☉ Galdakao
Galdakaoko Taupadakek “hormak dantzan jarriko dituen ikuskizuna” estreinatuko du Sormeneren udaberriko edizioan
Gaur aurkeztu dute euskal sortzaileak biltzen dituen Galdakaoko taldeak, Sormenek, apirilaren 27tik 30era bitartean egingo duen udaberriko edizioa
Euskal sortzaileak biltzen dituen Galdakaoko taldeak, Sormenek, apirilaren 27tik 30era bitartean egingo du udaberriko edizioa. Iaz, amatasuna, sorkuntza eta euskara izan zituzten ardatz, eta laugarren saio honetan, zaintza gehituko diote hiru lan ildoko proiektuari. “Euskarazko kulturgintza bizi dadin eta euskara bizi dadin”, gazteak hurbiltzea izango da aurtengo erronka, eta horretarako, tradizioak eta kultura modernoak uztartzen dituen hainbat ekitaldi egingo dituzte.
Horien artean egongo da herriko Taupadak dantza eskolak apirilaren 29an estreinatuko duen ikuskizuna: Bertikala eta Zorua elkarlanean. Nagore Arbaiza herriko dantza taldeko partaidea Sormeneko kideek eskaini duten aurkezpenean egon da gaur, eta beren ekitaldia “sorpresa” izatea nahi duten arren, hainbat xehetasun aurreratu dizkie herritarrei. “Dantza lurretik aterako dugu eta paretan jarriko dugu, Torrezabaleko horman”, azaldu du Arbaizak: “Galdakaoko gazteen parte hartzea eta euskal kulturaren eta dantza garaikidearen bat egitea partekatu nahi dugu zuekin”.
Arbaizak azpimarratu duenez, dantza eskola duela urtebete sortu duten arren, “burugogor” jardun dute dantza bertikala euskal dantza tradizionalekin lotzeko proiektu hau ikusarazteko. Eta hemendik aurrera ere, hala jarraituko dute, sormenak daukana baita “zerbait lortzen duzuenan, are gehiago nahi duzula”. Hala, “herriarekin eta herriarentzat” sortu duten lana plazara ateratzeko lehen aukera izango du taldeak datorren larunbatean, Dantzaren Nazioarteko Egunean.
Nagore Arbaiza, Taupadak dantza eskolako kidea, Sormeneren aurkezpenean // Geuria
Lau egun, hamaika ekitaldi
Apirilaren 27an, 28an, 29an, eta 30ean egingo dituzten ekitaldi horiez gain, udaberriari ongietorria egiteko beste zenbait ekintza egingo dituzte. Ostegun honetan (apirilak 20), Aitzol Zamalloa eta Xabi Ealo galdakoztarrek aurre hartuko diete ospakizunei, eta Zizpa herriko gazte taldeari buruz zuzendu duten dokumentala aurkeztuko dute Torrezabal Kultur Etxean (19:00etan).
Gainera, Sormeneren 2023ko edizioak iraun bitartean, rally bideografikoen lehiaketa egingo dute herriko gazteekin. Institutuan hasi dira dagoeneko, eta datorren astean, Eguzkibegin irekiko dizkiete ateak parte hartu nahi duten gazteei; guztira 200 inguru. Gazteek beren ikuspuntutik grabatu beharko dute lau egunetan zehar festibalean gertatzen dena, editatu, eta Instagramera #bideosormene traolarekin igo, sariak lortzeko.
Josi Sierra antolatzaileak azaldu duenez, normalean erabiltzen dituzten medioekin egin beharko dute lana parte hartzaileek. Teknologia “era sortzailean” erabiltzen ikasteaz gain, ekimenarekin bultzatu nahi dutena, gazteek medioak “modu eraikitzailean” baliatzea baita; teknologiaren alde ona ikustea, alegia. “Hori ere zaintza da” —azaldu du Sierrak— “Zaindu dezagun gure gazteria eta zaindu ditzagun etorkizunean sortzaile izango diren horiek”.
