Jakina denez, datorren urtarrilaren 5a Errege Magoen Gaua dugu eta hainbat jarduera prestatu dituzte eskualdean. Galdakaon Kabalgata “egokitua” prestatu du Argizai Estaut Taldeak udaletxetik Bengoetxera, Gabonek gidatuta.
Ibilbidea Galdakaoko udaletxean hasiko dute 18:00etan eta Juan Bautista Uriartetik, Zamakoatik eta Bizkai kaleetatik igaro ostean Belenera iritsiko dira Errege Magoak (kiroldegia). Hortik Bengoetxeko elizako tronuetara joango dira Meltxor, Gaspar eta Baltasar eta bertan aldarrikapen eszena antzeztuko dute. Gainera, herri osoarentzako txokolatada prestatuko dute Bengoetxeko Auzo Elkartekoek bertan.
Ibilbidea egokitua izango da aisialdi inklusiboagoa sortzeko helburuarekin eta Galdakaoko Boluntarioen Gizarte Elkarteak (GBGEk) janari bilketa antolatu du Kurtzeko plazan bertan.
Meltxor, Gaspar eta Baltasar, Arrigorriagan, 2021ean // Geuria
Egitaraua | Hego Uribeko Errege Magoak 2022
Urtarrilaren 5eko goizean harrera egingo diete Erregeei Basauriko Social Antzokian. Arrastian kabalgatak eta epifaniak antolatu dituzte eskualdeko hainbat herritan: Kabalgatak Basaurin, Galdakaon eta Etxebarrin prestatu dituzte eta epifaniak Arrigorriagan eta Ugaon. Zaratamoko harrera, urtero lez, Arkotxako frontoian prestatu dute.
Urtarrilak 5, osteguna
11:00 Errege Magoei harrera Basauriko Social Antzokian
17:30 Errege Magoen kabalgata Etxebarriko Kultur Etxetik frontoira
18:00 Errege Magoen kabalgata Basauriko Social Antzokitik
18:00 Errege Magoen Kabalgata Egokitua, Galdakaon
18:00 Errege Magoak Zaratamoko Arkotxako frontoian
18:30 Epifania Ugaoko Herriaren enparantzan
19:00 Epifania Arrigorriagako udaletxeko plazan
