☉ Galdakao
[SANTAKURTZAK 2015] Hamar egun aurretik Galdakaoko jaietaz gozatzeko
Irailaren 11n hasiko dira Galdakaoko Santakurtze jaiak eta hilaren 20ra arte luzatuko dira. Ez dira faltako herritarren arteko txapelketak, umeentzako parkeak eta musika kontzertuak.
GALDAKAOKO JAIAK 2015 – EGITARAUA
IRAILAK 11, OSTIRALA
19:00 Jaietako desfilea
20:00 Pregoia eta txupinazoa
20:30 Diskofesta: Oihan Vega. Kurtzeko plaza
21:00 Kale-animazioa: Batukale. Santi Brouard plazan
22:00 Triziklo lasterketa, Kurtzeko frontoian
22:00 Karaoke ibiltaria, Mugaburuko landatik
22:00 Kale-animazioa: Gibelurdinek. Santi Brouard plazan
23:30 Tributuak: BRIBRIBLIBLI (Extremoduro) + LOS PLATERO (Platero y tu). Ardanza lehendakariaren plazan
IRAILAK 12, LARUNBATA
09:00-20:00 Tenis eta Padel lehiaketak, Zugatzuko pistetan
10:00 XII. Paella txapelketa, Plazakoetxeko parkean. Euria eginez gero, Zabaleako parkean
10:00 XXXIX. Santa Kurtze Txirrindularitza Saria
12:00 Tailerrak familian, Lapurdi aparkalekuan
12:00 Jantzi birziklatuen txapelketa, Santi Brouard plazan
12:00 Ume eta gazteentzako parkea eta ludoteka, Urreta parkean
12:30 Pailazoak, Kurtzeko plazan
13:00 Txistulariak
16:00 Sokatira txapelketa, Santi Brouard plazan. Euria eginez gero, Gandasegin
16:00 Emakumezkoen Areto-futbol txapelketa triangularra, Urreta kiroldegian
17:00 V. Hiru Jauzia txapelketa, Santi Brouard plazan. Euria eginez gero, Gandasegin
17:00 Ohe lasterketa, Juan Bautista Uriarte kalean
17:00 Aurpegi margoketa, Gandasegin
17:00 Ume eta gazteentzako parkea eta ludoteka, Urreta parkean
18:00 XXXVI. Santa Kurtze Halterofilia garaikurra, Santi Brouard plazan. Euria bada, Gandasegin
18:00 Gizonezko seniorren Areto-futbol txapelketa triangularra, Urreta kiroldegian
18:00 Petanka txapelketa, Mugaburuko landan
18:30 Umeentzako antzerki musikala: “Tribu TB”. Lapurdiko aparkalekuan
18:30 Tiragoma txapelketa, Iturriondo plazan
19:00 Kale antzerkia: “Don’t disturb”. Berezikoetxeko plazan
19:00 Gaiteroak eta Adiskideak fanfarrea
20:00 Kantaldia: Euskal kantak. Kurtzeko plazan
20:30 Elektrotxaranga, Iturriondo plazatik
21:30 Flan-jana txapelketa, Kurtzea frontoian
23:00 Kontzertuak: Sakatu (Galdakao) + El Reno Renardo. Ardanza lehendakariaren parkean
23:30 Orquesta Colors, Lapurdiko aparkalekuan
IRAILAK 13, IGANDEA
09:00-20:00 Tenis eta Padel txapelketak, Zugatzuko pistetan
09:00 Gangurenera I. igoera, Santi Brouard plazatik
10:30 XIII. Mozoilo Eskupilota txapelketa, Kurtzea frontoian
11:30 Egurrezko jokoak familian, Kurtzeko plazan
11:30 Abentura parkea, Lapurdiko aparkalekuan
12:00 Umeentzako puzgarriak, Urreta parkean
12:30 Kale-animazioa: Triki-Piu-Pand eta Batukale
12:30 Areto-dantza txapelketa, Santi Brouard plazan. Euria bada, Ardanza lehendakariaren parkeko agertokian
13:00 Txistulariak
17:00 Puzgarriak, Urreta parkean
17:30 Goitibehera lasterketa, Ergoienetik Bengoetxera
17:30 Abentura parkea, Lapurdiko aparkalekuan
