Sareak

☉ Galdakao

Zuhatzutik eta ibai inguruetatik ibilgailuak kentzeko eskatu dute Galdakaon, uholde arriskuengatik

Eusko Jaurlaritzak alerta laranja ezarri du 15:00etatik aurrera euri jasa gogorrengatik. Uholde arriskua dela eta, Galdakaoko Udaleko Uholdeen Larrialdi Mahaia bildu da gaur goizean.

|

Bereziki, ibilgailua Zuhatzun aparkatuta duten herritarrei autoak bertatik kentzeko deia egiten die Udalak // Geuria

Eusko Jaurlaritzak alerta laranja ezarri du 15:00etatik aurrera euri jasa gogorrengatik. Uholde arriskua dela eta, Galdakaoko Udaleko Uholdeen Larrialdi Mahaia bildu da gaur goizean eta adi egoteko eta ibilgaluak ibai inguruetatik kentzeko eskatu dute: “Uholdeak izateko arriskua duten guneetan bizi direnei gaur arratsalde eta gauean adi egiteko eskatzen diegu, eta autoak ibai edo erreka inguruetatik aldentzeko”, diote udal ordezkariek. Bereziki, ibilgailua Zuhatzun aparkatuta duten herritarrei horiek bertatik kentzeko deia egiten die Udalak, eta Maxamen aparkalekua “leku ona” izan daitekeela gogorarazi dute udal ordezkariek. “Ibai inguruko gainerako lekuetan dauden autoekin ere berdin jokatzeko gomendatzen dugu”, diote.

Duela hilabete batzuetatik hona, Zuhatzu inguruan ibaiaren ura bideratzeko lanak egiten ari da URA Euskal Agentzia, eta lan horiek “eragin nabaria” izan dutela diote udal ordezkariek. Hain zuzen ere, metro kuadroko 40 litrotik gora bota duen arren uholderik ez baita bertan eragin. “Hala ere, lanak amaitu gabe egonik, adi egon beharra dago oraindik ura ez dela ubidetik ateratzen ziurtatzeko. Ura bere bidetik aterako balitz, Udalak hartu beharreko neurriak hartuko lituzke”, diote.

Dekantagailuak eta arketak etengabe errebisatu eta garbitzen ari direla diote Udaletik: “Ostiralean garbiketa egin zen eta atzo, larunbata, eta gaur, igandea, errepasoak egiten ari gara”, diote. Oraingoz, ubideei adi egoteko deia egiten du Udalak, eta uholde arriskua izan dezaketen guneetan bizi diren herritarrei abisua zuzenean bidaliko diela jakinarazi dute: “SMS mezuak igorriko zaizkie egoeraren berri emateko. Adinekoen erresidentziak ere jakinaren gainean daude dagoeneko”.

Ibaizabal ibaia uholdeetatik babesteko obretan 9,5 milioi euro bideratuko ditu URAk Galdakaon

☉ Galdakao

Emantzipazio bulegoa zabaldu dute Galdakaon, herriko gazteei zuzenduta

Bulegoa zabalik egongo da asteazkenetan (otsailaren 21etik aurrera) eta ostiraletan Torrezabal Kultur Etxean. Gazteei emantzipazio prozesuetarako aholkularitza ematea da helburua

|

Emantzipazio bulegoa zabaldu du Galdakaoko Udalak, gazteei emantzipazio prozesuetarako aholkularitza emateko asmoz.

Emantzipazio bulegoak modu indibidualean eta zuzenean emango die informazioa gazteei, eta aholkularitza ere emango die administrazioaren maila guztietan (tokikoa, eskualdekoa, erkidegokoa, Europakoa…) dauden zerbitzu, programa eta proiektuei buruz, baita emantzipazio prozesua aurrera eramaten laguntzeko Galdakaoko Udalak berak dituen zerbitzuei eta baliabideei buruzko informazioa ere.

Bulegoa zabalik egongo da asteazkenetan (gaurtik, otsailaren 21etik aurrera) eta ostiraletan Torrezabal Kultur Etxeko lehen solairuan, 17:00etatik 20:00etara bitartean.

