☉ Galdakao
Zentral eolikoak jarri nahi ditu Eusko Jaurlaritzak Galdakaon eta Arrigorriagan
Zentral eolikoak jrri gura dituzte Galdakaoko Gangurenen eta Arrigorriagako Ganekogorta aldean
Eusko Jaurlaritzaren Energia Berriztagarrien Lurralde Plan Sektorialak (LPSk) Bizkaian, Gipuzkoan eta Arabako 33 eremu zabaletan zentral eolikoak jartzeko aurrerapen-dokumentua argitaratu eta behin betiko onarpena aurtengo udan bertan egiteko helburua du. Emaitza modura, 2030ean EAEko potentzia eolikoa bost bider handitzeko xedea du, gaur egungo 153 MWetik 783MWera.
Asmoa tamaina handiko zentral eolikoak eta fotovoltaikoak eraikitzea da energia berriztagarriak erabiltzeko eta berotegi-efektuko gasen emisioak murrizteko helburu, Eusko Jaurlaritzaren esanetan. Hautatu dituzten kokapenen planoak jarri dituzte euskadi.eus webgunean. Eraiki beharreko zentral horien kokapenen artean Galdakaoko Gangurenen eta Arrigorriagako Ganekogorta aldea ageri dira, Hego Uribe eskualdean.
Zentral eolikoa Nafarroan // Jon Goikouria
Eusko Jaurlaritzaren arabera, Klima-aldaketaren ondorio kaltegarriei buruzko kontzientzia “gero eta handiagoa da”. Horren ondorioz, energia- eta ingurumen-esparruko dokumentu estrategikoen eta plangintza-dokumentuen segida onartu dute. “Dokumentu horien ia helburu komuna da jatorri berriztagarriko iturriek energia-iturri gisa protagonismo handiagoa hartzea, hori garrantzitsua eta beharrezkoa baita”, azaldu dute Eusko Jaurlaritzatik.
“Instalazio horien kokalekuak aurreikustea eta hautatzea funtsezko erabakia da, eta egin nahi den lurralde-planak horri erantzun nahi dio, jatorri berriztagarriko energia-aprobetxamendurako kokaleku egokienak identifikatu, hautatu eta Euskal Autonomia Erkidegoko lurralde-antolamenduan integratuz, hori guztia ingurumen-faktorea kontuan hartuta, garrantzitsuenetarikoa den aldetik”, azaldu dute Eusko Jaurlaritzako ordezkariek.
Lurralde Plan Sektorialak erabili nahi dituen eremuak udalerri bakoitzaren hirigintza araudiak errespetatu behar ditu. Hala ere, eremu horietatik kanpo sustatzaile pribatuek instalazioak jarri ditzakete ere, lekuko ingurumen eta lurralde plangintzako tramitazioak gaindituz. Instalazio eolikoak jartzea debekatuta dauden leku bakarrak natur babesguneak eta Natura 2000 Sareko eremuak ditugu, “irazkortasun ekologikoa bermatzeko giltzarriak”. Hala ere, eremu horietatik gertu zentral eolikoen lerrokadak daude, hegazti askoren bizitza arriskuan jarriz.
Oizko zentral eolikoa // Jon Goikouria
Eragina EAEn
Zentral eoliko fotovoltaiko horiek Bizkaian, Gipuzkoan eta Araban aurreikusita daude eta eragina diferentea izango da lurralde bakoitzean. Jaurlaritzaren arabera, Arabako Errioxa leku aparta da lerrokadak ezartzeko. Planaren arabera bertako 12,110 hektarea egokiak dira instalazio eolikoetarako. Araban hiru parke daude gaur egun eta plan berri honen eraginez beste 13 jarriko lirateke bertan.
Bizkaiko, Arabako eta Gipuzkoako mendietan 4 parke eoliko daude gaur egun, horien artean Oiz mendian eraikitakoa. Bizkaian Enkarterrietako guneak jasango du eragin handiena, bertako itsasertzeko mendiguneetan hainbat zonalde identifijatu dituztelako. Gipuzkoan, herrialde osoan daude instalazio eolikoak jartzeko kokalekuak.
