Sareak

☉ Galdakao

Galdakaoko adingabe atzerritarrentzako zentroan “gainokupazio iraunkorra” dagoela salatu du Arartekoak

EAEko herritarren defendatzaileak zabaldu dituen datuen arabera (martxoaren 23ko erresoluzioan), 50 lagunentzako plaza daukan zentroak 80 adin txikiko baino gehiago hartu ditu 2022ko apiriletik hona

|

Viveroko zentroa // Google maps

Viveroko adingabe atzerritarrentzako zentroan gainokupazio “larria” dagoela salatu du Arartekoak. EAEko herritarren defendatzaileak zabaldu dituen datuen arabera (martxoaren 23ko erresoluzioan), 50 lagunentzako plaza daukan zentroak 80 adin txikiko baino gehiago hartu ditu 2022ko apiriletik hona. “Gainokupazio iraunkorreko egoera” horrek beharrezkoak diren giza baliabideen eta baliabide materialen falta eragin du zentroan, jokabide arazoak dituzten nerabeen kasuak are gehiago larrituz.

EAEko herritarren defendatzaileak kaleratutako datuen arabera, zentroak maiatzaren erdialdetik 2022ko abuztuaren amaierara arte baino ez ditu bete zentroen funtzionamendua arautzeko hitzarmenean adostutako okupazio baldintzak. “Ordura arte, plazen gainetik, 2, 3 edo 8 pertsona gehiago zeuden, egun jakinetan, eta 2022ko iraileko lehen egunetatik aurrera, hartutako mutilen kopuruak oso azkar egin du gora”.

Iraileko lehen hamabostaldian 55 lagun zeuden Viveron (plazen kopuruak uzten duena baino 5 gehiago), eta bigarren hamabostaldian, berriz, 61 (11 gehiago). Urriko lehen hamabostaldian, 32 adingabeko gainkarga egon zen (82 zeuden, guztira), eta bigarren hamabostaldian zertxobait behera egin arren (78 mutil; gehienekoa baino 28 gehiago), kopurua 50en oso gainetik mantendu izan da: azaroko lehen aldian 72 zeuden (23 gehiago) eta bigarrenean, 76 (26 gehiago); abenduko lehen hamabostaldian, 73 (23 gehiago) eta 79 (29 gehiago), bigarren zatian. Urtarrilaren 5eko neurketetan, 18 lagun gehiago zeuden (68, guztira).

Eskaera Aldundiari

Gainokupazioari muga jartzeko, Arartekok Viveron eta adingabe atzerritarrentzako sarean dauden gainontzeko zentroetan esku har dezan eskatu dio Foru Aldundiari. “Zentroetako kudeaketa erakunde pribatu batekin hitzartuta egon arren, sarea erantzukizun publikokoa da”, azaldu dute, eta “babes-erakunde publiko gisa”, Aldundia dela adingabeen ardura duena. Instituzioak, beraz, “behar adina egoitza-baliabide izango dituen sistema bat” egituratu beharko lukeela azaldu du ombusdmanak, antolamendu eraginkorra izateaz gain, “eskariaren intentsitate handieneko aldiei aurre egiteko neurriak azkar aktibatzea” ahalbidetuko lukeena.

Era berean, zentroetako hezkuntza sistemari lotutako esku hartze aldaketak eskatu ditu herritarren defendatzaileak, “jokabide-arazoren bat edo jarrera arazo larriren bat duten nerabeentzako programa espezializatu bat garatzeko baliabideak ezarriz”. Izan ere, gainokupazioak azaleratu du problematika hori duten adingabeen kasuan “bizikidetzako arazoak, erasoak eta mehatxuak” areagotu egiten direla zentroetan, eta horrek zaildu egin dituela “hezkuntza-arloko esku hartze integrala eta pertsona bakoitzaren beharretara egokituta izateko aukerak”.

Viveron, gainera, egoera hori larritu egin da azken urteotan, 2021eko abenduan Zornotzako adingabeen zentrotik egondako lekualdatzeengatik. Arartekok txostenean azaldu duen moduan, sutea egon zen Bizkaiko beste zentroan, eta ondorioz, bertako 17 mutil Viveron birkokatu zituzten, existitzen zen gainokupazioa handituz. Nerabeetako batzuk, halaber, jokabide-arazoak zituzten gazteak ziren, 2019an Karrantzan zegoen zentro espezializatua itxi ondoren, horra bideratu zituztenak.

