☉ Galdakao
[Sakonean] Gailendu da argitasuna
Eguzkibegi Ikastolak 50 urte bete ditu. Frankismoaren garai ilunetan hasi zuen ibilbidea 35 ikaslerekin eta gaur egun 700 ikasle inguru ditu.
Eguzkibegi Ikastolak 50 urte bete ditu. Frankismoaren garai ilunetan hasi zuen ibilbidea: 1967an 35 ikaslerekin eman zuten lehen eskola. Egun 700 ikasle inguru ditu
[ARGAZKIAK – Eguzkibegi Ikastolaren 50. urteurren-jaia]
60ko hamarkada zen Euskal Herriko hainbat txokotan ikastolak sortzen hasi zirenean. Baita Galdakaon ere. Haurrei euskal kulturan oinarritutako heziketa euskalduna eskaintzeko helburuarekin, Galdakaoko guraso talde batek erabaki zuen 1966ko uztailean udalerrian ikastola sortzea. Eta, zenbait hilabeteren ostean, 1967ko urtarrilean, Zabaleako txalet ba- tean ikastolak bere lehen pausoak eman zituen.
Hasierako urte haietan bi irakasle baino ez zeuden ikastolan: Maribi Zamakola eta Itziar Barrenetxea. Eta euren ardurapean 35 ikasle.
60ko hamarkadako oztopoak
1960ko hamarkadan irakaskuntza euskaraz egitea debekatuta zegoen, eta Delegaritzak eta agintariek hainbat oztopo jartzen zituzten. Gainera, ikastolan ikasten zuten haurren etorkizuna ere ez zegoen batere argi garai haietan.
Ikastola legezkoa izateko baimena eskatu behar zitzaion Delegaritzari, baina legeztatze prozesu horretan beste oztopo bat izan zuten. Hain zuzen ere, 1.970eko “Ley general de Educación” delakoa. Lege horrek jartzen zituen baldintzei aurre egiteko eta ikastolaren hazkundeari erantzuteko, Kooperatiba bat sortzea erabaki zuten irakasleek eta gurasoek.
Kooperatibaren sorrera
1973ko urriaren 25eko Batzar Nagusian eratu zen Kooperatiba “Cooperativa de Enseñanza Galdácano” izenarekin.
Gurasoen ekarpen ekonomikoekin eta beste herritar batzuen laguntzarekin aurrera ateratzea lortu zuten Galdakaoko euskal hezkuntza sistema.
Eta hala, gaur egun kokatua dagoen lurra erosi zuten 1974an. Terrenoa erosteko dirua bazkideek eurek jarri zuten: bakoitzak 40.000 pezeta. Gauzak horrela, 1978an ikastola berria zabaldu zuten. Sasoi hartan 170 ikasle inguru zituen ikastolak.
Gerizpetik Eguzkibegire
Eguzkibegi Ikastolak 50 urte hauetan izan duen hazkundea nabaria da: gaur egun 700 ikasle inguru eta 55 irakasle ditu. Eskualde osoko ikasleak datoz Eguzkibegira, besteak beste, Arrigorriagatik, Basauritik, Etxebarritik, Larrabetzutik edota Usansolotik.
Hezkuntza proiektuari dagokionez, denboraren gorabeheretara egokitzen joan da, kalitatea hobetzeko bidean. Zentzu horretan, 2009an Ibilaldia antolatu zuen Eguzkibegik ‘Gerizpetik Eguzkibegire’ lemapean.
Gaur egun Urtxintxa, Txanela eta Eki metodologiekin lan egiten dute (Ikastolen Elkartea).
Euskara ardatz nagusia izanik, hizkuntza aniztasuna eskaintzen du Eguzkibegik: Ingelesa 4 urtetik aurrera eta frantsesa Derrigorrezko Bigarren Hezkuntzan.
Aniztasuna eta parte-hartzea
Eguzkibegi ikastolak baloreetan oinarritutako hezkuntza bultzatzen du, aniztasuna errespetatuz eta hezkuntza komunitate osoaren parte hartzea bultzatuz.
Esate baterako, KiVa proiektua sartuko du aurten ikastolak. Finlandiatik datorren proiektua da, bullinga ekiditeko eta elkarbizitza bultzatzeko.
Era berean, badira urteak Eguzkibegi Ikastola Agenda 21 programan sartuta dagoela, ikastolaren kalitate eta jasangarritasunerako. Ikastolak erabiltzen duen energia elektrikoaren %98 energia berriztagarrietatik dator.
50. urteurrena
Zabaleako txaletean eman zituzten urratsak oroitzeko jaia antolatu zuen urtarrilean Ikastolak Torrezabal Kultur Etxean. Bertan izan ziren, besteak beste, Koldo Tellitu Ikastolen Elkarteko ordezkaria, Gotzon Barandiaran kulturgilea, Arkaitz Estiballes bertsolaria, Ibon Uribe Galdakaoko alkatea, ikastolako irakale zein ikasle ohiak eta etorkizuneko ikasleak.
Frankismoaren sasoi ilunetan sortutako ikastolak osasuntsu aurrera darrai. Urteen poderioz, Eguzkibegiak gailendu dira. Gailendu da argitasuna.
Galdakaoko jaietan proba berriak antolatu dituzte. Horietako bat da Errelebo lasterketa, Errotuk antolatu duena. Txapeldun izan da Txantxa Gutxi kuadrilla, bigarren Antzeko, hirugarren Weekandugu eta laugarren Lonjelvi.