LPSak zonalde bi bereizi ditu zentral eolikoak ipintzeko orduan: lehen mailakoan urtean 3.350 orduz funtzionatzeko gaitasuna eskaintzen duten lekuak daude. Bigarren mailakoan, ostera, 2.650 ordu baino gehiago lan egin dezakete elizeek.
Galdakaok gune garbi optimoko 2. maila du (urdinez) // Eusko Jaurlaritza
Galdakaoren kasuan, Gangurengo zonaldea 2. mailakoa da. Arrigorriagan, ostera, maila biko guneak bereiz daitezke Ganekogorta aldean. Lehen mailako zonaldea Ganekogortako tontorrean kokatuta dago, eta bigarren maila herrigunetik gertuen dagoen zonaldea dugu.
Arrigorriagako aldean gune biak bereiz daitezke: lehen maila (gorriz) eta bigarren maila (urdinez) // Eusko Jaurlaritza
70 kokapen posible Euskal Herrian
Tolosaldetik Nafarroako Leitza aldera eta Goi-Urumea aldera
Loatzu (Billabona, Irura)
Belabieta-Ibingo Ataka-Loa (Billabona, Tolosa, Ibarra, Eldua (Berastegi), Elduain)
Erroizpe-Laarte-Gazteluaitz-Arburu (Gaztelu, Elduain, Berastegi)
Gaineta-Illarra (Gaztelu, Berastegi)
Solizarren-Aldamuño (Uliko txabolaren ingurua. Berastegi, Orexa, Gaztelu)
Ulimendi: Irumugarrieta-Larremotx hegia (San Anton gainean) (Berastegi, Areso)
San Lorentzo Larre (Berastegi)
Ipuliño-Oldizgain-Beibategi (Berastegi)
Leuneta-Abadekurutz-Bielorrieta-Mandoegi-Urepel-Altzadi (Elduain, Berastegi, Arano, Goizueta, Leitza)
Garagartza-Pagalegi-Gartzin (Hernani, Arano)
Urola kostako Hernio, Izarraitz eta Itziar aldea
Komisolatza: Txorondegi-Indo-Mendibeltzen magala (Errezil)
Indamendi-Txatxarro (Aizarnazabal, Aia)
Atxurigain (Azkoitia. Izarraitzen)
Otarre-Larraskanda (Izarraitzen) (Deba, Mendaro, Azkoitia)
Otarre (Txoriskita)-Elordi-Urkullu (Izarraitzen) (Mendaro, Deba)
Andutz-Txobillar (Itziar, Deba)
Urkamendi-Arriolak (“saka” zezentokia. Itziar, Deba)
Bidania-Goiatzetik Beizama, Murumendi, Izaspi eta Oleta aldera
Urraki-Illaun-Urdanpilleta (Beizama, Errezil, Bidania-Goiatz)
Murumendi ingurua: Larrarte-Urresparatze-Eizeta / Txoritegi-Laiotzekoborda (Beasain, Itsasondo, Ordizia)
Izaspi (Zumarraga, Azpeitia, Ezkio)
Oleta (Pagozurieta mendi-gaina eta Aitube aldera jeisten den hegi handia. Azkoitia, Zumarraga)
Legazpia eta Etzegarate aldea
Salobieta-Larrusain (Legazpi, Brinkola eta Zerain artean)
Larrazkondo (Etzegarate gainean. Idiazabal, Altzaniako Partzuergoa)
Deba Beherea, Eibar eta Lea-Artibai aldea
Kalamua: Arantzamendiko hegia (Etxebarria, Markina-Xemein)
Arrikurutz (Akondia)-Aizketa (Eibar).
