☉ Galdakao
Oroimen ekitaldia eta Burdin Hesira ibilaldia egingo dute Galdakaoko bonbardaketaren 86. urteurrenean
Gogora Elkarteako Lutxi Larrazabalek Emakume Abertzale Batzaren mendeurrenaren inguruko hitzaldia eskainiko du, eta Ander Aperribai historialariak ‘Gerra Zibila Galdakaon’ izeneko saioa eroango du herriko ikastetxeetara
Galdakaoko bonbardaketak 86 urte beteko ditu aste honetan. Hori dela eta, Udalak, Galdakao Gogora elkartearekin batera, zenbait ekitaldi prestatu ditu hurrengo egunetan, herritar guztientzat zabalik.
Maiatzaren 17an, asteazkena, ‘Gerra Zibila Galdakaon’ hitzaldia eskainiko du Ander Aperribai historialariak Eguzkibegi ikastetxean. Arratsaldean, Emakume Abertzale Batzaren mendeurrenaren inguruko hitzaldia antolatu du Galdakao Gogora elkarteak Lutxi Larrazabal kidearen eskutik. 19:00etan, udaletxeko osoko bilkuren aretoan.
Maiatzaren 18an, osteguna, 11:30etan EPA adinentzako zentroan izango da Ander Aperribai ‘Gerra Zibila Galdakaon’ hitzaldiarekin.
Maiatzaren 19an, ostirala, Galdakaoko bonbardaketaren 86. urteurrenaren oroimen ekitaldia egingo dute 12:00etan, Plazakoetxen. Ekitaldi honetan 1937an Galdakaok jasandako 28 bonbardaketak gogoraraziko dituzte. Hain zuzen ere, faxisten hegazkin batek jaurtitako bonba batek 16 herritar hil zituen urte hartan Plazakoetxeko aterpearen sarreran. “Maiatzaren 19a egun berezia da galdakoztarrentzat”, azaldu dute udal ordezkariek. “Ohi bezala, urteurrena gogoratzeko ekitaldia antolatu dugu: ostiral eguerdiko 12:00etan izango da ekitaldia eta lore eskaintza egingo dugu Plazakoetxen.”
Maiatzaren 27an, larunbata, bisita gidatua egingo du Galdakao Gogorak Tomi Madinak gidatuta, Burdin Hesira. Ibilaldia 09:00etan abiatuko da Kurtzeko plazatik eta Bekea aldeko ibilbidea aztergai izango da.
Galdakaoko jaietan proba berriak antolatu dituzte. Horietako bat da Errelebo lasterketa, Errotuk antolatu duena. Txapeldun izan da Txantxa Gutxi kuadrilla, bigarren Antzeko, hirugarren Weekandugu eta laugarren Lonjelvi.
☉ Galdakao
Bideoa / Oilasko ala haragizko hanburgesa? Edo beganoa akaso? Inkesta egin dugu Galdakaoko jaietan!
Hanburgesa txapelketa izan zen atzo, irailak 17, Galdakaoko jaietan. Patakonek antolatzen du lehiaketa eta aurten 60 kuadrilla aurkeztu direla zehaztu digute: “Partaidetza handia izan dugu aurten ere!”, dio Beñat Elias Patakoneko kideak. Epaileek “100 hanburgesa baino gehiago” dastatu dituztela esan digu Maite Uribarri Patakoneko kideak.
Atzokoan ere GEURIA mikroa eskuan atera zen Santakurtzetara! Hanburgesa haragizkoa ala oilaskokoa? Akaso beganoa? Eta hanburgesa laguntzeko zein da aukerarik onena: patatak ala natxoak?
Beñat eta Maite (Patakon), Gorka (Elkarlaguntza Sarea), Asier eta Kristian (Antrotarrak), Eñaut (Bost Axola) eta Oier (Sukherrak Zauk) galdakoztarrek erantzun dute gure galdetegia!
