Sareak

☉ Galdakao

Ganguren mendira igoera egingo du Galdakaoko Gure Eskuk, ‘Pirinioetako Bidea’ egin aurretik

|

etxebarri-mendi-martxa-2018-ganguren-seinalea
// Artxiboa

‘Pirinioetako Bidea’ ekimena egingo du uztailean Gure Eskuk. Helburua da Euskal Herria eta Katalunia batuz argi-lerro bat osatzea eta horretarako Pirinioetako 300 gailurretik gora argiztatzea. Ekimena uztailaren 2an izango da eta hartara Hego Uribe eskualdeko herritarrak batuko dira: Basauri, Galdakao, Etxebarri eta Zaratamoko herritarrek Laina mendia (869 metro) igoko dute, eta Arrigorriaga, Ugao, Zeberio, Arrankudiaga, Arakaldo eta Orozkoko herritarrek Baigura mendia (897 metro).

Hala ere, motorrak berotzeko, zenbait ekitaldi antolatu ditu Gure Eskuk. Esaterako, maiatzaren 14an Ganekogorta eta Gorbeia mendiak argiztatu zituzten gauez Gure Eskuko hainbat kidek, tartean Hego Uribekoak. Bestetik, ekainaren 5ean Gangurenera igoera antolatu dute Galdakaoko Gure Eskutik: goizeko ekitaldia izango da eta besteak beste, trikitilariak, hamaiketakoa eta mendiak argiztatzeko deia luzatko dute. “Goizeko 09:30ean irtengo gara Ganguren mendira eta horretarako Ganguren Mendi Taldearen laguntza izango dugu. Bestela, Santamañeko aparkalekuan 11:00etan elkartuko gara Txorierriko lagunekin (Larrabetzu, Lezama, Derio eta Zamudio), eta ondoren 12:00etan ekitaldi nagusia izango da Santamañeko aparkalekuan bertan. 13:30ak aldera Galdakaora bueltatuko gara”, diote Galdakaoko Gure Eskuko ordezkariek.

Lokala zabalik Galdakaon

Uztailaren 2ko erronkan parte hartzeko izena emateko epea zabalik da dagoeneko. Interesdunek esteka honen bitartez eman dezakete izena: “Herri bakoitzak gailurrak izango ditu izendatuta, honenbestez, nongoa zaren adierazten duzunean, gailur batzuk proposatuko zaizkizu, herrikideekin batera joan zaitezen. Edonola ere, beste edozein gailur aukeratu ahal izango duzu”, diote Gure Eskutik. Gailur guztien zerrenda esteka honetan kontsulta daiteke.

Galdakaon Gure Eskuk lokal bat zabaldu du Kurtzeko plazan, frontoiko tabernan. Kamisetak erosteko, izena emateko eta autobusean izena emateko aukera egongo da. Lokala zabalik dago astearteetan eta ostegunetan 17:00etatik 19:00etara, eta larunbatetan 12:00etatik 13:30era. “Autobuserako txartelak 10 euroan daude salgai. Uztailaren 2an 09:00etan irtengo gara Galdakaotik eta Donibane Garazin eguna pasako dugu. Arratsaldean Baigurako Kirol Zentrora joango gara eta 19:30ean Laina mendira igoera hasiko dugu. Ekitaldia egin eta gero Galdakaora itzuliko gara”, diote Galdakaoko Gure Eskuko ordezkariek.

Bestalde, Basaurin ere aurrez aurre izena emateko aukera dago. Baskonia Mendi Taldearen egoitzan eman daiteke izena (Doktor Fleming, 2) astelehenetan eta asteazkenetan 19:30etik 21:00era. “Uztailaren 2an Laina mendia argiztatuko dugu basauriarrok, Galdakao, Etxebarri, Usansolo eta Zaratamoko herritarrekin batera. Autobusa Basauritik 16:15ean irtengo da. Luhusora joango gara eta bertan etxetik eramandakoa askalduko dugu. Ondoren, 19:00etan igoera hasiko dugu Baigurako Kirol Zentrotik Lainako tontorreraino. Argiak 22:15ak aldera piztuko ditugu eta bitartean ‘Txoriak txori’ abestuko dugu. Jarraian jaitsiera hasiko dugu eta 00:30ean autobusa hartuko dugu Basaurira itzultzeko”, diote Basauriko Gure Eskuko ordezkariek.