Irukurutzeta ingurua: “Txurruka” gaineko Koskorreta-Ozeta (Osintxu aldera jeisten den hegia. Plaentxi, Bergara)
Jaungoikomendi: Erribaso- Jaungoikomendi-Zabaldegi-Arrikurutz-Kaltzakortagana-Tontorramendi (Mutriku, Markina-Xemein, Berriatua)
Galarregi (Ispaster, Narbarniz)
Bermeotik Gorlizera
Burgoa (Bermeo)
Garbola ingurua: Goroso / Gizastiko (Bakio, Bermeo)
Sollube: Atxazpi-Iturrieta (Bermeo)
Sollube-Irungana-Eskobaldi (Meñaka, Arrieta)
Loparria-Obargana (Mungia, Meñaka)
Jata: Jatatxiki / Arrastrakulo (Maruri-Jatabe, Bakio)
Urizarmendi (Lemoiz, Maruri-Jatabe)
Ermua Mendia: Ermua-Etzandarri-Lularri / Ermua-Urtzuriagamendi / Axpe-Leorrari (Gorliz, Lemoiz)
Zornotza, Txorierri eta Galdakao
Bizkargi (Zornotza, Muxika, Morga, Larrabetzu)
Ganguren (Galdakao, Lezama, Zamudio)
Ganekogorta
Kamaraka-Gallarraga-Ganekogorta-Pagasarri-Pastorekortaburu / Ganeta-Aranzuri / Gongeda-Zamaia / Aguilatos (Laudio, Okondo, Gueñes, Alonsotegi, Bilbo, Arrigorriaga, Arrankudiaga)
Ezkerraldea eta Enkarterriak
Serantes-Luzero (Zierbena, Santurtzi)
Argalario-Mendibil (Barakaldo, Trapaga)
Peña Pastores-La Rasa-Ventuña / Peña San Juan-Peña Helada (Galdames, Zierbena)
Pitón-Peña Amarilla (Muskiz-Somorrostro, Kantabriako mugan Castro Urdiales)
Mello: Mello-Llangon-Zartzaga-Muñecas Mendatea-Hilso-Laia (Muskiz-Somorrostro, Galdames, Sopuerta, Kantabriako muga Castro Urdiales)
Alen: Alen-Gomalo-Betaio-Las Losas-Trespequillos (Sopuerta, Artzentales, Turtzios, Kantabriako muga Castro Urdiales)
Eretza-Aldape-Aldapita (Eretza gailurraren inguruan 6 alineazio) (Gueñes, Galdames)
Zipar-Pico Cinto / Cabaña-Artegi (Galdames, Zalla, Sopuerta)
Cabezamonte (Sopuerta)
Santxosolo Mendia: Arbalitza-Celadilla-Trasmosomos-Somokurtzio-Viga (Zalla, Burgos muga Valle de Mena)
Kolitza ingurua: Sabugal-Los Tueros / Guinea-Pico del Mojon (Garbea aldea) / Untzilla (Balmaseda, Artzentales)
Orozko
Jesuri: Larragorri-Arriurdin (Orozko)
Zeanuritik Otxandio eta Legutiora
Zubilarra (Zeanuri)
Eneabe-Zepolekueta-Igeltzeko Gana (Zeanuri, Ubide)
Aldoiagana-Goikogana (Ubide, Zeanuri, Dima)
Motxotegi-Esnaurritzagana-Aiaogana (Legutio, Otxandio, Ubide)
Aramaiotik Leintz-Gatzaga, Arlaban eta Elgea aldera
Durakogain: Zireta-Kurtzeta-Durakogain-Sanandres / Olazar-Markamintegi / Otaxko tontorra (Aramaio)
Jarindo: Jarindo-Mispillaga-Maroto-Makilakorta (Aramaio, Eskoriatza, Leintz-Gatzaga)
Albertia (Campa de Manzanilla) (Legutio)
Isuskitza (Arratzu-Ubarrundia)
Partileku (Arlaban mendebaldean) (Leintz-Gatzaga)
Elgeamendi (Arlaban ekialdean): Galbarrain-Anguta/Arkamo-Elgeamendi- Urkitza-Arriurdin (Leintz-Gatzaga, Arratzu-Ubarrundia, Barrundia)
Gasteizko eta Iturrietako mendiak
Azazeta-Galartza-Izartza / Itxogana-Indiagana (Iruraitz-Gauna, Burgelu, Dulantzi, Arraia-Maeztu, Bernedo)
Gereñuko Mendatea-Marabileta (Iruraitz-Gauna, Donemiliaga, Arraia-Maeztu)