Ekintzetarako sarrerak
Euskara eta kulturgintza bultzatzea xede duen ekitaldian parte hartzeko, herritarrek sarrera librea izango dute galdakoztarrentzako prestatutako ekintzetan. Gainontzeko dinamiketarako, lau eurokoa izango da tiketen prezioa, nahiz eta beherapenak egongo diren zenbait kolektiborentzako. Edozein ekintzetan parte hartu baino lehen, sarrerak eskura izan beharko dira: aldez aurretik leihatilan eskatuta edo Udalaren webgunean lortuta.
-
- Euterpe duo galdakoztarra: Erika eta Tania Martínez Heras ahizpak
Euskararen Nazioarteko Eguna da gaur. Galdakaon Mintzodromoa egin dute Iturrondo plazako karpan eta guztira 120 lagun batu dira: Bengoetxe eta Eguzkibegi ikastetxeetako eta euskaltegietako ikasleak eta irakasleak, herriko eragileetako ordezkariak eta norbanakoak elkartu dira eta euskara ahoan izan dute ordu t’erdiz. Hiru gai izan dituzte hizpide: ‘Urak har ditzakeen eremuetan eraikitzea’, ‘Zeregin gehiegi, baina denbora gutxi’ eta ‘Ikasgai berria proposatzea’.
☉ Galdakao
Jon Eguskiza eta Kepa Otaegi galdakoztarrek ‘Momotxorroak’ dokumentala aurkeztuko dute Durangon
‘Momotxorroak: Kaos baten istorioa’ dokumentala abenduaren 5ean aurkeztuko dute Irudienean. Bertan izango dira Andra Mari Dantza Taldeko ordezkariak
Galdakaoko Andra Mari Eusko Dantzari Taldeak ‘Momotxorroak: Kaos baten istorioa’ dokumentala egin du Jon Eguskiza eta Kepa Otaegi taldekideek zuzenduta.
Dokumentalak Altsasuko (Nafarroa) inauteri tradizionalak berreskuratzeko eta biziberritzeko prozesua jasotzen du: “Antzinate handiko jaia izan zen, eta ahaztuta geratu zen, harik eta Ricardo Aldasorok, herriko nagusienetako batek, momotxorro mitikoak (ospakizun horren elementu nagusia) gogora ekarri zituen arte. Hain zuzen ere, oroitzapen horrek bultzatu zuen Altsasuko inauterien berpiztea, ‘Momotxorroak: Kaos baten istorioa’ dokumentalak jasotzen duen prozesua”, diote.
Andra Mari Eusko Dantzari Taldeak inauteri horiei buruzko ikerketa eta berreskuratze lanari ekin zion, Juan Antonio Urbeltz folkloristak bultzatuta, azken horrek Jose Maria Satrustegiren ‘Neguko solstizioa’ lanean oinarrituta.
“Urteetan ikertu ondoren, 1978an Andra Mari dantza taldeak lehen aldiz plazaratu zuen inauteria Altsasun, interes handia piztuz eta Altsasuko komunitatea mugiaraziz, bereziki belaunaldi berriak, non, jai hau biziberritzeko erronka hartu baitzuten. 1982an, inauteriak gogo biziz ospatu ziren berriro Altsasun, eta, ordutik, tradizio horri eutsi dio urtez urte, 2012an Nafarroako Gobernuaren interes turistikoko festa gisa aitortuta”, diote.
Galdakao-Altsasu konexioa
Ikus-entzunezkoaren helburu nagusia da Andra Mari Eusko Dantzari Taldearen lana eta tokiko komunitateak ospakizun hori berpizteko hartu zuen konpromisoa erakustea, XX. mende hasieran azken aldiz antzeztu zenetik, 70eko hamarkadan berpiztu zen arte.
