☉ Galdakao
Bideoa / Mohamed El-bachir gaztearen heriotza argitzea eskatu dute Galdakaon
Joan den asteazkenean aurkitu zuten adingabe baten gorpua Ibaizabal ibaian, Galdakao parean. Galdakaoko Elkarlaguntza Sareak eta Arratiako Harrera Sareak agerraldia egin dute gaur Herriko Bentaren aurrean eta Mohamen El-bachir 17 urteko gaztearen heriotza argitzea eskatu dute. Gainera, Bizkaiko Foru Aldundiak adin txikiko guztien babesa “bere gain hartzea” eta harrera sistemaren berrikuspena egitea eskatu dute, “instituzioetatik arrazakeria desagerrarazteko pausoak emanez”.
“Mohamed El-bachir 17 urteko gaztea hilda agertu zen pasa den eguaztenean Ibaizabal ibaian. Hala ere, komunikabideetan ez dugu entzun gure herriko gazte baten desagerpen eta heriotzaren tragedia. Horren ordez, lapurreta baten ondorioz ihes egin zuen Mena (bakarrik dauden adingabe atzerritarrak) bat marraztu digute, izenik gabekoa, baliorik gabekoa”, salatu dute, eta gaineratu dute: “Mena izenaren atzean ezkutatzen diren hamaika gazte gure artean bizi dira, baina gugandik urrun; Mohameden kasuan mendialdeko etxe bakarti batean, beste batzuetan herri kanpoaldeetako errepide bazterretan, gizarteratzeko aukera guztiak ukatuz. Baina Mena ezizenak adin txikikoak ezkutatzen ditu, umeak. Legeak instituziei ematen die ardura adin txikiko guztien babesa eta eskubideak bermatzeko, arreta egokia emateko”.
Bizkaiko Foru Aldundiko iturriek larunbatean adierazi zutenez, gaztea “behin-behineko zaintzan” zegoen Bakarrik dauden adingabe atzerritarrei zuzenduta dagoen lehen arretako zentrotik igaro ondoren, eta “berehalako arreta” eman ondoren. Era berean, iturri berek azaldu dute “ez zegoela tutoretzarik” gaztearen gainean, “ez zegoelako dokumentaziorik edo adingabetasun-egiaztagiririk”. Hau da, gaztea ez zegoela Aldundiaren ardurapean argitu dute. “Mohamed denbora tarte luze batez desagertuta egon baldin bada eta ibaian hilda agertu bada, non daude bera babestu behar zutenak? Norena da ardura? Zergatik desagerpena eta heriotza ez da albiste bihurtzen gorpua agertu eta lau egun pasatu arte?”, galdegiten dute Elkarlaguntza eta Arratiako Harrera sareetako ordezkariek: “Foru Aldundiak esan omen du ez daukala gazte honen tutelarik. Horrek asko harritu gintuen, ze gazte batek, nahiz eta papelik ez izan, erakundeek, eta kasu honetan Bizkaiko Foru Aldundiak, bere ardura hartzen du. Esatea ez zegoela bere tutelan uste dugu gezurra dela”, adierazi dio GEURIAri Laura Ruiz Arratiako Harrera Sareko kideak.
“Heriotza honek gure jendartearen eta sistemaren arrakalak agerian utzi ditu beste behin ere, gordin, latz. Erabat arrazista den sistema kapitalista baten arrakalak, alegia. Hau ez da delako zorigaiztoko gertakaria izan; egiturazko arrazakeria eta pobreziaren ondorio argi eta zuzena dira gertakariok. Horrek hil du Mohamed”, adierazi dute.
Egoera horren aurrean, Galdakaoko Elkarlaguntza Sareak eta Arratiako Harrera Sareak Mohamed omentzeko elkarretaratzea deitu dute urtarrilaren 27an, ostegunez, Galdakaoko Iturrondo plazan 19:00etan: “Pertsona bat hil da gure herrian, adingabe bat, eta gertaera hau ezin da ustekabean pasa. Ahalik eta jende gehien batzea nahi dugu, ez dugulako nahi horrelako egoerak normaltzat hartzea, ez da posible gure herrian pertsona bat hiltzea eta denak lasai eta ezer gertatu ez balitz bezala jardutea”, adierazi dio GEURIAri Mikel Sagarminaga Elkarlaguntza Sareko kideak.