Badaia eta Arrato
Badaia: Olazar-Ganalto-Pikatxo (Kuartango, Zuia, Gasteiz, Badaia Partzuegoa)
Arrato: Armikelo (Zigoitia, Zuia)
Cantoblanco
Cantoblanco mendizerra (Gesaltza/Añana, Erriberagoiti)
Gaubeako mendiak
Astulez-Peñalta-Risca-Risca de San Pedro-San Sebastian-Pocilla (Bóveda)
(Gaubea/Valdegobia, Burgos muga Valle de Losa eta Berberana)
Jaundel
Jaundel (Jaunden): Jaunden-La Rasa-Triachi (Urizaharra/Peñacerrada, Trebiño muga Laño)
Arabako Errioxa
Labraza: La Pinganilla-Valdepaderna-Bustago-Pinar de Dueñas-Pisana (Oion)
Asentzio jaiak ospatuko ditu Bekea auzoak maiatzaren 10etik 12ra. Umeentzako jarduerak, esku pilota partidak, tortilla txapelketa, mendi ibilaldia, herri bazkaria eta bertso emanaldia eta erromeriak antolatu dituzte.
Era berean, maiatzaren 15ean San Isidro ospatuko dute eta hilaren 19an Txakoli Eguna antolatuko dute.
Egitaraua / Bekeako jaiak 2024
Maiatzak 10, ostirala
18:00 ‘Txipli-txapla-pum!’ kalejira eta jai hasiera. Andra Mari Txiki dantza-dantzari
18:30 Esku pilota partidak Adiskideren eskutik
Maiatzak 11, larunbara
11:00 II. Tortilla txapelketa
13:30 Auzokoen bazkaria
18:00 Lagun arteko esku pilota partidak: Atutxa-Larunbe vs Karregal-Kantxo
21:00 Dantzaldia: The Golden Trio
Maiatzak 12, igandea
09:00 Mendi-ibilaldia Ganguren MTren eskutik
12:00 Meza nagusia
12:30 Andra Mari Dantza Taldearen emanaldia
15:00 Herri bazkaria eta bertsolariak: Arkaitz Estiballes eta laguna. Jarraian erromeria Etxebarria Aita-Seme Trikitilarien eskutik
21:00 Jaien amaiera eta azken biribilketa
Maiatzak 15, asteazkena
20:00 Meza eta luntxa
Maiatzak 19, igandea
11:00 VIII. Euskal artzain txakurren lehiaketa
13:00 Eskerrak laguntzaileei eta Txakoli dastaketa
Eraso matxista bat salatu dute Galdakaon. Horren berri eman du gaur goizean Udalak. Herriko mugimendu feministak eta emakume taldeek elkarretaratzea deitu dute apirilaren 27an, larunbatez, 12:30ean Santi Brouard plazan.
Galdakaoko Udalak, udaltalde politiko guztien adostasunarekin, adierazi du “irmoki” arbuiatzen duela herrian gertatutako eraso matxista: “Udalak babes eta laguntasun osoa adierazi nahi die erasoa jasan duen pertsonari eta haren hurrekoei”, adierazi dute.
Gertaeren berri izan orduko protokoloa aktibatu du Udalak eta premiazko bilera deitu du, “informazio guztia batu eta erakundearen erantzuna nahiz biktimarenganako laguntasuna koordinatzeko”.
“Adierazi gura dugu indarkeria matxista ez dela jokabide txarreko ausazko ekintzen eta ekintza indibidualen emaitza; aitzitik, emakumeen eta gizonen arteko egiturazko desberdintasun-harremanetan sakon errotuta dagoela eta Giza Eskubideen urraketa larria izateaz gainera lehen mailako gaitz soziala dela eta berau sufritzen nahiz aurre egiten dioten emakumeen dignitatearen, osotasun fisikoaren eta moralaren aurka egiten dela”, diote udal ordezkariek.