18:00 IV. Txapel jaurtiketa lehiaketa, Kurtzea frontoian
18:00 Adiskideak fanfarrea
19:00 Bertso-jaialdia: Maialen Lujanbio, Andoni Egaña, Igor Elortza, Angel Mari Peñagarikano. Gai-jartzailea: Arkaitz Estiballes. Kurtzeko plaza
19:00 Gaiteroak
19:30 Buruhandiak, Mugaburuko landan
19:30 Kale animazioa: Marmara Marching Band. Santi Brouard plazatik
20:00 Pencack Silat erakusketaldia (Indonesia), Kurtzea frontoian
20:30 VII. Playback txapelketa, Ardanza lehendakariaren parkean
IRAILAK 14, ASTELEHENA. SANTA KURTZE EGUNA
10:00 Erakusketa: Konposta. Sanrti Brouard plazan
10:30 Galdakaoko Musika Banda eta Txistulariak, Plazakoetxetik Kurtzeko plazara
11:30 Meza Nagusia, Santa Maria Elizan
12:00 Haur parkea, Lapurdiko aparkalekuan
12:30 Bizkaiko Sokadantza, Zabaleako plazan
13:00 Kontzertua: Galdakaoko Musika Banda eta Txistulariak, Kurtzeko plazan
17:00 Haur parkea
17:00 Txikitenis partiduak, Urreta eskolan
17:30 Tortila txapelketa, Etxaburu kalean
18:00 Gaztechef txapelketa, Plazakoetxe parkean
18:30 XXI. Pilota partiduak, Kurtzea frontoian
19:00 Umeentzako dantzaldia: Dantza saltsa. Urreta parkean
19:00 Gaiteroak
19:30 Buruhandiak, Mugaburuko landan
19:30 Musika-zirkuitua: Oihu. Hamaiketako tabernan
20:00 Dantza alardea, Kurtzeko plazan
20:30 Kale antzerkia: “Les tambours de feu” (Deabru Beltzak). Hasiera: Agirre lehendakariaren plaza
21:00 Musika-zirkuitua: Aneika Ara, Urkin
22:30 Musika-zirkuitua: Ke Grand Band. Oñarten
IRAILAK 15, ASTEARTEA
11:00 Betiko jokoen olinpiadak adinekoentzat, Kurtzeko plazan
17:00 Umeentzako tailerrrak, Lapurdiko aparkalekuan
17:00 Umeentzako ludoteka, Berezikoetxeko plazan
17:00 Bolei-3 topaketa, Mugaburuko landan. Euria bada, Urreta kiroldegian
17:30 Txirrista, Ardanza lehendakariaren parkean
18:00 Areto-dantzen tailerra umeentzat, Santi Brouard plazan. Euria bada, Ardanza Lehendakariaren agertokian
18:30 Pilota partiduak XIV. Vusa txapelketa, Kurtzea frontoian
19:00 Bilbainadak: Los 5 bilbainos. Kurtzeko plazan
19:00 Gazte jinkana, Lapurdiko aparkalekuan
19:00 Gaiteroak, Maximo Moreno Musika Eskolako txistu eta trikitixa ikasleak eta Txistulariak
19:30 Buruhandiak
20:30 Trikitilariak
IRAILAK 16, ASTEAZKENA
17:00 Rol, estrategia eta simulazio jokoak, Gandasegin
17:00 Tenis sakeen abiadura txapelketa, Zugatzuko tenis-pistan
17:00 Kukaina, Elexaldeko igerilekuan
17:00 Betiko Olgetak, Kurtzea frontoian
17:30 Taloginen, Mugaburuko landan
18:30 Txitxarrilloa: Orquesta Palmeras. Kurtzeko plazan
18:30 XXI. Pilota partiduak, Kurtzea frontoian
19:00 Igeriketa, Urreta kiroldegian
19:00 Zumba festa, Ardanza Lehendakariaren parkean
19:00 Magia antzerkia, Santi Brouard plazan
19:00 Gaiteroak, Maximo Moreno Musika Eskolako txistu ikasleak eta Txistulariak
20:00 Areto-futbol partiduak: Kabiezeseko Goiztiri-Peña Kalimotxo (emakumezkoak) eta Bilboko Botxo Gizon-Peña Kalimotxo (gizonezkoak). Urreta kiroldegian
20:30 Trikitilariak
21:00 Musika-zirkuitua: Jonu kantautorea, Gure-tokin.