☉ Galdakao

Metroko tunelak egiteko zulatze-lanak Aste Santua ostean hasiko dituzte Galdakaon

|

Suhiltzaileen eraikina zena eraitsiko dute eta tunelak egiteko makina bat bertan hasiko da lanean // Geuria

Metroaren 5. Linea eraikitzeko lanak hasi dituzte Basaurin, Galdakaon eta Usansolon. Momentuz langileak lurra aztertzen eta prestaketa lanak egiten ari dira. Usansoloren kasuan, Puentelatorre Bidea erabat itxita egongo da lau urtez ibilgailuentzat eta oinezkoentzat, “Puentelatorre zubitik Unkinara arteko tartean”.

Galdakaon, tunelak egiteko lanak Aste Santuan hasiko dituztela adierazi du Udalak: “Orduan hasiko dira lurra zulatzen, bideak ixten eta kamioien joan-etorria handitzen”.

Hain zuzen ere, suhiltzaileen eraikina zenaren ondoan, Lapurdiko aparkalekuan eta Agirre Lehendakaria plazaren inguruan, Bengoetxeko Ostalaritza Eskolaren atzealdean, eta Olabarrietan izango du eragina obrak.

Suhiltzaileen eraikina zegoen gunea izango da lanerako eremu handietako bat, “baina, kasu honetan, ez du eragin handirik izango herritarrengan”, diote udal ordezkariek. Hasteko suhiltzaileen eraikina zena eraitsiko dute, eta tunelak egiteko makina bat bertan hasiko da lanean, “Usansoloko makinak egindako zuloarekin bat egin arte”.

Galdakao erdigunean, Lapurdiko aparkalekuan eragina izango dute lanek, eta baita Agirre Lehendakaria plazaren inguruan Metroak izango dituen bi sarreren guneetan ere: plazan bertan haurreskola ondoan, eta Euskadi kaleko etxe berrien ondoan.

“Eragin handiena, halere, Bengoetxen izango da. Metroak Ostalaritza Eskolaren atzealdean geltokia izango du eta beraz, eraikitze lanak nabarituko dira. Baita hortik gertu, Sixta Barrenetxea ondoko aparkalekuan ere, lanek irauten duten artean bertan egongo baitira obren beharretarako kasetak. Lurra ateratzea eta kamioien joan-etorria etengabea izango da inguru horretan zulatze lanak hasten direnean. Errail bat moztu egingo da kamioiak N-634tik sartu eta irten daitezen, herrira sartu barik, eta horrek asko txikituko ditu kalteak”, diote udal ordezkariek.

Aperribaiko geltokia Olabarrietan egongo da. Lanak egiten diren bitartean N-634 errepidera zuzenean joateko bidea moztuta egongo da eta oinezkoek altueran jarritako pasabide bat izango dute autobus geltokira joateko.

Osorik irakurri

☉ Galdakao

Aperribai / Korrika 23 / 2024

|

Aperribaitik agurtu dute 23. Korrika Galdakaon. Hauek furgonetatik atera dituzten argazkiak:

Osorik irakurri

☉ Galdakao

Galdakao / Korrika 23 / 2024

|

Usansolotik galdakaora iritsi da 23. Korrika. Jendetza batu da lekukoari ongi etorria emateko eta hainbat argazki publikatu ditugu GEURIAn. Eta hauek furgonetatik atera dituzten argazkiak:

Osorik irakurri

☉ Galdakao

Argazkiak / Galdakaon jendetza batu da 23. Korrikari ongi etorria emateko

|

Usansolok lekukoa eman dio Galdakaori 23. Korrika. Euskararen aldeko lasterketa iritsi artean bertan izan gara!

Osorik irakurri

☉ Galdakao

Argazkiak / Korrika Txikiak Galdakaoko kaleak hartu ditu zirrara betean

Korrika Txikia egin dute gaur goizean Galdakaon Urreta, Aperribai, Gandasegi eta Eguzkibegiko ikasleek

|

23. Korrikak hasi du bere bidea Euskal Herrian. Bigarren egun honetan Iparralden jarraitzen du lekukoak eta Nafarroara igaroko da arratsaldean. Bitartean, Hego Uribe eskualdean, euskararen aldeko lasterketa erraldoiarekin bat egiteko ekimenak antolatu dituzte. Gaur goizean Korrika Txikia egin dute Galdakaoko Urreta, Aperribai, Gandasegi eta Eguzkibegiko ikasleek, eta hauek GEURIAn jaso ditugun irudiak:

 

Ver esta publicación en Instagram

 

Una publicación compartida de Geuria (@geuria.eus)

Osorik irakurri