Ikerketaren hasiera

Datu horiek jasotzeko, ikerketa 2021ean hasi zuen ombusdmanak, urteko azken egunetan jasotako erreklamazio herritar baten harira. 2022ko otsailaren 16an, zentrora bisita egin zuten, baita zentroko arduradunekin elkarrizketak egin ere. Hilabete horretan, Aldundiaren Gizarte Ekintza Saileko Haurren Zerbitzuarekin bilerak egin zituzten, eta harrera zerbitzuaren dokumentazioa eskatu zuten. 2023ko urtarrilaren 5ean, zentroan jazotako sute baten ostean (bi egon ziren hilabete horretan), beste behin egin zuten bisita Viverora, eta bertako gainokupazioa eta adingbaeak artatzeko “baliabide falta” berretsi zituzten.

☉ Galdakao

Argazkiak / Galdakaoko Udalaren aurkako “eraso euskarofoboa” salatu dute ehunka herritarrek

Hizkuntza politiketan jauzi bat emateko garaia dela aldarrikatu dute gaur Kontseiluak eta Bagabiz Euskara Elkarteak

|

Euskararen kontrako “beste oldarraldi judizial bat” salatu dute gaur Galdakaon ehunka herritarrek. Zehazki, Galdakaoko Udalak 2022an egindako gizarteratzeko eta laneratzeko teknikari lanpostua egonkortzeko deialdian ezarritako euskara eskakizuna baliogabetzearen Bilboko epaitegiaren epaia salatu dute.

Epai horren arabera, “diskriminatzailea” da euskara hizkuntza eskakizuna eskatzea: “Oldarraldi judizialak ez du etenik. Sententziaz sententzia, gero eta argiago geratzen ari da olatu erreakzionario, atzerakoi eta euskarafobo honen atzean ezkutatzen den mezua: urrunegi joan zarete eta mugak jarri behar dizkizuegu”, adierazi dute gaur Galdakaon egin duten elkarretaratzean. Guztira 200 lagun bertaratu dira Kontseiluak eta Bagabiz Elkarteak deitu duten euskararen oldarraldiaren kontrako kontzentraziora.

“Edozerk balio du epaitegietatik euskararen normalizazioa sustatu nahi duten neurriak baliogabetzeko: ezin da euskara eskatu “zailegia” delako, ezin da euskara eskatu “inposizioa” delako, ezin da euskara eskatu “gehiegizkoa” delako, ezin da euskara eskatu “diskriminatzailea” delako… Eta horrela, Galdakaoko Udalean gizarteratzeko eta laneratzeko teknikari lanposturako euskara eskakizuna gehiegizkotzat jo du epaileak, Udalaren eskumenaren aurka eta herritarren hizkuntza eskubideen kaltetan”, diote Kontseiluko eta Bagabiz Euskara Elkarteko ordezkariek.

Bai Kontseiluak bai Bagabiz Euskara Elkarteak “gogor” salatu dute “botere judizialaren injerentzia hau”, eta, era berean, “euskararen ekosistema berri bat” aldarrikatu dute, “gure eskubideak egiazki bermatuko dituena eta euskaraz bizitzea posible egingo duena”, diote.

“Erasoei erantzun behar zaie, baina bada garaia harago joateko, hizkuntza politiketan jauzi bat emateko: aurre egitetik, aurrera egiteko”, diote, eta gaineratu dute: “Gure herriko edozein herritarrari ere dei egiten diogu, eremu publiko zein pribatuan, bere hizkuntza-eskubideak urratu direla sentitzen badu, Hauspotu zerbitzuaren bidez horren berri eman dezan”.

350 atxikimendu

Atzo, Galdakaoko Udaleko langileek kontzentrazioa egin zuten udaletxe aurrean, ELA eta LAB sindikatuek deituta. Eta gaur, Kontseiluak eta Bagabiz Elkarteak deitutako herri elkarretaratzera ehunka lagun batu dira.

Era berean, Galdakaoko Udalaren aurkako eraso euskarofoboa salatzeko atxikimendua eman dute 300dik gora norbanakok eta herriko 35 elkartek eta taldek.

“Argi utzi nahi dugu euskaraz bizi nahi dugula eta ez dugula eskubide murrizketarik onartuko!”, bukatu dute elkarretaratzea.

