Sareak

☉ Galdakao

Eskola materialerako diru-laguntzak eskainiko ditu Galdakaoko Udalak, EAJk hala eskatuta

Alderdi jeltzalearen arabera diru-laguntza horiek 2023-2024 ikasturteko eskola materialerako izango dira, Udalak EAJk udal aurrekontuetan egindako zuzenketak onartu ostean

|

Ainhoa Agirregoikoa, Galdakaoko osoko bilkuren aretoan // Geuria

Galdakaoko Udalak diru-laguntzak eskainiko ditu 2023-2024 ikasturteko eskola materialerako, Udalak EAJk udal aurrekontuetan egindako zuzenketak onartu ostean: “Gure udalerriko familien artean eskola-materialaren prezioen igoeraren eragina arinduko duen neurria eta beste laguntza batzuk osatuko dituena”, izan dira Ainhoa Agirregoikoa EAJko bozeramailearen berbak.

“Emendakinen bidez aurkeztu zuten proposamena EAJtik”, azaldu diote udal ordezkariek GEURIA komunikabideari. “Gobernu taldeak oposizioaren hainbat proposamen txertatu ditu aurrekontuetan eta horietako bat eskola materialerako diru-laguntzak dira”. Hala ere, eta aurrerapausuak “ahalik eta lasterren” egiten ari direla azaldu arren, diru-laguntza horiek jasotzeko data zehatza “ezin dutela momentuz zehaztu” esan dute gobernu taldetik.

Bestelako proiektuak oposiziotik

Eskola materialerako diru-laguntzaz gainera, Agirregoikoa auzoetan irisgarritasun eta hobekuntzan inbertitzen jarraitzearen alde agertu da, eta Galdakaoko aparkalekuen gabeziaren arazoari zein haurrentzako parkeak estaltzeko proiektuak abiarazteko prest agertu da, irisgarritasuna alde batera utzi barik: “Beharrezko hobekuntzak proposatzen ditugu gehieneko guneetan, hala nola, Zubiaurretarrenetik Elkanorako hiri-igogailua eraikitzea, Iberluzeko aparkalekua eta parkeetako haurren estaldurak egitea”, azaldu du.

☉ Galdakao

Emantzipazio bulegoa zabaldu dute Galdakaon, herriko gazteei zuzenduta

Bulegoa zabalik egongo da asteazkenetan (otsailaren 21etik aurrera) eta ostiraletan Torrezabal Kultur Etxean. Gazteei emantzipazio prozesuetarako aholkularitza ematea da helburua

|

Emantzipazio bulegoa zabaldu du Galdakaoko Udalak, gazteei emantzipazio prozesuetarako aholkularitza emateko asmoz.

Emantzipazio bulegoak modu indibidualean eta zuzenean emango die informazioa gazteei, eta aholkularitza ere emango die administrazioaren maila guztietan (tokikoa, eskualdekoa, erkidegokoa, Europakoa…) dauden zerbitzu, programa eta proiektuei buruz, baita emantzipazio prozesua aurrera eramaten laguntzeko Galdakaoko Udalak berak dituen zerbitzuei eta baliabideei buruzko informazioa ere.

Bulegoa zabalik egongo da asteazkenetan (gaurtik, otsailaren 21etik aurrera) eta ostiraletan Torrezabal Kultur Etxeko lehen solairuan, 17:00etatik 20:00etara bitartean.

Era berean, emantzipaziobulegoa@galdakao.eus helbide elektronikoan, 675 700 089 telefono bidez eta sare sozialetan ere eskainiko dute zerbitzua.

“Gazteen emantzipazioa gazteak osotasunez eta aukera berdintasunez gizarteratzea lortzea da, beren bizi proiektua autonomiaz eraikitzeko eta eskubide guztiak egikaritzeko aukera izan dezaten, ahultasun gehien dituzten gazteei arreta handiagoa eskainiz. Prozesu horretarako, etxebizitzari, enpleguari edo prestakuntzari buruzko informazioa ezinbestekoa da. Hain zuzen, informazio hori guztia herriko gazteek eskura izatea da Udalak zerbitzu berriarekin lortu nahi duena”, diote udal ordezkariek.

Osorik irakurri

☉ Galdakao

Edu Madina omentzeko ekitaldia antolatu dute bere lagunek Gorbeian

|

Otsailaren 5ean hil zen Edu Madina galdakoztarra // Argazkia: Inocencio Goikuria

Edu Madina Etxebarria galdakoztarra hil zen otsailaren 5ean 69 urterekin. Galdakaoko memoria historikoa berreskuratzeko lan egin zuen; are gehiago, Galdakao Gogora elkarteko sortzaileetako bat izan zen.

Galdakaoko bere lagunek bere aldeko omenaldia antolatu dute otsailaren 25ean, igandez. Gorbeia mendiko gurutzean izango da 12:00etan.

Eguraldi txarra egiten badu omenaldia 12:15ean izango da Egiriñaoko Elurretako Andre Mariaren ermitan.

Informazio gehiagorako udiarraga@hotmail.com eta 634 672 811 telefono zenbakia jarri dituzte.

Osorik irakurri

☉ Galdakao

Argazkiak / Dozenaka herritarrek irmoki salatu dituzte Galdakaoko sei adingabek jasandako sexu-erasoak

|

Herriko sei adingaberen kontra Galdakaon eman diren sexu-erasoak salatzeko elkarretaratzea egin zuten otsailaren 17an, larunbatez, Santi Brouard plazan. Mugumendu feministak eta herriko eragileek deituta, herritar askok bat egin zuten elkarretaratzearekin.

GEURIA bertan izan zen eta Amets Iturbe Berdintasun arloko zinegotziaren eta Naroa Urkijo Momoak talde feministako kidearen hitzak jaso ahal izan genituen.

Osorik irakurri

☉ Galdakao

Bideoa / Naroa Urkijo: “Arazo hau estrukturala da eta aurrera begira ere elkarlanean jarraituko dugu”

|

Otsailaren 17an, larunbatez, elkarretaratzea egin zuten dozenaka herritarrek Galdakaon sei adingabek jasandako sexu-erasoak salatzeko.

Momoak talde feminista, Erabide Emakume Elkartea, Erlantza Emakume Elkartea, Ninaiz Emakume Elkartea, Mairi Emakume Feminista Batza eta Basandere Emakumearen Susrtapenerako Elkartea elkarlanean daude Udalarekin batera sexu-erasoen aurrean erantzun kolektiboa emateko.

Naroa Urkijo Momoak talde feministako kidea da eta berarekin berba egin genuen: “Arazo hau estrukturala da eta aurrera begira ere elkarlanean jarraituko dugu, erasorik gabeko herri askea nahi dugulako”.

Osorik irakurri

☉ Galdakao

Bideoa / Amets Iturbe: “Arreta integrala eta zuzena eskaintzen dizkiegu biktimei”

|

Galdakaoko sei adingabek pairatutako sexu-erasoak gaitzesteko elkarretaratzea egin zuten otsailaren 17an, larunbatez, dozenaka herritarrek.

Udalak bat egin zuen herriko talde feministek eta eragileek deitutako deialdiarekin, eta biktimen arreta koordinatzeko “zerbitzu guztiak” eskaini dituela jakinarazi dute.

Amets Iturbe Bustillo Berdintasun arloko zinegotziarekin berba egiteko aukera izan genuen elkarretaratze egunean: “Arreta integrala eta zuzena eskaintzen dizkiegu bikitimei”.

Osorik irakurri