☉ Galdakao
Izaro, Itziar Ituño, Janire Egaña, Ane Legarreta eta Albert Pla izango dira Galdakaoko Torrezabalen
Torrezabaleko eszenatoki berrituak 23 emanaldi (tartean oraindik ezagutzera eman ez dituzten bi sorpresa) hartuko ditu irailetik abendura bitartean: musika, poesia, antzerkia, umorea, antzerki kritikoa eta umeentzako ikuskizunak (albistearen amaieran topatuko duzu programazioa osorik).
Urte berezia da aurtengoa; izan ere, Torrezabalek 30 urte beteko ditu azaroan: “Eder dago Torrezabal eta sasoi onean. Berritu berri, erosoagoa da eta irisgarriagoa. Bizi-bizirik dago!”, adierazi du gaur prentsaurrekoan Edurne Espilla Kultura arloko zinegotziak.
Urteurren honetan, lelo bat aurkeztu du Galdakaoko Udalak: “Egun batean bilakatu zen bizigai”. Xabier Letek idatzi eta Mikel Laboak kantatu zuen ‘Izarren hautsa’ abestiko pasarte bat da leloa, eta Arkaitz Estiballes bertsolari galdakoztarrak proposatu zien udal ordezkariei.
Prentsaurrekoan presente egon dira, Edurne eta Arkaitzez gain: Iñigo Hernando Galdakaoko alkatea; Hika Teatrotik Itziar Ituño, Janire Egaña eta Marcus Englert; Ane Legarreta ESAS Emakume Sortzaile eta Artisten Sareko orkestra zuzendaria, eta Katrin Schlegel Torrezabaleko programatzailea.
Prentsaurrekoa amaitu ostean, ‘Izarren hautsa’ abestu dute Ituñok, Egañak, Legarretak eta Englertek. Hemen GEURIAn publikatu dugu bideoa!
Programazioa / Torrezabal 30 urte
2024 iraila-abendua
Irailak 28, larunbata
18:00 Txotxongiloak: ‘Cris, pequeña valiente’ (+6 urte)
Sarrerak: 4-6 euro
Irailak 29, igandea
19:00 Antzerkia, musika: ‘Bidaia-Die Reise’ (Itziar Ituño, Janire Egaña, Marcus Englert…)
Sarrerak: 9-12 euro
Urriak 4, ostirala
20:00 Poesia: ‘Verso a verso’ (Charo Lopez)
Sarrerak: 7,5-10 euro
Urriak 5, larunbata
20:00 Kontzertua: Izaro, ‘Cerodenero’
Sarrerak: 14-18 euro
Urriak 11, ostirala
20:00 Antzerkia: ‘Passport’ (Yllana Teatro)
Sarrerak: 7,5-10 euro
Urriak 18, ostirala
20:00 Antzerkia: ‘La sed del minotauro’ (Khea Ziater)
Sarrerak: 7,5-10 euro
Urriak 19, larunbata
18:00 Umeentzako antzerkia: ‘Pinocchio, eldarniozko istorioa’ (Canti Vaganti) (+4 urte)
Sarrerak: 4-6 euro
Urriak 25, ostirala
20:00 Narratiba eszenikoa: ‘EMDLM: Mundu guztietan onena, El mejor de los mundos’ (Ane Pikaza era Gheada)
Sarrerak: 6-8 euro
Azaroak 8, ostirala
20:00 Antzerkia: ‘Helen Keller, ¿la mujer maravilla?’ (Chévere Teatro)
Sarrerak: 9-12 euro
Azaroak 9, larunbata
18:00 Umeentzako antzerkia: ‘Kutxartean’ (Teatro Paraiso) (+5 urte)
Sarrerak: 4-6 euro
Azaroak 15, ostirala
20:00 Inprobisazio-komedia ikuskizuna: ‘Corta el cable’
Sarrerak: 9-12 euro
Azaroak 16, larunbata
12:00 + 16:00 Jolasak: ‘Haizea eta kulunkatzen den hostoa naiz’ (Pai) (0-3 urte)
Sarrerak: 4-6 euro
Azaroak 23, larunbata
19:00 Musika: ‘Eolo eta Da Capo Musika Banda’
Sarrerak: 3-5 euro
Abenduak 1, igandea
20:00 Antzerkia: ‘Eukalyptus’ (Jon Ander Urresti)
Sarrerak: 6-8 euro
Abenduak 13, ostirala
20:00 Antzerkia: ‘Egun zoragarriak’ (Gazte Konpainia P6)
Sarrerak: 7,5-10 euro
Abenduak 15, igandea
13:00 Kontzertua: ‘Dinamita Da Capo!’. Lehen diskoaren aurkezpena
Sarrerak: 3-5 euro
Abenduak 26, osteguna
19:00 Musika elektrosinfonikoa: ‘Transition resonances’ (Esas-Emakume Sortzaile eta Artisten Sarea. Ane Legarreta Méndez)
Sarrerak: 9-12 euro
Abenduak 29, igandea
20:00 Kontzertua: Albert Pla, ‘¿Os acordáis?’
Sarrerak: 9-12 euro
Abenduak 30, astelehena
18:00 Zirkoa: ‘Maluta, Eguberri zirkoa’ (Ganso&Cia)
Sarrerak: 4-8 euro
Galdakaoko jaietan proba berriak antolatu dituzte. Horietako bat da Errelebo lasterketa, Errotuk antolatu duena. Txapeldun izan da Txantxa Gutxi kuadrilla, bigarren Antzeko, hirugarren Weekandugu eta laugarren Lonjelvi.
