→Galdakao

Pintxo solidarioa eta umeekin basora irteera egingo dituzte Galdakaoko Jardunaldi Mikologikoetan

Programazioaren aurkezpena gaur (azaroak 2) egin dute elkarteko kideek eta udal ordezkariek

2019ko Galdakaoko Jardunaldi Mikologikoetako erakusketa // Geuria

Bizkaiko 54. Jardunaldi Mikologikoen baitan, Galdakaoko Peña Santa Cruz Perretxiko Elkarteak hainbat ekintza antolatu ditu azaroaren 3an, 5ean eta 6an. “Perretxiko zale sutsuak” dituen herrian —taldekideek “mikologiaren unibertsitate” ere deitu diote Galdakaori—, txikienen eta adinekoen artean bultzatu nahi dute onddoekiko interesa eta ezagutza.

Programazioaren aurkezpena gaur (azaroak 2) egin dute elkarteko kideek eta udal ordezkariek, Jose Maria Mintegiren Perretxikoen izenak euskaraz liburuaren aurkezpenarekin batera. Besteak beste, sukaldaritza erakustaldiak eta pintxo solidarioa, umeentzako baso irteera eta argazki lehiaketa bilduko ditu aurtengo jardunaldiak, eta Galdakaoko Udalaren eta herriko beste hainbat elkarteren laguntzarekin (Barrengorri eta Fungipedia perretxiko elkarteak zein Andra Mari Dantza Taldea eta Adiskide Pilota Elkartea) antolatuko dituzte.

GALDAKAOKO JARDUNALDI MIKOLOGIKOAK, 2022 | PROGRAMAZIOA

Azaroak 3, osteguna
19:00
Show-cooking zuzeneko sukaldaritza erakustaldia
Torrezabal Kultur Etxean

Azaroak 5, larunbata
08:30, irteera; 13:30-14:00, etorrera
‘Perretxikoak basora’ mendi irteera Sarriako parketxera
Galdakaoko ikastetxeetako ikasleekin batera
Kurtzeko plazan, Peña Santa Cruz elkartearen egoitzan

Azaroak 6, igandea
10:00-13:30
Argazki erakusketa
Gandasegi ikastetxeko arkupeetan

Azaroak 6, igandea
11:00-13:30
Lehiaketa gastronomikoa
Ostalaritza eskola, txoko/ elkarte eta partikularrei zuzendua
Parte hartzaileek perretxikoen platerrak egin eta sukaldari ospetsuek probatuko dituzte
Gandasegi ikastetxean

Azaroak 6, igandea
10:00-13:30
Perretxiko-erakusketa (54. Urteurrena: Bizkaiko Jardunaldi Mikologikoak)
Eskolarteko perretxiko lehiaketa
Pintxo dastaketa (pintxo solidarioa)
Pilota partidak
Kurtzeko plazan

Gora

Geuria Laguntzaileak Geuria Laguntzaileak