→Galdakao

‘Pintxo Lanperna’ lehiaketa egingo dute asteburuan, Galdakaoko 11 tabernatan

Azaroaren 25etik 27ra (ostiraletik igandera) ‘Pintxo Lanperna’ lehiaketa antolatu dute Galdakaoko 11 tabernatan

Perretxiko zale bat, bilketan // Geuria

Azaroaren 25etik 27ra (ostiraletik igandera) ‘Pintxo Lanperna’ lehiaketa antolatu du Galdakaoko Udaleko Ekonomia Sustapen arloak, Dendari Elkartea eta Galdakaoko Ostalaritzako Goi-Mailako eskolaren laguntzarekin. Udalak herritarrak gonbidatu nahi ditu lehiaketa gastronomiko honetako pintxoak dastatzera.

Lehiaketaren helburua herrian mikologia, gastronomia eta turismoa batzea da eta Galdakaoko dozena bat tabernek hartu dute parte: “Txapelketa honetan parte hartzen duen  establezimendu bakoitzak perretxiko-pintxo bat prestatuko du eta pintxoa eta ardo ondua edota ur boteilatxoa eskainiko du”, azaldu dute udal ordezkariek.

Kontsumitzaileak, epaile

Lehiaketako epaileak bertako kontsumitzaileak izango dira, besteak beste. Horretarako, pintxoak dastatzen dituzten pertsonek sei establezimendu-zigilurekin kartoi mehe bat osatu beharko dute. Bertan, pintxo onena non dastatu duten zehaztu beharko dute. Bukatutakoan fitxa Dendari Elkartearen hulegoetan utzi beharko dute.

Pintxo irabazlea epaimahai herrikoi batek eta epaimahai profesional batek aukeratuko dute. “Gainera, pintxo irabazlea
aukeratzen laguntzen dutenek eta kartoi meheak sei zigilurekin eta establezimenduaren izenarekin entregatzen dituztenek asteburuko bidaia baten zozketan parte hartuko dute”.

Ordutegiak eta tabernak

Azaroak 25, ostirala: 19:00etatik 23:00k arte

Azaroak 26, larunbata: 12:30etatik 15:30ak arte eta 19:00etatik 23:00k arte

Azaroak 27, igandea: 12:30etatik 15:30ak arte

Herriko hurrengo tabernetan dastatu ahalko dira lehiaketako pintxoak:

– Alai taberna, Santi Brouard enparantza 3
– On Kafe, Bizkai kalea 1
– Etxezuri taberna, Sixta Barrenetxea 21
– Aterpe taberna, Gipuzkoa kalea 5
– Urki kafetegia, Urki kalea, 9
– Goxoa taberna, Bernat Etxepare
– Sorgiñe taberna, Gaztain kalea 6
– Batzoki Galdakao, Iturrondo plaza
– Station Wagon taberna, Urreta parkea 1
– El Ingles taberna, Muguru kalea 2
– William IV taberna, Santi Brouard enparantza 2

 

Gora

Geuria Laguntzaileak Geuria Laguntzaileak