☉ Galdakao
Bideoa / Oilasko ala haragizko hanburgesa? Edo beganoa akaso? Inkesta egin dugu Galdakaoko jaietan!
Hanburgesa txapelketa izan zen atzo, irailak 17, Galdakaoko jaietan. Patakonek antolatzen du lehiaketa eta aurten 60 kuadrilla aurkeztu direla zehaztu digute: “Partaidetza handia izan dugu aurten ere!”, dio Beñat Elias Patakoneko kideak. Epaileek “100 hanburgesa baino gehiago” dastatu dituztela esan digu Maite Uribarri Patakoneko kideak.
Atzokoan ere GEURIA mikroa eskuan atera zen Santakurtzetara! Hanburgesa haragizkoa ala oilaskokoa? Akaso beganoa? Eta hanburgesa laguntzeko zein da aukerarik onena: patatak ala natxoak?
Beñat eta Maite (Patakon), Gorka (Elkarlaguntza Sarea), Asier eta Kristian (Antrotarrak), Eñaut (Bost Axola) eta Oier (Sukherrak Zauk) galdakoztarrek erantzun dute gure galdetegia!
Talentu Txapelketa antolatzen du Zizpa Gazte Konpartsak Galdakaoko jaietan. Aurten txapeldun izan da Gusak kuadrilla magia ikuskizun batekin, bigarren Bertan Kaldo kuadrilla sailkatu da eta hirugarren Dekantzekoz. Laugarren Sukuzu izan da eta bosgarren Piperrak.
☉ Galdakao
Bideoa / Mari Carmen Alvarez: “Gorantza Futbol Taldeak nire garapen pertsonalean lagundu zidan”
Atzo, irailak 16, omenaldia jaso zuten Galdakaoko Gorantza Futbol Taldeko emakumeek: duela 57 urte, 1967ko irailean, Galdakaoko emakumeen lehen futbol taldea eratu zuten.
1967tik 1972ra bitartean Gorantza Futbol Taldeko emakume aitzindari hauek omendu zituzten: Eguzkiñe Loroño, Pili Moreno, Blanqui Goiri, Emili Suarez, Amaia Garay, Eguzkiñe Garay, Rosario Etxabe, Maribel Saratxaga, Marieli Aurtenetxe, Maria Angeles Yarritu, Henar Yarritu, Maria Jesus Urgoiti, Belen Urgoiti, Virginia Gonzalez Ramos, Mari Carmen Alvarez eta Maria Pilar Torres jokalariak, Miguel Caballero entrenatzailea, eta Koldo Tutor eta Arturo Maza laguntzaileak.
Omenaldia jaso aurretik Mari Carmen Alvarez jokalari ohiarekin berba egiteko aukera izan genuen GEURIAn: “Oso pozik gogoratzen ditut Gorantza Futbol Taldeko garaiak. Nire garapen pertsonalean asko lagundu zidan taldeko parte izateak”, adierazi digu Mari Carmenek. 1968tik 1972ra bitartean jokatu zuen Mari Carmenek Gorantzan.
Omenaldiko argazkiak ere publikatu ditugu geuria.eus webgunean. Hemen argazki galeria.
Duela 57 urte, 1967ko irailean, aitzindari izan ziren Galdakaoko zenbait emakume: herriko emakumeen lehen futbol taldea sortu zuten, Gorantza Futbol Taldea.
Gaur, ia sei hamarkada ostean, omenaldia egin diete Galdakaoko Udalak eta Galdakao Futbol Klubak Santa Barbara futbol zelaian.
Honakoak izango dira omenduak: Eguzkiñe Loroño, Pili Moreno, Blanqui Goiri, Emili Suarez, Amaia Garay, Eguzkiñe Garay, Rosario Etxabe, Maribel Saratxaga, Marieli Aurtenetxe, Maria Angeles Yarritu, Henar Yarritu, Maria Jesus Urgoiti, Belen Urgoiti, Virginia Gonzalez Ramos, Mari Carmen Alvarez eta Maria Pilar Torres jokalariak, Miguel Caballero entrenatzailea, eta Koldo Tutor eta Arturo Maza laguntzaileak.
Omenaldia eta gero, Galdakao Futbol Taldeko eta Athleticeko jokalari ohiek partida jokatu dute.
Argazkiak / Txantxa Gutxi kuadrillak irabazi du Errelebo lasterketa Galdakaoko jaietan
Bideoa / “ETSk entzun du Usansolok zer nahi duen, eta jarraituko dugu geltokia erdigunean aldarrikatzen”
Arrigorriagak 229.000 euro bideratuko ditu Ollargan eta Haurreskolako haur-parkeak berritzeko
Argazkiak / Txantxa Gutxi kuadrillak irabazi du Errelebo lasterketa Galdakaoko jaietan
Argazkiak / Gusak da Galdakaoko jaietan talentu gehien duen kuadrilla
Argazkiak / Galdakaoko Gorantza Futbol Taldeko emakume aitzindariei omenaldia
Bideoa / “ETSk entzun du Usansolok zer nahi duen, eta jarraituko dugu geltokia erdigunean aldarrikatzen”
Bideoa / El Casoplón filmak 20 auto aparkaleku baino gehiago kenduko ditu Basauriko Pozokoetxen, bi egunez
