketakoa auzoko nagusientzat Pertsona Nagusien egoitzan
18:30 Herri kirolak eta Euskal Kultura umeentzat Urperen eskutik
18:45 Tortilla txapelketa
20:15 Tortillen aurkezpena
20:30 Sardinada herrikoia
20:30 Tortilla txapelketako sari banaketa
20:45 Erromeria Crespo SH DJrekin
23:45 Gaupasa, PERY & GROSS
Maiatzak 28, domeka
11:00 Kalejira txistulariekin
13:00 Igeltoka txapelketa
13:00 Kalejira-kantujira Kilometro-Kanturen eskutik
18:00 Jaien amaiera
☉ Galdakao
#M28 | Galdakaoko EH Bilduk “Ibaizabal ingurua herritarren gozamenerako eta ongizaterako eremu” bilakatu nahi du
Gazteentzako jolaslekuak, atsedenlekuak, pumptrack pista eta tenis kantxa jarri nahi dituzte Ibaizabal ibaiertzean, baita Mercadillo eta Torrezabal zubiak konektatuko dituen 2 kilometroko pasealekua ere
EH Bilduk Ibaizabaleko erribera berreskuratu eta galdakoztarrentzako aisigune bihurtu gura du hauteskunde programako hirigintza atalean. Hurrengo legegintzaldian garatuko den proiektuak ibaiaren ezkerreko ertza berregokitzea aurreikusten du, Torrezabal zubitik Mercadilloko zubiraino, Txomin Egileor kalea barne, eta Maximo Moreno parkearen berriztapenarekin.
Ekimena gauzatu ahal izateko Maximo Moreno parkea berreskuratzean datza lehenik eta behin. “Parke hori, bere esentzia arkitektonikoari eutsiz, aisialdirako ingurune bat kokatzeko berrituko da, gazteenentzako atsedenleku eta jolas guneekin”, azaldu dute EH Bilduko ordezkariek. Helburu nagusia, beraz, hirigunea ibaiaren ertzera hurbiltzea da.
Ezkerreko ertzean Torrezabal eta Mercadillo zubiak konektatuko dituen oinezkoentzako pasealeku bat prestatatzea aurreikusi dute EH Bildutik.: “Pasealeku horrek 2 kilometro inguruko luzera izango du hainbat atseden-gunekin. Ibilbidean zehar pumptrack pista bat jartzeko asmoa dugu, gaur egungo skateparkaren aldamenean”. Horrekin batera tenis pista bat eraiki gura dute Santa Barbara futbol zelaiaren ondoan. Plazakoetxe poarkearen ondoan 20 ibilgailuentzako aparkalekua jartzeko asmoa agerrarazi dute ere.
“Bizkaiko Foru Aldundiarekin lortutako akordioari esker Txomin Egileor kaleko errei bat oinezkoentzako bide bihurtuko dugu, Arkotxa noranzkoan”, azaldu dute. Beste erreian, berriz, ibilgailuak Plazakoetxerako norabidean bakarrik ibiliko dira.
Iberdrolako elektrolinera berria, udaletxearen parean // Geuria
Programako proposamenak
Trantsizio energetikoa
– Energia eta klimaren tokiko plana martxan jartzea
– Plaka fotoboltaikoak ipintzea eraikin publikoetan
– Elektrolinerak sortzea herriko puntu desberdinetan
– Bizkaiko eguzki-orturik handiena eraikitzea Gorosibain
Hirigintza
– Urretako kiroldegia handitzea
– Emakumeen etxea eraikitzea Romualda Zuloaga plazan
– ‘Jon’ diskoteka zaharra jardun anitzeko gelekin birmoldatu
– Oinezkoentzat kale erosoak eta lurrazpiko zein disuasio-aparkaleku gehiago sortu herri osoan zehar
Gizarte politikak
– Foro soziosanitarioa sortu
☉ Galdakao
#M28 | Maximo Moreno parkea definitu, aparkalekuak sortu eta bizikleta elektrikoak alokatzeko puntuak ezarri nahi du Auzoakek
Auzoetan igogailu berriak martxan jartzea, biodibertsitaterako lorategien proiektua abiaraztea eta Aperribaiko Anbulatorioko jolastokia estaltzea ageri dira
Maiatzaren 28ko udal hauteskundeen atarian, Galdakaoko Auzoak plataformak bere programa aurkezten ari da astiro-astiro. Proposamen guztien artean, 200 aparkaleku ipini gura ditu Dinamitera plazan, eguzki panelak udal eraikinetan eta bizikleta elektrikoak alokatzeko puntuak instalatzeko bideragarritasun-azterketa abiarazi nahi du, besteak beste.
