☉ Galdakao
Jon Maiaren eta Chica Sobresaltoren kontzertuak izango dira maiatzean Galdakaon
Eskaintza oparoa prestatu du Galdakaoko Udaleko Kultura arloak maiatzerako. Hain zuzen ere, antzezlan bat eta bi kontzertu izango dira maiatzean Torrezabal Kultur Etxean: urtarrilean egitekoa zen baina atzeratu behar izan zuten ‘Altsasu’ antzezlana maiatzaren 15ean eskainiko dute; Jon Maiak ‘Kantu Bat Gara’ kontzertua eskainiko du maiatzaren 5ean; eta Chica Sobresalto taldea maiatzaren 28an igoko da Torrezabaleko eszenatokira ‘Bailando Raro’ diskoa aurkeztera. Gaur bertan jarri dituzte sarrerak salgai.
Kultur eskaintza / Torrezabal
2022 Maiatza
Maiatzak 5, osteguna
20:00 Kontzertua: Jon Maia, ‘Kantu Bat Gara’
Prezioa: 8 euro, 6 euro (Bazkidea) , 7 euro (+65 urte, langabeak, gazte txartela eta ikasleak)
Maiatzak 6, ostirala
20:00 Antzerkia: ‘La Tarara’ (gazteleraz)
Prezioa: 10 euro, 7,5 euro (Bazkidea) , 9 euro (+65 urte, langabeak, gazte txartela eta taldeak)
Maiatzak 14, larunbata
18:00 Haurrentzako antzerkia: ‘Perez Sagutxoa’
Prezioa: 6 euro, 4,5 euro (Bazkidea) , 5 euro
Maiatzak 15, igandea
19:00 Antzerkia: ‘Altsasu’ (gazteleraz)
*Urtarrilean zen emanaldia eskaintzekoa, baina atzeratu behar izan zen. Urtarrileko sarrera daukaten pertsonek bi aukera dute: sarrera itzuli Torrezabal Kultur Etxeko leihatilan edo sarrera mantendu eta egunean bertan sarrera trukatu Torrezabaleko leihatilan
Prezioa: 10 euro, 7,5 euro (Bazkidea) , 9 euro (+65 urte, langabeak, gazte txartela eta taldeak)
Maiatzak 27, ostirala
20:00 Dantza: ‘LOF (Ladies On Fight)’
Prezioa: 8 euro, 6 euro (Bazkidea) , 7 euro (+65 urte, langabeak, gazte txartela eta ikasleak)
Maiatzak 28, larunbata
20:00 Kontzertua: Chica Sobresalto, ‘Bailando Raro’
Prezioa: 8 euro, 6 euro (Bazkidea) , 7 euro (+65 urte, langabeak, gazte txartela eta ikasleak)
☉ Galdakao
Argazkiak / Oheak ajea pasatzeko bakarrik ez, lasterketak egiteko ere erabiltzen dituzte Galdakaon!
Atzo hasi ziren aurtengo Santakurtzak, eta gogotsu ekion zioten jaiari galdakaoztarrek. Gaur, bigarren egun honetan, oheak kalera atera dituzte, errepidera, eta ohe lasterketak irudi dibertagarri bezain ikusgarriak utzi dizkigu.
Atzo hasi ziren Galdakaoko jaiak eta bertan izan ginen GEURIAko kazetariok. Kuadrillen desfilea bitartean inkesta egin genuen gazteekin: Zein kuadrillak irabaziko du aurtengo santakurtzetarako sortu berri duten Limoi Saria? Eta zeinek kenduko dio txapeldunaren lekua Patxikuri?
Lehertu da jaia Galdakaon! Santakurtzei hasiera eman diote galdakoztarrek! Oier Ibarretxe boxeolariak pregoia irakurri du udaletxeko balkoitik eta Ainhoa Artetxe Zaukena Zauk kuadrillako kideak bota du txupina. Bertan izan gara herritarrek artean!
Hasi dira Galdakaoko jaiak! Kuadrillen desfilean 64 kuadrillak hartu dute parte aurtengo Galdakaoko jai hasierako kalejira erraldoian. Momentu berezienak harrapatu ditugu kamerarekin.
☉ Galdakao
Galdabusak gaueko zerbitzu berezia eskainiko du Galdakaoko jaietan, 01:00etatik 07:00etara
Galdakao erdialdetik, Urretara, Bengoetxera, Olabarrietara, Aperribaira, Arkotxara eta Zuhatzura iritsiko da gaueko autobus zerbitzua, eta ibilbidean zehar, eskatzen den lekuetan geldituko da, baldin eta gidariak egokitzat jotzen badu
Santakurtzei hasiera emango dion txupina ordu batzuk barru botako du Ainhoa Artetxe Zaukena Zauk kuadrillako kideak, Oier Ibarretxe boxeolariak pregoia irakurri ostean.
Jaiaz egunez zein gauez disfrutatu ahalko da, eta zentzu horretan, gauetan etxera lasai heltzeko helburuarekin gaueko autobus zerbitzu berezia jarriko du martxan Udalak Galdabusaren bitartez, irailaren 13an, 14an, 20an eta 21ean.
Juan Bautista Uriarte kaleko 30. zenbakitik irtengo da 01:00etatik 07:00etara bitartean, orduro, eta hau da egingo duen ohiko ibilbidea: Urreta – Bengoetxe – Olabarrieta – Aperribai – Arkotxa – Zuhatzu.
Ibilbidean zehar, eskatzen den lekuetan geldituko da Galdabusa —ezarritako ibilbidetik irten gabe—, baldin eta gidariak egokitzat jotzen badu.
Bestetik, Arratiarantz joateko beste autobus zerbitzu bat ezarriko du Galdakaoko Udalak irailaren 14an eta 21ean. Plazakoetxetik irtengo da 02:30ean eta 05:00etan.
Argazkiak / Oheak ajea pasatzeko bakarrik ez, lasterketak egiteko ere erabiltzen dituzte Galdakaon!
Bideoa / Nork irabaziko du Limoi Saria Galdakaoko jaietan? Inkesta egin dugu!
Bideoa / Gora Galdakaoko jaiak! Eta gora Oier pregoilaria eta Ainhoa txupinera!
Argazkiak / Oheak ajea pasatzeko bakarrik ez, lasterketak egiteko ere erabiltzen dituzte Galdakaon!
Argazkiak / Itzel hasi dira Galdakaoko santakurtzak!
Argazkiak / Umore ezinhobez hasi dituzte Udiarragako jaiak Ugaon!
Bideoa / Nork irabaziko du Limoi Saria Galdakaoko jaietan? Inkesta egin dugu!
Bideoa / Gora Galdakaoko jaiak! Eta gora Oier pregoilaria eta Ainhoa txupinera!