Osorik irakurri

☉ Galdakao

Lanpostu guztietan “euskararen gutxieneko ezagutza bermatzea” aldarrikatu dute Galdakaoko udal langileek

Euskararen aurkako “beste eraso bat” salatzeko elkarretaratzea egin dute gaur eguerdian Galdakaoko Udaleko langileek

|

Galdakaoko Udaleko langileek elkarretaratzea egin dute gaur eguerdian udaletxe aurrean // Argazkia: LAB Sindikatua

Euskararen aurkako “beste eraso bat” salatzeko elkarretaratzea egin dute gaur eguerdian Galdakaoko Udaleko langileek. Zehazki, Galdakaoko Udalak 2022an egindako gizarteratzeko eta laneratzeko teknikari lanpostua egonkortzeko deialdian ezarritako euskara eskakizuna baliogabetzearen epaia salatu dute.

Epai horren arabera, diskriminatzailea da euskara hizkuntza eskakizuna eskatzea, “eta, beraz, euskararen ezagutza kentzen du Galdakaoko Udalaren lanpostu batetik”, salatu dute ELAko ordezkariek. ELArekin batera LABeko ordezkariek egin dute elkarretaratzea.

Gaineratu dutenez, sektore judizial, politiko eta sindikal batzuek “gaztelaniaren erabateko nagusitasuna inposatu nahi dute, eta, azkenaldian ikusten dugun bezala, euskararen aurka egiten dute etengabe”.

Kontseiluak, ELAk eta LABek 15 urteko epean administrazioa euskalduntzea helburu duen akordioa azpimarratu dute. “Eta horrela, lanpostu guztietan euskararen gutxieneko ezagutza bermatzea, horrela bakarrik bermatuko baita euskaldunek zerbitzua euskaraz jaso eta euskaraz lan egin ahal izatea, gaztelaniazkoek bezala”, diote.

Bihar, ekainak 20, Kontseiluak eta Bagabiz Euskara Elkarteak elkarretaratzea deitu dute Ardanza parkean 19:30ean.

Osorik irakurri

☉ Galdakao

Galdakaoko Santi Brouard plazan eta Mugurun San Juan suak piztuko dituzte

|

Andra Mari Dantza Taldeak eta Zizpak San Juan suak piztuko dituzte Santi Brouard plazan eta Mugurun // Geuria

Udari ongi etorria emateko San Juan bezperan, ekainaren 23ko gauean, suak pizten dira Euskal Herrian. Galdakaon, Urretako jaietan sua pizteaz gain, beste bi su piztuko dituzte: Santi Brouard plazan eta Mugurun.

Galdakaoko Udalak, herriko hainbat eragilerekin batera, hainbat ekintza antolatu ditu:

Egitarauak / San Juan suak Galdakao

Ekainak 23, igandea

Santi Brouard plazan
22:00 San Juan suaren bueltan, erritualak eta konjuruak, ume jokoak, sanjuanetako kantuak, eta erromeria. Andra Mari Dantza Taldeak antolatuta

Muguru
22:30 Dantza ikuskizuna: ‘San Juanetako taupadak’, Taupadak Dantza Eskolak eta Zizpa Gazte Asanbladak antolatuta
22:45 San Juan sua, txokolatada eta San Juan ura. Zizpa Gazte Asanbladak antolatuta
23:00 Erromeria: Gautegun

Osorik irakurri

☉ Galdakao

Euskararen aurkako erasoa salatzeko elkarretaratzea egingo dute Galdakaoko Udaleko langileek

Galdakaoko Udaleko Langile Batzordeak kontzentrazioa deitu du bihar, ekainak 19. Gainera, ekainaren 20an elkarretaratze handia deitu dute Kontseiluak eta Bagabiz elkarteak

|

Iazko uztailean EAEKo alkateek Konstituzionalak euskararen kontra emandako epaia salatu zuten, tartean, Iñigo Hernando Galdakaoko alkatea // Kontseilua

Euskararen aurkako sententzia jaso du Galdakaoko Udalak. Zehazki, Udalak 2022an egindako gizarteratzeko eta laneratzeko teknikari lanpostua egonkortzeko deialdian ezarritako euskara eskakizuna baliogabetu du Bilboko Administrazioarekiko Auzien 4. epaitegiak.