IRAILAK 17, OSTEGUNA
14:00 Adinekoen jaia, Kurtzeko plazan
15:30 Orkestra Dantza Alai, Kurtzeko plazan
16:00 Eskubaloi punteria txapelketa, Urreta kiroldegian
17:30 Goitibehera lasterketa (10-16 urte), Ardanza Lehendakariaren parkean
17:30 Txiki-martxa eta jokoak bizikletaz, Kurtzeko plazatik Zugatzu ingurura
18:00 Motor txikien lasterketa umeentzat eta txokolatada, Iturriondo plazan. Euria bada, Gandasegin
18:00 Sukaldaritza tailerra umeentzat, Lapurdiko aparkalekuan
18:30 Pilota partiduak XIV. Vusa txapelketa, Kurtzea frontoian
19:00 Gaiteroak, Maximo Moreno Musika Eskolako trikitixa ikasleak eta Txistulariak
19:00 Berbalagun topaketa, Iturriondo plazan
19:00 Kale antzerkia: “I like… peanut” (Italia), Santi Brouard plazan
19:30 Buruhandiak, Mugaburuko landan
19:30 Afari-merienda, Iturriondo plazan
20:00 Euskal mendizaletasunari omenaldia: Alex Txikon. Torrezabal Kultur Etxean
20:30 Trikitilariak
IRAILAK 18, OSTIRALA
17:00 Rol, estrategia eta simulazio jokoak, Gandasegin
17:00 Umeentzako ludoteka, Urreta parkean
18:00 Futbolin txapelketa, Gipuzkoa kalean. Euria bada, Euskadi kalean
18:00 Argazki maratoia, Iturriondo plazatik
18:00 Umeentzako antzerkia: “Trotamundis”. Santi Brouard plazan
18:30 Serigrafia tailerra (Ekarri zure kamiseta!): Euskaraz bizi gura dot! Lapurdiko aparkalekuan
18:30 Abesbatzen kontzertuak: Danok Aurrera (Bengoetxe), Gure Etxea (Usansolo), Maximo Moreno (Urreta). Kurtzeko plazan
18:30 XXI. Pilota partiduak, Kurtzea frontoian
19:00 Gaiteroak, Maximo Moreno Musika Eskolako txistu eta batukada ikasleak eta Txistulariak
19:00-22:00 Mozorroak: Mexikanadak eta Gora Zapata! Rigor Mortis txosna (Iturriondo plaza)
20:30 Zezensuzkoa
20:30 Mariatxiak, Santi Brouard plazatik Iturriondo plazara
22:00 DJ Bull, Iturriondo plazan
22:00 Karaoke ibiltaria, Santi Brouard plazatik
22:30 XVI. Galtzontzilo eta kulero lasterketa, Lapurdiko aparkalekuan
23:00 Kontzertuak: The Luar Carrey Band (Galdakao) eta Porco Bravo. Ardanza Lehendakariaren parkean
23:30 Jai mexikarra eta dantzaldia: Play taldea. Kurtzeko plaza
IRAILAK 19, LARUNBATA
09:00-20:00 Tenis eta Padel txapelketak, Zugatzuko pistetan
11:00 Galdakaoko txistulari, trikitilari, gaitero eta albokariak
11:30 Gozo prijiduen txapelketa, Santi Brouard plazan
12:00 Puzgarriak, Lapurdiko aparkalekuan
12:00 Adiskideak fanfarrea
13:30 Larrain dantza, Iturriondo plazan
15:00 Herri bazkaria: jantzi tradizionalen txapelketa, bertsolariak (Arkaitz Estiballes eta Etxahun Lekue), erromeria. Kurtzeko plazan
17:00 Puzgarriak
18:00 Koru eta dantza alardea, Torrezabal Kultur Etxean
18:30 Pilota partiduak XIV. Vusa txapelketa, Kurtzea frontoian
19:00 Gaiteroak