Auzoetan askotariko proposamenak jaso ditu plataformak: igogailu berriak martxan jartzea, Biodibertsitaterako lorategien proiektua abiaraztea, Aperribaiko Anbulatorioko jolastokia estaltzea… Hementxe jasotako proposamenak, atalka:
Mugikortasuna
– Herriko auzoak bidegorrien lotzea
– Bizikleta elektrikoak alokatzeko puntuak instalatzeko bideragarritasun-azterketa egin
– Kurtzea inguruko eremuetan aparkaleku gehiago eraikitzea
– 200 aparkaleku inguru sortu Dinamitera plazan
Jasangarritasuna
– Eguzki panelak udal eraikinetan
Irisgarritasuna
– Arrapala mekanikoak Zuatzaurre – Urtebietara
– Irisgarritasun mekanikoa Urtebietako goialdeetan
– Olabarrietako igogailua – Txistulanda
– Aperribaiko igogailua
– Zabalganerako igogailua
– Pontzi Zabala 2 eta 3 arrapalak
– Zubiaurretaurreneko igogailua
Udal lokalak
– Lokalen zerrandaren erredakzioa, erabilera arautzeko
Kirola
– Indoor eskalada, boulder eta antzeko kiroletarako INDOOR gunea
– Frontoien eta funtzio anitzeko pisten kudeaketa domotikoa
– Kirol amateurraren sustapena
– Hitzaldiak kirol-pertsona ospetsuekin
– Kirol-elkarteen sustapena
– Aperribain eta Usansolon kirol anitzeko guneak martxan dira
– Urretako kirol-kantxen handitzea
Karabanak eta autokarabanak
– Berariazko aparkaleku baten sorrera ur-hornidurarekin eta hondakinak deskargatzeko aukerarekin
Inklusioa
– Proiektu horren lehen fasean, pertsona, haur, gazte edo pertsona helduen errealitatea zein den jakin nahi da zerbitzu publikoen erabilerari begira
– LGTBIQ+ mugimenduari ikusgarritasun handiagoa eman
Zaintza eta errespetua
– Eskeletarako berariaz prestatutako zonak edo totemak
– Oroitzapenen zuhaitza
Kultura
– Zirko karpa proiektuak, kultura eta jarduerak leku batetik bestera eramateko gune ibiltariak
– Hitzaldiak, tailerrak, zinema edo ikuskizunak
– 18. Kultura Bonua: Hobari berezia 18 urte betetzean kultur eskaintza eskuratzeko
– Jaialdiak eta sozialak
– Igande goizetan aire librean entretenitzeko programa: Dantza, yoga edo interpretazio-tailerrak
– Sukalde tailerrak Bekea, Tximelarre Goikoa eta Olabarrieta auzoetan
Poliziaren segurtasuna
– Polizia oinez sartzea
– Poliziaren jarduera ezagutaraztea, ate irekiko jardunaldien bidez
Maskotak
– Txakur-parkeak birkokatzea eta eremu horiek mantentzeko programa sortzea
– Sentsibilizazio-programa eta ikastaroak hezitzaileekin bizikidetzarako
– Txakurren ordenantza zabaltzeko eta ezagutzeko kanpaina
– Txakurren jabeen kontzientziazio-kanpainen sustapena
– Txakurrak udal-eraikinetako sarreretan (ESAN, liburutegiak edo udaletxea) lotzeko irtenbideen prestaketa
Haurrak
– Galdakao ‘Haurren Hiria’ sarearekin bat egitea sustatu du
– Galdakaoko lehen Haur Kontseiluaren sorrera
– Astialdi Sarea programa:
Haurren eta gazteen osasun mentalari arreta ematen dioten baliabideak sustatu
Gizarte eta hezkuntza baliabideak antolatu
Haurtzaroan eta nerabezaroan inbertsio nahikoa, inklusiboa eta eraginkorra egin
– Jolas parke guztiak egokitzeko lanean jarraitu
– Jolasgune berrien prestaketa: lurreko jolasak
Nerabeak
– Gazteentzako bidaia kultural gehiago diruz laguntzea