Ildo horretan, “behar diren neurriak” sustatuko dituela adierazi du Udalak, “edozelako eraso matxistaren aurrean udalerriko entitateen eta hiritarren erantzun argi eta berehalakoa eman dadin, lehenbailehen erasotua artatua izan dadin, indarkeriari aurre egiteko emakumeek behar dituzten jarduera prebentiboak garatu eta erasotzaileen inpunitate soziala onartu ez dadin”.
Udalak babestu egiten du mugimendu feministako taldeek eta emakume taldeek deitu duten mobilizazioa, eta herritarrak gonbidatzen ditu gaitzespen ekintza guztietan parte hartzera.
Galdakaoko XII. Herri Krosa apirilaren 28an, igandez, izango da. Federatuta daiden korrikalariek zein federatu gabekoek parte har dezakete.
Herri Krosean izena emateko epea zabalik dago apirilaren 25era arte. Aldez aurretik izena emateagatik parte-hartzaileek 10 euro ordainduko dituzte eta lasterketaren egunean bertan, interesdunek 15 euro ordainduko dituzte.
Proba doakoa da 14 urtetik beherakoentzat (2010etik aurrera jaiotakoek) eta kategoria paraolinpikokoentzat baldin eta apirilaren 25a baino lehen izena ematen badute. Lasterketaren egunean bertan 5 euro ordaindu beharko dituzte.
Galdakaoko Herri Krosa Galdakao Atletismo Taldeak eta Udalak antolatzen dute, eta Bizkaiko Atletismo Federazioaren egutegi ofizialaren barruan dago. Aurten hamabigarren edizioa da, eta urtero ehunka partaide biltzen ditu.
Galdakaoko XII. Herri Krosa 2024 – Apirilak 28
Kategoriak eta distantziak
11:00 Benjaminak (2014-2015 urte bitarteetan jaiotakoak)
600 metro, itzuli bat A zirkuituari
11:15 Kimuak (2012-2013 urte bitarteetan jaiotakoak)
1.000 metro, itzuli bat B zirkuituari
11:30 Haurrak eta Kadeteak (2009-2011 urte bitarteetan jaiotakoak)
2.000 metro, bi itzuli B zirkuituari
11:45 Kategoria paralinpikoa
– Kategoria egokitua: 1.000 metro, itzuli bat B zirkuituari
– Kirol trebetasuna: 2.000 metro, bi itzuli B zirkuituari
12:00 Gazteak (2006-2007 urte bitarteetan jaiotakoak), Juniorrak (2004-2005 urte bitarteetan jaiotakoak), Seniorrak (34 urte arte) eta Beteranoak (35 urtetik gorakoak)
– Gazteak-Juniorrak: 3.854 metro, bi itzuli C zirkuituari
– Seniorrak-Beteranoak: 7.708 metro, lau itzuli C zirkuituari
Sariak
Galdakaoko XII. Herri Krosak hainbat sari banatuko ditu: Senior kategoriako irabazleei (lehen gizonezkoa eta lehen emakumezkoa) garaikur bat eta txapel bat emango dizkiete, baita gizonezkoen eta emakumezkoen kategoria absolutuko lehen hiru sailkatuentzat 150 euro, 90 euro eta 60 euro emango dizkiete, hurrenez hurren.
Kategoria absolutuan sailkatzen den Galdakaoko lehen gizonezkoarentzat eta lehen emakumezkoarentzat ere saria egongo da, eta baita garaikurrak lehenengo hirurentzat kategoria eta sexu bakoitzean.
Dortsala jasotzean, parte-hartzaile guztiei probaren oroitzapenezko kamiseta bat oparituko diete, eta poltsa bat emango diote parte-hartzaile bakoitzari helmugara iritsi bezain laster, elikagaiekin eta freskagarriekin. Gainera, sarien zozketa egingo dute proba amaitzean.