19:00 Kale antzerkia: “Bambalas”. Berezikoetxeko plazan
21:00 Areto-dantzen erakusketaldia, Urrte kiroldegian
23:00 Kontzertuak: Black Star (Galdakao) + Gatibu. Ardanza Lehendakariaren parkean
Ondoren erromeria: Oxabi
23:30 Dantzaldia: Akerbeltz. Kurtzeko plazan
00:00-03:00 Alkoholaren gehiegizko kontsumoaren prebentziorako eta alkoholemia-tasa neurtzeko karpa + Arriskuak gutxitzeko eta substantziak aztertzeko karpa. Iturriondo plazan
IRAILAK 20, IGANDEA
09:00-14:00 Tenis eta Padel txapelketak, Zugatzuko pistetan
10:30 XIII. Mozoilo eskupilota txapelketaren finalak, Kurtzea frontoian
12:00 Puzgarriak, Berezikoetxeko plazan
12:00 Umeentzako jokoak: Herriko kirolak. Lapurdiko aparkalekuan
12:00 Erraldoien eta buruhandien desfilea, Kurtzeko plazan
12:00 Adiskideak fanfarrea
13:00 Jotask: Voces de Navarra. Kurtzeko plazan
17:00 Puzgarriak, Berezikoetxeko plazan
18:00 XI. Taekwondo lehiaketa, Kurtzea frontoian
18:00 Herri kirolak, Kurtzeko plazan
18:00 Txitxarrilloa: Trio Nectar. Ardanza Lehendakariaren parkean
18:00 Magia: “Magia eta dibertsioa”. Santi Brouard plazan. Euria bada, Lapurdiko aparkalekuan
18:30 Gatiroak eta Triki Piu fanfarrea
21:00 Azken biribilketa: “Da Capo” Musika Banda. Kurtzeko plazan
☉ Galdakao
Galdakaon ondutako ‘Bi baso bat ur’ antzezlana estreinatuko dute ostegunean Torrezabal Kultur Etxean
Otsailaren 19an izango da estreinaldia Torrezabalen. Ondoren, Euskal Herri osotik bira egingo dute
Metrokoadroka Kolektiboa Galdakaon eta Torrezabalen bertan ontzen aritu den ‘Bi baso bat ur’ antzezlana estreinatuko dute otsailaren 19an, ostegunez, Torrezabal Kultur Etxean (19:00).
Sarrerak salgai daude 6 euroan. ‘Geuretik Sortuak’ programari esker garatu dute antzezlana Galdakaon.
Torrezabaleko estreinaldiaz gero, bira egingo dute Euskal Herri osoan zehar.
Urtarrilean Torrezabaleko programazioa aurkeztu zuen Galdakaoko Udalak, eta aurkezpenean Edurne Azkarate antzezlanaren zuzendaria eta Oier Guillan antzerkigilea izan ziren. GEURIAn azaldu zituzten antzezlanaren nondik norakoak:
☉ Galdakao
Kickboxing topaketa izango da bihar Galdakaoko Urreta kiroldegian
Amauteur mailako eta maila profesionaleko borrokalariak izango dira biharko topaketan. Sarrerak salgai daude 25 eta 50 euro artean
Euskal Herriko eta nazioarteko borrokalari onenetakoak bilduko dira bihar, otsailak 14, Galdakaon: Kickboxing topaketa izango da Urreta kiroldegian.
Borrokaldiak 17:00etan hasiko dira: ekitaldia amateur mailako saioekin hasiko da. Guztira 10 borroka izango dira, hiru roundera, bakoitza bi minutuko iraupenarekin. Kategoria honetan, parte hartzaileek babes ofizialak erabiliko dituzte: zango babesa, kaskoa, eskularruak eta aho babesa.
