☉ Galdakao
Katrin Schlegel: “Atzeratutako ikuskizunak berreskuratzeaz gain, berriak ere ekarriko ditugu Torrezabalera”
Zuzeneko ikuskizunekin eta zinema emanaldiekin aurrera doa Torrezabal Kultur Etxea. Zuzeneko ikuskizunei dagokienez, urrian lau antzezlan taularatuko dituzte: ‘El patio de mi casa’ (urriak 16. Besteak beste, Jontxu Martinez Zarrabeitia usansolotarra ikusteko aukera izango dugu), ‘Kottondarrak’ (urriak 24), ‘The Opera Locos’ (urriak 25) eta ‘Gorria’ (urriak 30). Eta abendura bitarterako programazioaren berri ere eman dute.
“Saiatu gara alde batetik, bertan behera geratu ziren ikuskizunak atzeratzen, eta bestetik, proposamen berriak ekartzen. Gauzak atzeratzeak suposatzen zuen konpainia berriak ez etortzea, eta guk ez genuen hori nahi. Kulturarekiko konpromisoa adierazi nahi izan dugu”, dio Katrin Schlegel Sasiainbarrena Galdakaoko Udaleko kultura teknikariak: “Nahiko zaila izan da zuzeneko ikuskizunak berrantolatzea, baina konpainiak pazientzia handikoak izan dira”. Bestetik, zinemari dagokionez, Donostiako Zinemaldian lehiatutako eta aurkeztutako filmak proiektatuko dituzte urrian: ‘Akelarre’ (urriak 9-12), ‘Rifkin’s Festival’ (urriak 17-19) edota ‘Ane’ (urriak 23-26).
KULTURA PLAZAREN HARRENA. Iraila hasieran jarri zuen martxan ‘Kultur Plaza’ ekimena Udalak. ‘Kultura segurua’ da lemapean, hainbat ekitaldi antolatu dituzte hilabetean zehar, hala nola, kirola, hitzaldiak, musika, antzerkia, zirkoa, masterclassak, sormena, magia, bertsolaritza eta zientzia. Guztira doako 35 ikuskizun programatu dituzte herriko espazio ezberdinetan.
“Sektorea oso kaltetuta dago eta ‘Kultur Plaza’ guretzat gakoa izan da”
“Hasiera batean beldurra izan genuen, baina jendearen harrera oso ona izan da. Kulturaren alde egin dugun apustua guretzat gakoa izan da. Sektore nahiko kaltetua izan da kulturarena, eta uste izan dugu eman behar geniola behar zuen garrantzia”, dio Aiora Azagirre kultura teknikariak: “Irailean zehar egin ditugun ekintzak oso anitzak izan dira, kolektibo ezberdinentzat pentsatuak: umeentzat, gazteentzat, zein nagusientzat. Egia da hasieran kostatu zela jendea erakartzea, baina azkenean, herritarrak oso eskertuta azaldu dira. Harrera oso ona izan du ekimenak”.
Galdakaoko jaietan proba berriak antolatu dituzte. Horietako bat da Errelebo lasterketa, Errotuk antolatu duena. Txapeldun izan da Txantxa Gutxi kuadrilla, bigarren Antzeko, hirugarren Weekandugu eta laugarren Lonjelvi.
☉ Galdakao
Bideoa / Oilasko ala haragizko hanburgesa? Edo beganoa akaso? Inkesta egin dugu Galdakaoko jaietan!
Hanburgesa txapelketa izan zen atzo, irailak 17, Galdakaoko jaietan. Patakonek antolatzen du lehiaketa eta aurten 60 kuadrilla aurkeztu direla zehaztu digute: “Partaidetza handia izan dugu aurten ere!”, dio Beñat Elias Patakoneko kideak. Epaileek “100 hanburgesa baino gehiago” dastatu dituztela esan digu Maite Uribarri Patakoneko kideak.
Atzokoan ere GEURIA mikroa eskuan atera zen Santakurtzetara! Hanburgesa haragizkoa ala oilaskokoa? Akaso beganoa? Eta hanburgesa laguntzeko zein da aukerarik onena: patatak ala natxoak?
Beñat eta Maite (Patakon), Gorka (Elkarlaguntza Sarea), Asier eta Kristian (Antrotarrak), Eñaut (Bost Axola) eta Oier (Sukherrak Zauk) galdakoztarrek erantzun dute gure galdetegia!