☉ Galdakao
#A21 / Emaitzak / Galdakao / EAJ garaile, baina inoizko lehia estuena EH Bildurekin
#A21 / Galdakao / Eusko Legebiltzarrerako hauteskundeak 2024 / Emaitzak
Urretako kiroldegiaren barnealdea eraberritzeko eta handitzeko obrak egingo ditu Galdakaoko Udalak. Aurreikuspenaren arabera lanak “uda ingururako” hasi nahi ditu Udalak.
Besteak beste, ariketa kardiobaskularrak, indar ariketak edota yoga egiteko erabilera anitzeko aretoak sortuko dituzte eta horretarako eraikin berri bat eraikiko dute kiroldegiaren sarreraren eta igerilekuaren arteko gune hutsean, solariuma deitzen dioten gunean, alegia.
Era berean, solarium horren azpian dagoen sotoa ere egokituko dute, 500 metro karratu ingurukoa.
Guztira, 1.000 metro karratu berri gehiago izango ditu kiroldegiak, eta aireztapen naturala ezarriko dute. Inbertsioa 3 milioi eurokoa izango da.
Hiru fase
Obrak hiru fasetan burutuko dituzte, “erabiltzaileei ahalik eta kaltre txikiena eragiteko”, diote udal ordezkariek.
Hasteko, beheko solairuaren barrualdea konpontzeko eta hobetzeko lanak egingo dituzte: “Igerilekuetarako irisgarritasuna hobetuko da arrapala bitartez, egungo aldagelak berrituko dira eta bina aldagela eta komun egokitu gehituko dira”, diote udal arduradunek. Lehen fase honetako lanak egiteko lau hilabete erabiliko dituzte, gehienez.
Bigarren fasea kiroldegia handitzekoa izango da. “Solarium gisa ezagutzen den gunean bi solairu eraikiko dira, eta horretarako, lur azpian dagoen sotoa egokituko da aurrena. Fitness eta kardio ariketetarako eremu berriak jarriko dira bertan, eta aldagela berriak. Larrialdietarako irteera berri bat ere gehituko da, besteak beste”, diote. Bigarren faseko iraupena, gehienez, zozrtzi hilabetekoa izango da.
Lan horiek amaitu ondoren ekingo diote solarium guneari teilatua jarri eta bi solairu eraikitzeari. “Beheko eta lehenengo solairuetan bi gune diafano egongo dira, besteak beste, askotariko ekintzetara egokitzeko”, diote. Enpresa esleipendunak 14 hilabete erabili ahalko ditu, gehienez, lan hauetarako. Guztira, 26 hilabete.
Azterketa fasean
Urretako kiroldegiaren barnealdea eraberritzeko eta handitzeko lizitazio prozesua azken txanpan da. Apirilaren 17an, asteazkenez, epea bukatu zen enpresek euren eskaintzak egiteko epea.
Orain prozesua azterketa fasean dago, udal teknikarien esku. Apirilaren 24an eta 30ean bilduko da kontratazio mahaia eta bertan erabakiko dute zein enpresak gauzatuko dituen obrak.
Programa / Bekeako jaiak 2024
‘Kortxoaren Dilema’ ikuskizuna eta lodifobiari aurre egiteko tailerra ekarriko dute Zaratamora
Programa / Usansoloko jaiak 2024 maiatza
Hego Uribeko dozenaka pentsiodun Gasteizen batu dira 1080 euroko gutxieneko pentsioa aldarrikatzeko
⚪️🔴 GABARRA | Argazkiak | Aupa Aitor Paredes! Talde zuri gorria Kopako txapelketa ospatzen!
Argazkiak / Hego Uribe zurigorriz jantzi da Kopako finalaren atarian
Bideoa / Lau greba egun deitu dituzte Basauriko Grafo enpresan, “hitzarmen duin baten alde”
“Gure Zirkua” Hego Uribera etorriko da lehen aldiz, Arrigorriagan zortzi saio eskainiz