Euskal selekzioaren eta Palestinaren arteko lagunartekoa jokatuko dute gaur San Mamesen. Hori aitzakia hartuta, Zizpak elkartasun ekintza antolatu du Galdakaon: eskailera margoketa. Malen Agirre Espilla zizpakidearekin berba egin genuen atzo ekintza honen inguruan.
☉ Galdakao
Galdakaoko PSEk ez du 2026ko aurrekontua negoziatuko, “2025eko proposamen gehienak bete gabe dauden bitartean”
Aurrekontua negoziatzeari uko egin dioten arren, emendakinak aurkeztuko dituztela esan dute alderdi sozialistako ordezkariek
Galdakaoko Udalak oraindik ez du 2026ko aurrekontua onartu, baina PSEk dagoeneko aurreratu du ez duela negoziaziorik egingo gobernu taldearekin.
Arrazoia, honakoa: “Udal Talde Sozialistaren aldetik ezinbestekotzat jotzen dugu, 2026ko aurrekontuari buruzko edozein elkarrizketa eduki baino lehen, gobernu taldeak 2025eko aurrekontuan sartzea onartu zituen gure taldearen proposamenen egoeraren buruzko informazioa ematea”, diote talde sozialistatik.
“Ez zaigu oso serioa iruditzen 2026ko aurrekonturako proposamen berriei buruzko eztabaida hasteko planteamendua bultzatzea, 2025eko proposamen gehienak bete gabe dauden bitartean”, diote.
Eta adibideak eman dituzte: “Galdabusari buruzko edo negoziazioa azterlana, Ibaizabalen inguruko jarduketak, Maximo Moreno parkea eraberritu eta egokitzea edo Elexaldeko igerilekuak estaltzeko proiektua”.
“Beraz, jakinarazi nahi dugu ez dugula aurrekontu-negoziaziorik egingo Gobernuarekin, aurrez aipatutako gaiak konpontzen ez diren bitartean”, diote.
Negoziazioa ez, emendakinak bai
Alderdi sozialistako zinegotziek aurrekontua negoziatzeari uko egin dioten arren, emendakinak aurkeztuko dituztela esan dute.
“Bidezkotzat jotzen ditugun enmendakinak ohiko bideetatik erregistratuko ditugu, udalerriaren onerako zuzenketa horiek herritarrei ekar diezazkiekeen onuren arabera baloratuko direlakoan, eta ez jarrera errebantxisten, interes alderdikoien edo kontakizun politikoaren beharren arabera”, diote.
☉ Galdakao
Eskailera margoketa egingo dute gaur Galdakaon, Euskal Selekzioren eta Palestinaren arteko partidaren atarian
Ekintza Zizpa Gazte Konpartsak antolatu du: irekia da eta Iturrondo plazan izango da
Euskal Selekzioaren eta Palestinaren arteko futbol partida jokatuko da bihar, azaroak 15, San Mamesen.
Eta, partida horren atarian, Galdakaon, elkartasun ekitalkia antolatu du Zizpa Gazte Konpartsak gaur, azaroak 14, ostiralez.
Eskailera margoketa irekia antolatu dute Iturrondo plazan 17:00etatik aurrera.
“Herrialde askeen aldeko elkartasun keinua egin nahi dugu. Bi herri, borroka bakarra”, diote.
☉ Galdakao
Ganguren Mendi Taldeak hamaika ekitaldi antolatu ditu Galdakaon bere sorreraren 80. urteurrenean
Ekitaldi nagusia abenduaren 4an izango da, baina azaroan Mendi Astearen barruan erakusketa, dokumentalak eta hitzaldiak antolatu dituzte
Ganguren Mendi Taldeak 80 urte bete ditu aurten, eta azaroa eta abendua bitartean ekintza bereziak antolatuko dituzte.
Ekitaldi nagusia abenduaren 4an izango da. ‘Iragana bihotzean, etorkizuna bidean’ lelopean, topaketa egingi dute Torrezabal Kultur Etxean (19:00).
Topaketa horretan, iraganeko pasadizoak gogoratuko dituzte, oraina ospatuko dute eta etorkizunera begiratuko dute.
“Topaketa xumea baina sentitua izango da. Bertan, klubaren azken 30 urteak laburbiltzen dituzten liburua eta bideoa aurkeztuko ditugu, eta ekitaldia mokatu baten bueltan bukatuko da”, diote.