Talentu Txapelketa antolatzen du Zizpa Gazte Konpartsak Galdakaoko jaietan. Aurten txapeldun izan da Gusak kuadrilla magia ikuskizun batekin, bigarren Bertan Kaldo kuadrilla sailkatu da eta hirugarren Dekantzekoz. Laugarren Sukuzu izan da eta bosgarren Piperrak.
☉ Galdakao
Bideoa / Mari Carmen Alvarez: “Gorantza Futbol Taldeak nire garapen pertsonalean lagundu zidan”
Atzo, irailak 16, omenaldia jaso zuten Galdakaoko Gorantza Futbol Taldeko emakumeek: duela 57 urte, 1967ko irailean, Galdakaoko emakumeen lehen futbol taldea eratu zuten.
1967tik 1972ra bitartean Gorantza Futbol Taldeko emakume aitzindari hauek omendu zituzten: Eguzkiñe Loroño, Pili Moreno, Blanqui Goiri, Emili Suarez, Amaia Garay, Eguzkiñe Garay, Rosario Etxabe, Maribel Saratxaga, Marieli Aurtenetxe, Maria Angeles Yarritu, Henar Yarritu, Maria Jesus Urgoiti, Belen Urgoiti, Virginia Gonzalez Ramos, Mari Carmen Alvarez eta Maria Pilar Torres jokalariak, Miguel Caballero entrenatzailea, eta Koldo Tutor eta Arturo Maza laguntzaileak.
Omenaldia jaso aurretik Mari Carmen Alvarez jokalari ohiarekin berba egiteko aukera izan genuen GEURIAn: “Oso pozik gogoratzen ditut Gorantza Futbol Taldeko garaiak. Nire garapen pertsonalean asko lagundu zidan taldeko parte izateak”, adierazi digu Mari Carmenek. 1968tik 1972ra bitartean jokatu zuen Mari Carmenek Gorantzan.
Omenaldiko argazkiak ere publikatu ditugu geuria.eus webgunean. Hemen argazki galeria.
Duela 57 urte, 1967ko irailean, aitzindari izan ziren Galdakaoko zenbait emakume: herriko emakumeen lehen futbol taldea sortu zuten, Gorantza Futbol Taldea.
Gaur, ia sei hamarkada ostean, omenaldia egin diete Galdakaoko Udalak eta Galdakao Futbol Klubak Santa Barbara futbol zelaian.
Honakoak izango dira omenduak: Eguzkiñe Loroño, Pili Moreno, Blanqui Goiri, Emili Suarez, Amaia Garay, Eguzkiñe Garay, Rosario Etxabe, Maribel Saratxaga, Marieli Aurtenetxe, Maria Angeles Yarritu, Henar Yarritu, Maria Jesus Urgoiti, Belen Urgoiti, Virginia Gonzalez Ramos, Mari Carmen Alvarez eta Maria Pilar Torres jokalariak, Miguel Caballero entrenatzailea, eta Koldo Tutor eta Arturo Maza laguntzaileak.
Omenaldia eta gero, Galdakao Futbol Taldeko eta Athleticeko jokalari ohiek partida jokatu dute.
Argazkiak / Txantxa Gutxi kuadrillak irabazi du Errelebo lasterketa Galdakaoko jaietan
Bideoa / “ETSk entzun du Usansolok zer nahi duen, eta jarraituko dugu geltokia erdigunean aldarrikatzen”
Arrigorriagak 229.000 euro bideratuko ditu Ollargan eta Haurreskolako haur-parkeak berritzeko
Argazkiak / Txantxa Gutxi kuadrillak irabazi du Errelebo lasterketa Galdakaoko jaietan
Argazkiak / Gusak da Galdakaoko jaietan talentu gehien duen kuadrilla
Argazkiak / Galdakaoko Gorantza Futbol Taldeko emakume aitzindariei omenaldia
Bideoa / “ETSk entzun du Usansolok zer nahi duen, eta jarraituko dugu geltokia erdigunean aldarrikatzen”
Bideoa / El Casoplón filmak 20 auto aparkaleku baino gehiago kenduko ditu Basauriko Pozokoetxen, bi egunez