“Dokumentalaren helburu nagusia da belaunaldi berriei euskal kulturaren balioa eta esanahia helaraztea, inauteri horien berreskurapenean parte hartu zutenen testigantza zuzenen bidez”, diote.
Euskal folklorearen arloko pertsona aipagarrienen esperientziak eta testigantzak jaso dituzte dokumentalean. Besteak beste, Mikel Zamalloa, Manu Jauregi eta Koldo Telleria Andra Mariko kideek; Patxi Goikoetxea, Amaia Oiarbide, Enrique Zelaia eta Satur Leoz Altsasuko kultur eragileek; eta Juan Antonio Urbeltz Euskal Herriko folklore maisua zein kultur eragileak hartu dute parte dokumentalean.
Era berean, ikus-entzunezkoak Galdakao eta Altsasuren arteko lankidetza-harremanei balioa eman diela adierazi dute Andra Mari Dantza Taldeko ordezkariek.
Durangoko Azokan
‘Momotxorroak: Kaos baten istorioa’ dokumentala Durangoko Azokan aurkeztuko du Andra Mari Dantza Taldeak.
Abenduaren 5ean, ostegunez, Durangoko Zugaza zineman, Irudienean, ikusi ahal izango da dokumentala, 17:30etik aurrera. Emanaldiaren ostean solasaldia egongo da.
Pontzi Zabala kalean beste bi arrapala mekaniko jartzeko lanak bukatu ditu Galdakaoko Udalak. Obrak apirilean hasi zituzten eta zazpi hilabeteko epean amaitu dituzte.
Bi arrapala mekaniko berriak Zabalearaino heltzen dira. Bi norabidekoa dira, igotzekoa zein jaistekoa, eta estalita daude.
Udalak 1,9 milioi euro bideratu ditu obra honetara. Lehenengo arrapala mekanikoa iaz jarri zuen Udalak eta inbertsioa 1,2 milioi eurokoa izan zen. Hau da, lanak bere osotasunean burutzeko kostua 3 milioi eurokoa izan da guztira.
Lanak apirilean hasi zituzten eta bide onean, epeen barruan bukatu dituzte // Google
☉ Galdakao
Galdakaoko EAJk 22 neurri proposatu ditu, “herritarren eskariei erantzuteko”
Proposamenen artean igogailuak eta arrapala mekanikoak eraikitzea, Galdabus zerbitzua hobetzea, Auzo-Taxia ezartzea eta bide-segurtasuneko neurriak daude. Proposamenak udal gobernu taldeari helaraziko dizkiote
Galdakaoko EAJk Mugituz Plana aurkeztu zuen atzo Gandasegin, 60 lagunen aurrean. Planak 22 neurri jasotzen ditu, irisgarritasunari, garraioari, herritarren segurtasunari, hiri-egokitzapenari eta merkataritzari lotutakoak, “eta herritarren eskariei erantzuna emango lioketeenak”, adierazi zuen Ainhoa Agirregoikoa jeltzaleak.
Proposamenen artean daude: Kurtzea eta Zabalgane lotzeko igogailua lehenestea; Zuatzaurren arrapalak jartzea; Lapurdi eta Tximelarre eta Elkano-Zubiarro lotzeko igogailua eraikitzea; zaborrak biltzeko plan integrala eta arketetako mantentze-lan integralak egitea Olabarrietan; eta Bengoetxe-La Troka-Olabarrieta sarbidean ikuspena egokitu eta hobetzeko lanei lehentasuna ematea.
Era berean, Ibarluze, Urtebietan eta erdigunea bezalako “gune estrategikoetan” aparkatzeko plaza berriak sortzea proposatu du Galdakaoko oposizioko talde buruak.
Garraoiari dagokionez, Taxi-Auzunea ezartzea eta Galdabusa handitzea “premiazkoa” dela adierazi zuen Agirregoikoak aurkezpenean, eta Bekeako zubian esku hartzea eta Ibarluze eta Guturribai artean pasabide bat jartzea ere “garrantziskotzat” hartu zituen.