– Eragin sozialeko jaialdiak: Berdintasunerako jaialdia: hitzaldiak, musika tailerrak, manga tailerra, herriko taldeen lehiaketa
– Kontzertu askotarikoagoak
– Gazteentzako enplegu-plan espezifikoak sustatu
Adinekoak
– Etxetic programaren ezarpena
– Dibertsitate funtzionala duten pertsonentzako eguneko zentro bat sortzea
– Etxez etxeko jarduera okupazionalen programa bat sortzea
– Zugutzuko adinekoen egoitza handitu eta udal bulegoetan eraberritu
Ibaizabal biziberritzea
– Errepide nazionala Plazakoetxe parean lurperatzeari buruzko azterlana osatu
– Kirol-guneak egokitzea ibaiaren bidezidorrean: adel eta Tenis pistak edo pump truck pista bat
– Ibaietako hondartzak edo ibaitik gertu dauden aisialdi-guneak sartzeko aukera aztertu
Hirigintza
– Maximo Moreno parkea definitzeko prozesu parte-hartzailea
– Urreta auzoan espazio estali bat jartzea
Merkataritza
– Merkataritzari zuzeneko laguntzak eman
– Ostalaritzarekin zuzeneko kanal bat sortzea
– Diru-laguntzak kilometro 0ko produktuen nekazari,abeltzain, artisauei
– Udal merkatu bat bultzatzeko aukeraren azterketa
– Hurbileko merkataritza gutxieneko merkataritza ez duten auzoetara eramateko ekintzak aztertu
Auzorik auzo
Aperribai, Jugo, Olabarrieta, Txistulanda eta Azpuru
– Esan bulegoa zabaldu
– Anbulatorioko jolastokia estali
– Herritarren erabilerarako udal lokal erabilgarri guztien egokitzapena
– Ezponden azterketa eta mazeletako lorategien eta zuhaitzen birdiseinua
– Musika eskola Eperlandan
– Biodibertsitaterako lorategien proiektua
– Olabarrieta auzoko zirkulazioaren noranzkoa birbideratzeko azterlana egitea
– Olabarrieta auzoan zirkulazio-murriztaileak jartzea
– Aperribai, Olabarrieta eta Txistulandarako irisgarritasun orokorraren azterlana egitea
– Olabarrietako goiko aldeari eta txistulandari zerbitzua emateko igogailua jartzeko proiektua abiaraztea
– Txistulandako memoria historikoa lantzea
– Jugojo asfaltatzea eta argiztapena hobetzea
Bengoetxe eta Troka
– 200 lagunentzako aparkalekua sortzea
– Lorategi botanikoa sortzea Bengoetxen
– Trokako presaren ingurua zaindu eta hobetu
– Trokaren saneamendu lanei ekitea
– Bengoetxe auzoaren kutsatutako lursailaren azterketa eta deskontaminazio-lanak
Urtebieta eta Zugatzaurre
– Irisgarritasun orokorreko proiektua, auzoko bizilagunekin batera
– Urtebietan aparkalekuak egokitzea
– Urtebieta auzoko goiko aldeetarako irisgarritasun mekanikoko proiektua
– Zugatzaurreko aparkalekua egokitzea
Tximelarre Goikoa
– Txakurren jabeentzako kontzientziazio-kanpaina
– Urretara jaisten den igogailuaren inguruan irisgarritasuna hobetzea
– Lapurdirako igogailuaren proiektua abiaraztea
– Haur-parkea handitzea eta hobetzea
Urreta
– Sasoiko nekazaritza, artisautza eta eskulangintza azokak
– Umeen aisialdirako jarduerak
– Urretako parkeko arkupeetan grafiti lehiaketa bat martxan jarri
– txakur-parke gisa prestatutako eremua behar bezala egokitu
Kurtzea, Plazakoetxe, Tximelarre Bekoa, Zabalea eta Zabalgane
– Bizkai Kalea eta Lapurdi arteko zatia noranzko bikoitzera bihurtzeko bideragarritasun azterlana
– Pintxazo irteerako bideragarritasun azterlana Donostiarako norabidean
– Dinamitera plazaren azpiko aparkalekuak