Mendi Astea
Bestetik, ekitaldia nagusia baino lehen, Mendi Astea antolatuko dute.
Erakusketak, proiekzioak eta hitzaldiak eskainiko dituzte, mendizaletasunaren arloan aditu diren profesionalen parte hartzea barne.
Pou anaiek, Txomin Uriartek, Elixabete Arbek, Joanna Maluendak eta Bego Gonzalezek hartuko dute parte jardunaldietan.
Hona hemen Mendi Asteko egitaraua:
Azaroak 3-28
Erakusketa Ganguren MTren egoitzan: ‘Everesterako lehen euskal espedizioa’
11:30-22:00
Azaroak 13, osteguna
MendiTour Mendi Film zirkuitua: ‘Hiru Haundiak. Taupadak eta Gailurrak’ eta ‘Of a Lifetime’ film luzeak eta ‘Red Rock Revolution’ film laburra
19:00 Torrezabal
Azaroak 20, osteguna
Dokumentala eta hitzaldia: GR11 ibilbidea. Elixabete Arbe, Joana Maluenda eta Bego Gonzalez
19:30 Ganguren MTren egoitza
Azaroak 29, larunbata
Dokumentala eta hitzaldia: ‘Bizitzari sokaz lotuta’. Eneko eta Iker Pou anaiak
19:00 Torrezabal
☉ Galdakao
Etxebizitza prefabrikatuak Urretan eraikitzeko lanek trafikoan eta aparkalekuetan izango du eragina, Galdakaon
Ganguren eta Ramon Rubial kaleak trafikoari itxita egongo dira abenduaren 19ra arte. Gainera, ezin izango da aparkatu eskuineko lerro osoan
Etxebizitza prefabrikatuak eraikiko ditu JIT Housing enpresak Galdakaon. Ekintza pribatua da eta Urreta auzoan eraikiko dituzte, Ganguren eta Ramon Rubial kaleen artean.
Moduluka eraikitzen dituzte etxebizitza mota hauek eta lanak azaroaren 14an, ostiralez, hasiko dituzte. Materialak ekarri eta jarriko dituzte, eta Galdakaoko udal ordezkariek adierazi dutenez, trafikoan eta aparkalekuetan eragina izango dute obrek.
“Lehenengo fasea hilabete batez luzatuko da, abenduaren 19ra arte. Epe horretan, Ganguren eta Ramon Rubial kaleetan trafiko mozketak eta aparkatzeko murrizketak izango dira, makineria instalatzeko beharrezkoa den espazioa eta izango diren kamioien joan etorriak direla eta”, diote.
Zehazki ,Ramon Rubial kalearen sarreratik eta Ganguren kaleko 7. zenbakiraino sarbidea itxita egongo da abenduaren 19ra arte, astelehenetik ostiralera, 07:30etik 15:00etara.
Era berean, ezin izango da aparkatu zirkulazioaren norabideko eskuineko aparkaleku lerro osoan.
“Bizkai kaleko 92, 94 eta 96. zenbakietako bizilagunei pasabidea baimenduko zaie. Horretarako, seinale emaileak egongo dira ibilgailuen pasabide txandakatua koordinatzeko, muntaketa lanen faseen arabera”, diote udal arduradunek.
Herritarren joan etorriak ahalik eta gehien errazteko, gunea behar bezala babestuklo eta seinaleztatuko dute.
Bideoa | “Euskal selekzioa-Palestina partida aitzaki, gure kaleak aldarriz bete ditugu”
Galdakaoko PSEk ez du 2026ko aurrekontua negoziatuko, “2025eko proposamen gehienak bete gabe dauden bitartean”
Eskailera margoketa egingo dute gaur Galdakaon, Euskal Selekzioren eta Palestinaren arteko partidaren atarian
Argazkiak | Basauriko bi bizilagunen etxegabetzea eta herritarren elkarretaratzea, argazkitan
Argazkiak | Mozorroak jantzi eta kalera irten dira zeberioztarrak Gau Beltzan
Argazkiak | Antzerkia, tailerrak eta edabe magikoa prestatu dituzte Galdakaon Gau Beltza ospatzeko
Bideoa | “Euskal selekzioa-Palestina partida aitzaki, gure kaleak aldarriz bete ditugu”
Bideoa | El Kangri: «Egiten dudan rap-ak nire bizitza du oinarri, inor kaltetzeko asmorik gabe»
