Otsailaren 2tik 20ra arte egongo da zabalik Cóndor Legioaren Gernikako bonbardaketari buruzko erakusketa. Otsailaren 5ean hitzaldiak prestatu dituzte.
Otsailaren 2tik 20ra, Cóndor Legioak burututako Gernikako bonbardaketari buruzko erakusketa egongo da Galdakaoko Torrezabal Kultur Etxean. Baskale-Baskisch-deutscher Kulturverein elkarteak bultzatutako erakusketa ibiltaria da, Galdakaora datorrena, Galdakao Gogora Elkartearen laguntzarekin.
Erakusketa honen markoan, otsailaren 5ean, ostegunean, ondoko hitzaldiak antolatu dituzte 19:00etatik aurrera: “Legión Condor – pasado y presente de un crimen de guerra”, Andrea Heuschmid-en eskutik (Baskale Elkartea) eta “La querella argentina contra los crímenes del franquismo”, Luis Fuentesen eskutik (Lau Haizetara Gogoan).