– Zabalganeko igogailua eta auzorako sarbidea
Berezikoetxe, Iberluze, Torrezabal eta San Inazio
– Aparkaleku gehiago Iberluze eta San Inazio auzoetan
– Txakur-parkea birkokatzea
– Adinekoentzako parkea hobetu eta zirkuitu bio-osasungarriak berrikusi
– Bizikletak garbitzeko puntu bat jartzeko aukera aztertu
– Lorategien egoera aztertu
Zugutzu
– Bizilagunentzako zaratarako panelak jarri
– Pump truck bat instalatzea
– Argiztapena hobetu
Altamira, Artola, Askarri, Bekea, Egia, Elexalde, Gumuzio eta Olabarri
– Saneamendu lanak Errekalden
– Mina asfaltatzea
– Auzotaxi zerbitzua abiarazi
Maiatzaren 28ko udal hauteskundeen atarian, Galdakaoko EAJ bere programa aurkezten ari da pixkanaka. Besteak beste, Lapurdi eta anbulatorioko aparkalekuen gainean aparkatzeko solairu bat gehitzea, biziletak alokatzeko zerbitzua martxan jartzea, Galdakao Txartela sustatzea eta jolas-parkeak eta jolas-eremuak estaltzea proposatzen du alderdi jeltzaleak.
Aparkalekuak, irisgarritasuna eta mugikortasun jasangarria
– Aparkaleku-plazak handitzea: Lapurdiko eta anbuilatorioko aparkalekuen gainean solairu bat gehitzea.
– Iberluzen aparkaleku bat eraikitzea.
– Urtebietan eta Bengoetxen aparkalekuak sortzea.
– Kale jakin batzuetan noranzko bakarraren ezarpena aztertzea, zirkulazioa errazteko, aparkaleku kopurua handitzeko eta oinezkoentzako lekua irabazteko.
– Zabalgane eta Kurtzea lotzeko igogailu bat eraikitzea.
– Txandakako aparkalekuetan aparkatzeko ordutegia luzatzea.
– Muguru-Etxepare-Urki ardatza erdi peatonalizatzea aztertzea.
Kultura eta euskara
– Aukera kultural eta musikal berriak bultzatuko ditugu, euskararen erabilera gure herriaren zeharkako ardatz, bereizgarri eta elementu integratzaile gisa sustatuz.
– Kirolean euskararen erabilera eta sustapena buktzatuko dugu jarduerak eta zabalkunde kanpainak antolatuz.
Kirola
– Kirol anitzeko kantxak eta kirolguneak eraikitzea.
– BIZIZ zerbitzua ezartzea: bizikletak alokatzeko zerbitzua.
– Udal pilotalekua handitzea eta hobetzea.
Enplegua eta ekonomia sustapena
– Bono Denda kanpainetarako dotazio ekonomikoa handitzea.
– Galdaoko Txartela sustatzea, dendetan ordaintzerakoan abantailak dituen txartela, deskontuak, erosketa-txekeak, zozketak…
Auzoak
– Inbertsioak auzo guztietan.
– Igogailuak, arrapalak eta sarbide alternatiboak garatzea.
– Zaborren garbiketa eta bilketa hobetzea
– Argiztapena, urnabizazioa eta sarbideak hobetzea, bi aldeetan espaloiak eraikitzea, pùntu beltzak ezabatzea, kanalizazio hobekuntzak, aparkalekuak…
– Auzoetako kultur bizimodua sustatzea auzoetako jaietarako dotazio ekonomiko handiagoen bitartez.
– Auzune-taxi zerbitzua ezartzea herrian gestioak eta erosketak egiteko zailtasunak edo ezintasun egoerak dituzten pertsonentzat.
Parkeak, ludotekak eta Udalekuak
– Haurreskolen jolas-parkeak eta jolas-eremuak estaltzea.
– Eskoletara iristea errazteko oinezkoentzako ibilbideak eta “Umeen laguntzaileen” figura sortzea
– Ikastetxe eta institutuetarako sarbideak hobetzea.
– Ludoteka eta Udalekuen ordutegiak, jarduerak eta zerbitzuak handitzea.
– Eskola-materiala eskuratzeko zuzeneko diru-laguntzak