Era berean, emantzipaziobulegoa@galdakao.eus helbide elektronikoan, 675 700 089 telefono bidez eta sare sozialetan ere eskainiko dute zerbitzua.

“Gazteen emantzipazioa gazteak osotasunez eta aukera berdintasunez gizarteratzea lortzea da, beren bizi proiektua autonomiaz eraikitzeko eta eskubide guztiak egikaritzeko aukera izan dezaten, ahultasun gehien dituzten gazteei arreta handiagoa eskainiz. Prozesu horretarako, etxebizitzari, enpleguari edo prestakuntzari buruzko informazioa ezinbestekoa da. Hain zuzen, informazio hori guztia herriko gazteek eskura izatea da Udalak zerbitzu berriarekin lortu nahi duena”, diote udal ordezkariek.

Osorik irakurri

☉ Galdakao

Edu Madina omentzeko ekitaldia antolatu dute bere lagunek Gorbeian

|

Otsailaren 5ean hil zen Edu Madina galdakoztarra // Argazkia: Inocencio Goikuria

Edu Madina Etxebarria galdakoztarra hil zen otsailaren 5ean 69 urterekin. Galdakaoko memoria historikoa berreskuratzeko lan egin zuen; are gehiago, Galdakao Gogora elkarteko sortzaileetako bat izan zen.

Galdakaoko bere lagunek bere aldeko omenaldia antolatu dute otsailaren 25ean, igandez. Gorbeia mendiko gurutzean izango da 12:00etan.

Eguraldi txarra egiten badu omenaldia 12:15ean izango da Egiriñaoko Elurretako Andre Mariaren ermitan.

Informazio gehiagorako udiarraga@hotmail.com eta 634 672 811 telefono zenbakia jarri dituzte.

Osorik irakurri

☉ Galdakao

Argazkiak / Dozenaka herritarrek irmoki salatu dituzte Galdakaoko sei adingabek jasandako sexu-erasoak

|

Herriko sei adingaberen kontra Galdakaon eman diren sexu-erasoak salatzeko elkarretaratzea egin zuten otsailaren 17an, larunbatez, Santi Brouard plazan. Mugumendu feministak eta herriko eragileek deituta, herritar askok bat egin zuten elkarretaratzearekin.

GEURIA bertan izan zen eta Amets Iturbe Berdintasun arloko zinegotziaren eta Naroa Urkijo Momoak talde feministako kidearen hitzak jaso ahal izan genituen.

Osorik irakurri

☉ Galdakao

Bideoa / Naroa Urkijo: “Arazo hau estrukturala da eta aurrera begira ere elkarlanean jarraituko dugu”

|

Otsailaren 17an, larunbatez, elkarretaratzea egin zuten dozenaka herritarrek Galdakaon sei adingabek jasandako sexu-erasoak salatzeko.

Momoak talde feminista, Erabide Emakume Elkartea, Erlantza Emakume Elkartea, Ninaiz Emakume Elkartea, Mairi Emakume Feminista Batza eta Basandere Emakumearen Susrtapenerako Elkartea elkarlanean daude Udalarekin batera sexu-erasoen aurrean erantzun kolektiboa emateko.

Naroa Urkijo Momoak talde feministako kidea da eta berarekin berba egin genuen: “Arazo hau estrukturala da eta aurrera begira ere elkarlanean jarraituko dugu, erasorik gabeko herri askea nahi dugulako”.

Osorik irakurri

☉ Galdakao

Bideoa / Amets Iturbe: “Arreta integrala eta zuzena eskaintzen dizkiegu biktimei”

|

Galdakaoko sei adingabek pairatutako sexu-erasoak gaitzesteko elkarretaratzea egin zuten otsailaren 17an, larunbatez, dozenaka herritarrek.

Udalak bat egin zuen herriko talde feministek eta eragileek deitutako deialdiarekin, eta biktimen arreta koordinatzeko “zerbitzu guztiak” eskaini dituela jakinarazi dute.

Amets Iturbe Bustillo Berdintasun arloko zinegotziarekin berba egiteko aukera izan genuen elkarretaratze egunean: “Arreta integrala eta zuzena eskaintzen dizkiegu bikitimei”.

Osorik irakurri