☉ Galdakao
Argazkiak / Pedro Asua Zubiaur errepublikar galdakaoztarra lurperatu dute Elexalden
85 urte ostean, Jakan fusilatutako Pedro Asua Zubiaur errepublikar galdakoztarraren gorpuzkiak herrira ekarri dituzte bueltan
85 urte ostean, Jakan fusilatutako Pedro Asua Zubiaur errepublikar galdakoztarraren gorpuzkiak herrira ekarri dituzte bueltan. Gaur eguerdian ekitaldi hunkigarria antolatu du Galdakaoko Udalak Elexalde hilerri ondoko plazatxoan, eta bertan, Galdakao Gogora, Aranzadi Elkartea, Jakako Alkatea bera eta ehunka herritar bildu dira.
“Tristea da 2007tik bagenekiela Pedro Asua 10 metroko zanga baten zegoela”, aitortu du Josu Larrea Pedro Asuaren senideak. Alkatetza aldatzerakoan, legegintzaldi berriko Udalak historiatzaile bat kontratatu eta “inplikazio handia” adierazi zuela azaldu dio Larreak GEURIA komunikabideari.
“Zirkulu bat itxi da, poetikoki bada ere, bere lurrak zirenetara itzuli baitira gorpuzkiak”, azaldu dute udal ordezkariek. “Elexaldeko lur zati handi baten jabe zen bere familia, orain hilerria dagoen lekua eta ingurua barne, eta oinordekotzan jasoko lituzke gorpuzkien atseden leku izango den Elexaldeko lur eremua”.
Ekitaldiaren ostean, senideek lagunduta Elexaldeko kanposantuan lurperatu dute Pedro Asua Zubiaur.
Kolunbarioa, 2024an
Datorren urtean kolunbario bat eraikitzeko asmoa azaldu dute udal ordezkariek, Elexaldeko kanposatuko inguruan, eta bertan agertuko den lehen izena Pedro Asuarena izango da, hain zuzen ere: “1936ko Gerran hildako gudari eta milizianoek izango dute lekua oroimenaren eta duintasunaren kolunbario horretan”.
“Burdin Hesiak zeharkatzen duen eremuan kokatuta, gerra hartan estrategikoa izan ziren lurrak izango ditu kokalekukolunbarioak, Iñigo Hernando Arriandiaga Galdakaoko alkateak eta Jose Antonio Rodríguez Ranz Eusko Jaurlaritzako Giza Eskubide, Memoria eta Lankidetzako sailburuordeak jakinarazi dutenez. Hain zuzen, bi instituzioen arteko akordioaren emaitza izango da kolunbario berri hori”.
☉ Galdakao
Argazkiak / Oheak ajea pasatzeko bakarrik ez, lasterketak egiteko ere erabiltzen dituzte Galdakaon!
Atzo hasi ziren aurtengo Santakurtzak, eta gogotsu ekion zioten jaiari galdakaoztarrek. Gaur, bigarren egun honetan, oheak kalera atera dituzte, errepidera, eta ohe lasterketak irudi dibertagarri bezain ikusgarriak utzi dizkigu.
Atzo hasi ziren Galdakaoko jaiak eta bertan izan ginen GEURIAko kazetariok. Kuadrillen desfilea bitartean inkesta egin genuen gazteekin: Zein kuadrillak irabaziko du aurtengo santakurtzetarako sortu berri duten Limoi Saria? Eta zeinek kenduko dio txapeldunaren lekua Patxikuri?
Lehertu da jaia Galdakaon! Santakurtzei hasiera eman diote galdakoztarrek! Oier Ibarretxe boxeolariak pregoia irakurri du udaletxeko balkoitik eta Ainhoa Artetxe Zaukena Zauk kuadrillako kideak bota du txupina. Bertan izan gara herritarrek artean!
Hasi dira Galdakaoko jaiak! Kuadrillen desfilean 64 kuadrillak hartu dute parte aurtengo Galdakaoko jai hasierako kalejira erraldoian. Momentu berezienak harrapatu ditugu kamerarekin.
☉ Galdakao
Galdabusak gaueko zerbitzu berezia eskainiko du Galdakaoko jaietan, 01:00etatik 07:00etara
Galdakao erdialdetik, Urretara, Bengoetxera, Olabarrietara, Aperribaira, Arkotxara eta Zuhatzura iritsiko da gaueko autobus zerbitzua, eta ibilbidean zehar, eskatzen den lekuetan geldituko da, baldin eta gidariak egokitzat jotzen badu
Santakurtzei hasiera emango dion txupina ordu batzuk barru botako du Ainhoa Artetxe Zaukena Zauk kuadrillako kideak, Oier Ibarretxe boxeolariak pregoia irakurri ostean.
Jaiaz egunez zein gauez disfrutatu ahalko da, eta zentzu horretan, gauetan etxera lasai heltzeko helburuarekin gaueko autobus zerbitzu berezia jarriko du martxan Udalak Galdabusaren bitartez, irailaren 13an, 14an, 20an eta 21ean.
Juan Bautista Uriarte kaleko 30. zenbakitik irtengo da 01:00etatik 07:00etara bitartean, orduro, eta hau da egingo duen ohiko ibilbidea: Urreta – Bengoetxe – Olabarrieta – Aperribai – Arkotxa – Zuhatzu.
Ibilbidean zehar, eskatzen den lekuetan geldituko da Galdabusa —ezarritako ibilbidetik irten gabe—, baldin eta gidariak egokitzat jotzen badu.
Bestetik, Arratiarantz joateko beste autobus zerbitzu bat ezarriko du Galdakaoko Udalak irailaren 14an eta 21ean. Plazakoetxetik irtengo da 02:30ean eta 05:00etan.
Argazkiak / Oheak ajea pasatzeko bakarrik ez, lasterketak egiteko ere erabiltzen dituzte Galdakaon!
Bideoa / Nork irabaziko du Limoi Saria Galdakaoko jaietan? Inkesta egin dugu!
Bideoa / Gora Galdakaoko jaiak! Eta gora Oier pregoilaria eta Ainhoa txupinera!
Argazkiak / Oheak ajea pasatzeko bakarrik ez, lasterketak egiteko ere erabiltzen dituzte Galdakaon!
Argazkiak / Itzel hasi dira Galdakaoko santakurtzak!
Argazkiak / Umore ezinhobez hasi dituzte Udiarragako jaiak Ugaon!
Bideoa / Nork irabaziko du Limoi Saria Galdakaoko jaietan? Inkesta egin dugu!
Bideoa / Gora Galdakaoko jaiak! Eta gora Oier pregoilaria eta Ainhoa txupinera!