☉ Galdakao
Bideoa / Oilasko ala haragizko hanburgesa? Edo beganoa akaso? Inkesta egin dugu Galdakaoko jaietan!
Hanburgesa txapelketa izan zen atzo, irailak 17, Galdakaoko jaietan. Patakonek antolatzen du lehiaketa eta aurten 60 kuadrilla aurkeztu direla zehaztu digute: “Partaidetza handia izan dugu aurten ere!”, dio Beñat Elias Patakoneko kideak. Epaileek “100 hanburgesa baino gehiago” dastatu dituztela esan digu Maite Uribarri Patakoneko kideak.
Atzokoan ere GEURIA mikroa eskuan atera zen Santakurtzetara! Hanburgesa haragizkoa ala oilaskokoa? Akaso beganoa? Eta hanburgesa laguntzeko zein da aukerarik onena: patatak ala natxoak?
Beñat eta Maite (Patakon), Gorka (Elkarlaguntza Sarea), Asier eta Kristian (Antrotarrak), Eñaut (Bost Axola) eta Oier (Sukherrak Zauk) galdakoztarrek erantzun dute gure galdetegia!
Talentu Txapelketa antolatzen du Zizpa Gazte Konpartsak Galdakaoko jaietan. Aurten txapeldun izan da Gusak kuadrilla magia ikuskizun batekin, bigarren Bertan Kaldo kuadrilla sailkatu da eta hirugarren Dekantzekoz. Laugarren Sukuzu izan da eta bosgarren Piperrak.
☉ Galdakao
Bideoa / Mari Carmen Alvarez: “Gorantza Futbol Taldeak nire garapen pertsonalean lagundu zidan”
Atzo, irailak 16, omenaldia jaso zuten Galdakaoko Gorantza Futbol Taldeko emakumeek: duela 57 urte, 1967ko irailean, Galdakaoko emakumeen lehen futbol taldea eratu zuten.
1967tik 1972ra bitartean Gorantza Futbol Taldeko emakume aitzindari hauek omendu zituzten: Eguzkiñe Loroño, Pili Moreno, Blanqui Goiri, Emili Suarez, Amaia Garay, Eguzkiñe Garay, Rosario Etxabe, Maribel Saratxaga, Marieli Aurtenetxe, Maria Angeles Yarritu, Henar Yarritu, Maria Jesus Urgoiti, Belen Urgoiti, Virginia Gonzalez Ramos, Mari Carmen Alvarez eta Maria Pilar Torres jokalariak, Miguel Caballero entrenatzailea, eta Koldo Tutor eta Arturo Maza laguntzaileak.
Omenaldia jaso aurretik Mari Carmen Alvarez jokalari ohiarekin berba egiteko aukera izan genuen GEURIAn: “Oso pozik gogoratzen ditut Gorantza Futbol Taldeko garaiak. Nire garapen pertsonalean asko lagundu zidan taldeko parte izateak”, adierazi digu Mari Carmenek. 1968tik 1972ra bitartean jokatu zuen Mari Carmenek Gorantzan.
Omenaldiko argazkiak ere publikatu ditugu geuria.eus webgunean. Hemen argazki galeria.
Duela 57 urte, 1967ko irailean, aitzindari izan ziren Galdakaoko zenbait emakume: herriko emakumeen lehen futbol taldea sortu zuten, Gorantza Futbol Taldea.
Gaur, ia sei hamarkada ostean, omenaldia egin diete Galdakaoko Udalak eta Galdakao Futbol Klubak Santa Barbara futbol zelaian.
Honakoak izango dira omenduak: Eguzkiñe Loroño, Pili Moreno, Blanqui Goiri, Emili Suarez, Amaia Garay, Eguzkiñe Garay, Rosario Etxabe, Maribel Saratxaga, Marieli Aurtenetxe, Maria Angeles Yarritu, Henar Yarritu, Maria Jesus Urgoiti, Belen Urgoiti, Virginia Gonzalez Ramos, Mari Carmen Alvarez eta Maria Pilar Torres jokalariak, Miguel Caballero entrenatzailea, eta Koldo Tutor eta Arturo Maza laguntzaileak.
Omenaldia eta gero, Galdakao Futbol Taldeko eta Athleticeko jokalari ohiek partida jokatu dute.
Argazkiak / Txantxa Gutxi kuadrillak irabazi du Errelebo lasterketa Galdakaoko jaietan
Bideoa / “ETSk entzun du Usansolok zer nahi duen, eta jarraituko dugu geltokia erdigunean aldarrikatzen”
Arrigorriagak 229.000 euro bideratuko ditu Ollargan eta Haurreskolako haur-parkeak berritzeko
Argazkiak / Txantxa Gutxi kuadrillak irabazi du Errelebo lasterketa Galdakaoko jaietan
Argazkiak / Gusak da Galdakaoko jaietan talentu gehien duen kuadrilla
Argazkiak / Galdakaoko Gorantza Futbol Taldeko emakume aitzindariei omenaldia
Bideoa / “ETSk entzun du Usansolok zer nahi duen, eta jarraituko dugu geltokia erdigunean aldarrikatzen”
Bideoa / El Casoplón filmak 20 auto aparkaleku baino gehiago kenduko ditu Basauriko Pozokoetxen, bi egunez