Ondoren, 20:00etan borroka profesionalen txanda izango da. Kasu honetan, 6 borroka izango dira, hiru roundera, bakoitza hiru minutukoa. Borrokalariek ez dute babesik erabiliko borroka horietan.
Sarrerak salgai daude 25 eta 50 urte bitartean MFC Championship webgunean, Etxebarriko Elite gimnasioan eta Urreta kiroldegiko leihatilan.
☉ Galdakao
Galdakaoko auzoak hobetzen jarraitzeko eta proposamen berriak definitzeko bilerak deitu ditu Udalak
‘Auzotik Galdakao’ proiektuaren barruan sei bilera ireki deitu ditu Udalak, proposamenak egokitzeko, lehentasunak definitzeko eta neurri berriak erabakitzeko
Auzoetan egindako aurrerakuntzak aztertzeko eta hobekuntza proposamen berriak definitzeko ‘Auzotik Galdakao’ proiektuaren barruan sei bilera ireki deitu ditu Udalak.
Eremuka banatuta, egun hauetan izango dira bilerak: Upomendi, Zuhatzu, Bengoetxe, Troka eta Ergoien eremuko (laugarren eremua) kontseilua otsailaren 12an batuko da 18:30ean Ostalaritza Eskolan; Aperribai, Olabarrieta, Txistulanda eta Jugu auzoetako (lehenengo eremua) bilera otsailaren 17an 18:30ean izango da Olabarrietako pertsona nagusien lokalean; Urreta, Urtebieta, Tximelarre Goikoa eta Zuhatzaurre auzoetako (bigarren eremua) bilera otsailaren 18an 18:00etan izango da Urreta 2ko areto nagusian; Berezikoetxe eta Zabalea auzoetako (seigarren eremua) kontseilua otsailaren 19an bilduko da 18:30ean udaletxean; Galdakaoko landa eremua (hirugarren eremua) otsailaren 25an 18:30ean udaletxean; eta Zabalgane, Kurtzea eta Tximelarre Bekoa auzoetako (bosgarren eremua) bilera martxoaren 4an 18:30ean izango da udaletxean.
“Bilerak proposamenak egokitzeko, proiektuen lehentasuna definitzeko eta auzo bakoitzean beharrezkoak diren neurriak modu zehatz eta adostuetan erabakitzeko balioko dute. Bertan, herritarrak, gizarte eragileak eta udal teknikariak eta politikariak elkarlanean arituko dira, Galdakao herri parte hartzaileagoa eta konektatuagoa izan dadin”, diote udal ordezkariek.
Bilerak publikoak dira, baina bertaratzeko interesa dutenek abisua eman behar dute 688 830 479 telefono zenbakira deituz edo partaidetza@galdakao.eus helbide elektronikora idatziz.
Auzoen garapen integrala eta orekatua
Auzoen garapen integral eta orekatua sustatzeko asmoz, ‘Auzotik Galdakao’ dinamika jarri zuen martxan Udalak 2023an.
Dinamikarekin hasteko bi eremu hartu zituzten udal ordezkariek: alde batetik, Agirre, Aperribai, Azpuru, Olabarrieta, Txistulanda, Aperribai Zaharra eta Jugo (lehenengo eremua); eta bestetik, Tximelarre Goikoa, Urtebieta, Zuatzaurre eta Urreta (bigarren eremua).
Eta, horien ostean, herri osora zabaldu zuen dinamika Udalak, hirugarren, laugarren, bosgarren eta seigarren eremuak gehituz.
“Une honetan, eremu guztiak estrategiaren ezarpen eta garapen fasean daude: lehenengo eta bigarren eremuak 2023ko martxoan hasi ziren lanean, eta hirugarren, laugarren, bosgarren eta seigarren eremuak, berriz, 2024ko otsailean. Kontseiluak eratu zirenetik jarduera desberdinak egin dituzte etengabean, eta orain proposamen horiek gauzatzeko bidean daude”, diote udal arduradunek.
Auzotik Galdakao proiektuaren bidez, Udalak auzo bizidun eta parte hartzaileagoekin duen konpromisoa berresten du, herritarren eta administrazioaren arteko elkarlana indartuz eta horrela herri osoan bizi kalitatea hobetuz.