“Galdakaoko EAJ-PNVk auzokideei entzun diegu eta garraio eta aparkaleku beharrak helarazi dizkigute eta plan honen helburua Galdakaon mugitzea eta aparkatzea guztiontzat errazagoa eta eraginkorragoa izatea da”, esan zuen Agirregoikoak.
Zaintza-kamerak
Bestetik, Lugoko argiztapena eta asfaltatzea hobetzea, Zuatzu-Merkadilloko berdeguneak berreskuratzea, Olabarrieta eta Aperribaiko azpiegiturak berritzea eta mantentzea proposatu du Galdakaoko EAJk, “ingurune zaindua eta erosoak eskainiz”.
Herritarren segurtasunari buruzko neurriei dagokienez, Udaltzaingoa indartzea, protokoloak hobetzea eta zaintza-kamerak jartzeko azterketa egitea iradoki du alderdi jeltzaleak. “Horretarako, alderdi politikoen artean adostasuna eta segurtasun-ituna lortzeko proposamena egin dugu”, adierazi zuen Agirregoikoak.
Merkataritzarako ekintza-planari dagokionez, Merkataritza Foroa sortzea proposatu zuten, “udalerriko merkataritzan eragina duten jarduerak abian jartzeko organo gisa, Udalaren eta Galdakaoko merkatari, ostalari eta zerbitzu-enpresa txikien arteko zuzeneko harreman-kanal gisa funtzionatuz, eta, horrela, kideen arteko sinergiak sortuz”.
“Foro horretan, merkataritzaren eremutik planteatutako proposamenek izango lukete lehentasuna, eta sektore horietako ordezkariek gai izan behar dute udalerri osoarentzat interesgarrienak diren jarduketak eta proposamenak adostasunaren bidez lehenesteko”, zehaztu zuen Agirregoikoak.
Proposamen hauek udal gobernu taldeari helaraziko dizkio alderdi jeltzaleak, “baloratu ditzaten eta onestsiko balira, aurrekontuan txertatzeko”.
Azaroaren 30ean, larunbatez, Zugutzuko jaiak izango dira. Auzokideek hainbat jarduera antolatu dituzte, Galdakaoko Udalaren laguntzarekin.
Egitaraua / Zugutzuko jaiak 2024
Azaroak 30, larunbata
10:30 Argazkiak Esker tabernaren kanpoaldean
11:00 Triki-kalejira Zaharren Egoitzatik
12:00 Pregoia eta txupinazoa Santa Barbara futbol zelaian
12:15 Triki-poteoa Iraragorri Hotela eta Esker tabernetatik
13:00 Luntxa karpan
13:15 Da Capo Musika Bandaren emanaldia karpan
14:30 Herri bazkaria Esker tabernan
16:30 IV. Mus txapelketa
17:00 Txokolate banaketa Zaharren Egoitzatik
19:30 Rock kontzertua: Buzkentza
22:00 Agurra: Santa Barbara Bendita abestia
Argazkiak / Basauriko Mintzodromoak 100 lagun baino gehiago bildu ditu Solobarrian
Argazkiak / Euskara ahoan, 120 lagunek hartu dute parte Galdakaoko Mintzodromoan
Bideoa / Olentzeroren eta Mari Domingiren etxea zabalik dago jada Basaurin!
Argazkiak / Euskara ahoan, 120 lagunek hartu dute parte Galdakaoko Mintzodromoan
Argazkiak / Tortilla, indabak eta giro bikaina Usansoloko jaietako herri bazkarian
Argazkiak / ‘Konponbidea ez bazara, arazoa zara’ lemapean manifestazioa egin dute A25ean Galdakaon
Bideoa / Olentzeroren eta Mari Domingiren etxea zabalik dago jada Basaurin!
Txubelasuk mural-margoketa, umeen ikuskizuna eta txokolatada antolatu ditu Zeberion, Euskararen egunean