Hori salatu zuten ostiralean Euskalgintzaren Kontseiluak eta Galdakaoko Bagabiz Euskara Elkarteak, eta elkarretaratzea deitu dute ekainaren 20an 19:30ean Ardanza parkean.

Era berean, Galdakaoko Udaleko Langile Batzordeak (LAB eta ELA sindikatuak) ere kontzentrazioa deitu du bihar, ekainak 19, 13:30ean udaletxeko plazan, “administrazioaren euskalduntzearen eta langileen eskubideen aurkako azken sententzia salatzeko”.

Osorik irakurri

☉ Galdakao

Programa / Urretako jaiak 2024

Ekainaren 21etik 23ra bitartean izango dira Urretako jaiak, Galdakaon. Urretaldeak 50 ekintza antolatu ditu:

|

Herri bazkaria izango da ekainaren 23an Urretako jaietan // Geuria

Ekainaren 21etik 23ra bitartean izango dira Urretako jaiak, Galdakaon. Urretaldeak 50 ekintza antolatu ditu:

Egitaraua / Urretako jaiak 2024

Ekainak 20, osteguna
Barrakak irekitzea, Romualda plazan

Ekainak 21, ostirala
16:30 Aurpegiak margotzea eta eskulanen tailerra, Ludotekak antolatuta
17:30 Guarrindongada Jokoak eta ur-borroka, Topaguneak antolatuta
19:00 Pregoia: Erabide Emakume Elkartea eta Femme
19:00 Txosnak irekitzea eta Rally Poteorako txartelak eta Bingorako kartoiak ematea
19:00 Soka Batukada
19:30 Sardina-jan herrikoia
20:00 Mozoilo Irratia
20:00 Musika: Femme
20:00 Musika: Femme-Adur
21:00 Musika: Femme-Lena Makana
22:00 Musika: Viktor Kordoba DJ + Tracy DJ + Divinoa DJ
04:00 Txosnak ixtea

Ekainak 22, larunbata
11:00 Artisau Azoka Urreta parkean
11:00 Patinaje artistikoko erakustaldia eta tailerra Skating 4 Gurpilen eskutik Urreta eskolan
12:00 Txosnak irekitzea
12:00 IA & Robotics Txokoa Izarra Topagunean
12:00 Puzgarriak, ur-puzgarriak… Urreta parkean
12:30 Putxeren III. Lehiaketan izena ematea
13:00 Rally Poteoa
13:00 Kalejira: Da Capo Musika Banda
13:30 Soka Batukada
14:00 Putxeren aurkezpena eta sari banaketa
14:00 Putxera zozketa Urreta zelaian
16:00 Apar festa Urreta parkean
16:00 Mus txapelketa Gure Bastartxue tabernan
17:00 Patata tortillen X. Lehiaketan izena ematea
17:00 I. Futbolin Txapelketa, Iluntze tabernak eta Solabarriak Dardosek antolatuta
18:30 Tortillen aurkezpena eta sari banaketa
19:00 Kalejira eta animazioa tabernetatik
19:30 Txokolatada
20:00 Kontzertuak Musika Eskolako etxartean: Koiu + Tinta + Garaje-drama
00:00 Dantzaldia: Princesa taldea
01:30 Bingoa eta ezusteko emanaldi berezia
02:00 Dantzaldia: Princesa taldea

Ekainak 23, igandea
12:00 Txosnak irekitzea
12:00 Kalejira eta animazioa tabernetatik
12:00 Familiako I. Futbolin Txapelketa, Iluntze tabernak eta Solabarriak Dardosek antolatuta
12:30 Txupiponpa tailerra Urreta parkean
13:00 Rally Poteoa
13:00 Galdakaoko Ad Libitum Txistu Banda
13:00 Meza
13:00 Paella lehiaketaren X. edizioan izena ematea
14:30 Paellen aurkezpena eta sari banaketa
15:00 Herri bazkaria
16:00 Aurpegiak margotzea, tailerrak eta jolasak Argizai Eskaut Taldeak antolatuta
17:00 Stunt Rider motorren erakustaldia
17:00 Txupiponpak Urreta parkean
19:00 Kontzertua Patxi tabernan: Tequilas
21:00 Zozketa Urreta zelaian: Rally Poteoko saria
22:00 Tributu kontzertua: El Barrio
22:30 Sua piztea
00:00 Jaien amaiera

Osorik irakurri