☉ Galdakao
Zabalea eta Bengoetxeko galdakoztarren inguruko dokumentalak proiektatuko dituzte urrian
Filmatutako elkarrizketekin 30 minutuko iraupeneko dokumental bi editatu eta horiek urrian proiektatuko dituzte Torrezabal Kultur Etxean, urrian zehar
Egun hauetan Zabalea eta Bengoetxeko auzotarren testigantzak filmatzen ari dira Galdakaon, azken hamarkadetan auzoek bizi izan duten aldaketak hilezkortzeko. Ekimen hau aurtengo Ondarearen Europako Jardunaldiak programaren parte da: “Gure bi auzoetako pertsona nagusien testigantzak jaso nahi ditugu, iragan hori gordea gera dadin, ahaztu ez dadin”, azaldu dute Udaletik, eta Zabalea zein Bengoetxe-La Trokako auzotarren irudiak eta ahotsak grabatzen ari dira egun hauetan, bertan bizi eta jaio zirenen bizimoduak ezagutzea helburu.
“Gure bi auzotako pertsona nagusien testigantzak jaso nahi ditu, iragan hori gordea gera dadin, ahaztu ez dadin”.
Emaitza modura, 30 minutuko iraupeneko dokumental bi editatu eta horiek urrian proiektatuko dituzte Torrezabal Kultur Etxean: Zabaleakoa urriaren 8an, 17an eta 31n proiektatuko dute eta Bengoetxekoa 10ean, 24an eta 29an.
Duela egun batzuk elkarrizketatuen bila agertu zen Galdakaoko Udala, bideoa osatu ahal izateko. Dokumentalean parte hartzeko asmoa duten auzotarrentzat 944 010 528 telefono zenbakia ahalbidetu dute (astelehenetik ostiralera, 09:00etatik 14:00ak arte).
Galdakao // Galdakaoko Udala
Duela 57 urte, 1967ko irailean, aitzindari izan ziren Galdakaoko zenbait emakume: herriko emakumeen lehen futbol taldea sortu zuten, Gorantza Futbol Taldea.
Gaur, ia sei hamarkada ostean, omenaldia egin diete Galdakaoko Udalak eta Galdakao Futbol Klubak Santa Barbara futbol zelaian.
Honakoak izango dira omenduak: Eguzkiñe Loroño, Pili Moreno, Blanqui Goiri, Emili Suarez, Amaia Garay, Eguzkiñe Garay, Rosario Etxabe, Maribel Saratxaga, Marieli Aurtenetxe, Maria Angeles Yarritu, Henar Yarritu, Maria Jesus Urgoiti, Belen Urgoiti, Virginia Gonzalez Ramos, Mari Carmen Alvarez eta Maria Pilar Torres jokalariak, Miguel Caballero entrenatzailea, eta Koldo Tutor eta Arturo Maza laguntzaileak.
Omenaldia eta gero, Galdakao Futbol Taldeko eta Athleticeko jokalari ohiek partida jokatu dute.
Petanka adinekoentzat soilik dela gezurtatu dute Galdakaoko jaietan. Atzo kuadrillen arteko Petanka Txapelketa antolatu zuten Zuhatzun eta 36 kuadrillak hartu zuten parte, gehienak gazteez osatutakoak. Santi Vincente Euskadiko Petanka Federazioko lehendakariordearekin eta atzoko irabazleekin berba egin genuen: Dekantzekoz kuadrillako Unairekin (txapeldunak) eta Antzeko kuadrillako Ainararekin eta Endikarekin (bigarrenak).
Petanka txapelketa izan da gaur Galdakaoko jaietan. Guztira 36 kuadrillak hartu dute parte eta aurten irabazle izan da Dekantzekoz, bigarren sailkatu da Antzeko eta hirugarren Mussularik Gabe.
☉ Galdakao
Argazkiak / Oheak ajea pasatzeko bakarrik ez, lasterketak egiteko ere erabiltzen dituzte Galdakaon!
Atzo hasi ziren aurtengo Santakurtzak, eta gogotsu ekion zioten jaiari galdakaoztarrek. Gaur, bigarren egun honetan, oheak kalera atera dituzte, errepidera, eta ohe lasterketak irudi dibertagarri bezain ikusgarriak utzi dizkigu.
Atzo hasi ziren Galdakaoko jaiak eta bertan izan ginen GEURIAko kazetariok. Kuadrillen desfilea bitartean inkesta egin genuen gazteekin: Zein kuadrillak irabaziko du aurtengo santakurtzetarako sortu berri duten Limoi Saria? Eta zeinek kenduko dio txapeldunaren lekua Patxikuri?
Argazkiak / Galdakaoko Gorantza Futbol Taldeko emakume aitzindariei omenaldia
Santa Isabel, Axarte eta Lepanto kaleak asfaltatzera 740.000 euro bideratuko ditu Arrigorriagak
Arrigorriagak herriko bidegorria hobetu eta birmoldatzeko lanak hasi ditu irailean
Argazkiak / Galdakaoko Gorantza Futbol Taldeko emakume aitzindariei omenaldia
Argazkiak / Dekantzekoz kuadrillak irabazi du Galdakaoko jaietako Petanka txapelketa