Talentu Txapelketa antolatzen du Zizpa Gazte Konpartsak Galdakaoko jaietan. Aurten txapeldun izan da Gusak kuadrilla magia ikuskizun batekin, bigarren Bertan Kaldo kuadrilla sailkatu da eta hirugarren Dekantzekoz. Laugarren Sukuzu izan da eta bosgarren Piperrak.
☉ Galdakao
Bideoa / Mari Carmen Alvarez: “Gorantza Futbol Taldeak nire garapen pertsonalean lagundu zidan”
Atzo, irailak 16, omenaldia jaso zuten Galdakaoko Gorantza Futbol Taldeko emakumeek: duela 57 urte, 1967ko irailean, Galdakaoko emakumeen lehen futbol taldea eratu zuten.
1967tik 1972ra bitartean Gorantza Futbol Taldeko emakume aitzindari hauek omendu zituzten: Eguzkiñe Loroño, Pili Moreno, Blanqui Goiri, Emili Suarez, Amaia Garay, Eguzkiñe Garay, Rosario Etxabe, Maribel Saratxaga, Marieli Aurtenetxe, Maria Angeles Yarritu, Henar Yarritu, Maria Jesus Urgoiti, Belen Urgoiti, Virginia Gonzalez Ramos, Mari Carmen Alvarez eta Maria Pilar Torres jokalariak, Miguel Caballero entrenatzailea, eta Koldo Tutor eta Arturo Maza laguntzaileak.
Omenaldia jaso aurretik Mari Carmen Alvarez jokalari ohiarekin berba egiteko aukera izan genuen GEURIAn: “Oso pozik gogoratzen ditut Gorantza Futbol Taldeko garaiak. Nire garapen pertsonalean asko lagundu zidan taldeko parte izateak”, adierazi digu Mari Carmenek. 1968tik 1972ra bitartean jokatu zuen Mari Carmenek Gorantzan.
Omenaldiko argazkiak ere publikatu ditugu geuria.eus webgunean. Hemen argazki galeria.
Duela 57 urte, 1967ko irailean, aitzindari izan ziren Galdakaoko zenbait emakume: herriko emakumeen lehen futbol taldea sortu zuten, Gorantza Futbol Taldea.
Gaur, ia sei hamarkada ostean, omenaldia egin diete Galdakaoko Udalak eta Galdakao Futbol Klubak Santa Barbara futbol zelaian.
Honakoak izango dira omenduak: Eguzkiñe Loroño, Pili Moreno, Blanqui Goiri, Emili Suarez, Amaia Garay, Eguzkiñe Garay, Rosario Etxabe, Maribel Saratxaga, Marieli Aurtenetxe, Maria Angeles Yarritu, Henar Yarritu, Maria Jesus Urgoiti, Belen Urgoiti, Virginia Gonzalez Ramos, Mari Carmen Alvarez eta Maria Pilar Torres jokalariak, Miguel Caballero entrenatzailea, eta Koldo Tutor eta Arturo Maza laguntzaileak.
Omenaldia eta gero, Galdakao Futbol Taldeko eta Athleticeko jokalari ohiek partida jokatu dute.
Argazkiak / Txantxa Gutxi kuadrillak irabazi du Errelebo lasterketa Galdakaoko jaietan
Bideoa / “ETSk entzun du Usansolok zer nahi duen, eta jarraituko dugu geltokia erdigunean aldarrikatzen”
Arrigorriagak 229.000 euro bideratuko ditu Ollargan eta Haurreskolako haur-parkeak berritzeko
Argazkiak / Txantxa Gutxi kuadrillak irabazi du Errelebo lasterketa Galdakaoko jaietan
Argazkiak / Gusak da Galdakaoko jaietan talentu gehien duen kuadrilla
Argazkiak / Galdakaoko Gorantza Futbol Taldeko emakume aitzindariei omenaldia
Bideoa / “ETSk entzun du Usansolok zer nahi duen, eta jarraituko dugu geltokia erdigunean aldarrikatzen”
Bideoa / El Casoplón filmak 20 auto aparkaleku baino gehiago kenduko ditu Basauriko Pozokoetxen, bi egunez