☉ Galdakao
Galdakaoko auzoetan hobekuntzak “etengabeak” direla esan du gobernu taldeak, PSEren kritikei erantzuna emanez
“Gobernuaren kuadeaketaren irudi ezkorra marraztu nahi dute eta uste dugu hori ez dela errealitateak islatzen duena”, esan dute EH Bildu, Auzoak eta UHko ordezkariek
Galdakaoko PSEk gobernu taldearen “utzikeria eta paralisia” salatu zituen otsaila hasieran. Era berean, EH Bildu eta Auzoak udaltalde”ek —Usansolo Herria ere gobernu taldearen parte da, baina ez dute euren oharrean aipatu— “auzoen errealitateari buruzko eztabaida politikoari izkin egitea” kritikatu zuten.
GEURIA gobernu taldearekin harremanetan jarri da eta adierazi dute: “Udalaren dinamika osasuntsu baterako legitimoa den oposizio-lan baten barruan kokatzen ditugu oposizioaren komunikazioak. Hala ere, gobernuaren kudeaketaren irudi ezkorra marraztu nahi dute eta uste dugu hori ez dela errealitateak islatzen duena, marketing politikoari erantzuten dion estrategia baizik”.
Zentzu horretan, auzoetan eta erdigunean hobekuntza lanak “etengabeak” direla adierazi dute. Eta, adibideak eman dituzte: “Zuhatzuko zubia eta Txomin Egileor, kiroldegiko handitze lanak, Aperribaiko laugarren igogailua, asfaltatuak eta argiak Jugun”.
“Aldi berean, obrak kontratatzeko prozesuak ditugu jomugan, ahal bezain laster hasteko: Emakumeen etxea, Haurreskola, Errekaldeko eta Elexaldeko saneamendua berrizteko obrak”, gaineratu dute.
Eta, auzo desberdinetako irisgarritasuna hobetzeko igogailuen azterketa geoteknikoak kontratatuta dituztela, eta Berezikoetxen lurazpiko aparkalekua eraikitzeko proiektuarekin aurrera jarraitzen dutela adierazi dute gobernu taldetik. “Hori ez da paralisiaren argazkia”, diote.
“Elkarlanerako prest”
Gobernu taldetik esan dute oposizioaren ekarpenak jasotzen prest egon direla eta badaudela: “2026ko aurrekontuak negoziatzeko aukerak eskaini genizkien, birritan prozesuan zehar, eta ez genuen inolako erantzunik jaso”, diote.
“Hori zen proposamenak egiteko momentua, Bengoetxeko parkea eta Zabalganeko aparkalekua hobetzeko aukera aztertzeko, adibidez; baina PSEk nahiago izan zuen kanpora begirako komunikazio lana egin, gobernuarekin elkarlana egin baino”, diote.
2021etik 2025era oposizioaren 23 emendakin onartu dituztela azaldu dute gobernu taldetik: “Haien balioa 1.5 milioi eurokoa izan da”. “Gaur egun, eginda edo egiten ari dira 18 emendakin, balio osoaren % 81,4. Honek esan nahi du arduraz eta errespetuz hartzen ditugula oposizioaren emendakinak”, esan dute.
“EH Bildu, Auzoak eta UH taldeek osatzen dugun gobernu taldeak elkarlanerako prest jarraitzen du; udaletxe barruan eta udal kudeaketak markatzen duen uneetan lan egiteko prest”, diote.
☉ Galdakao
Playback txapelketa, Herri Kirol “bereziak” eta gazte afaria antolatu ditu Zizpak Galdakaoko inauterietan
Galdakaoko kuadrillak eta gazteak animatzeko programa berezia antolatu du Zizpa Gazte Konpartsak, Gazte Berpizturen eta Udalaren babesarekin
Inauteriak ospatuko dituzte Galdakaon otsailaren 13tik 18ra. Herriko elkarteek Udalarekin elkarlanean hamaika ekintza antolatu dituzte [egitaraua osorik hemen!].
Besteak beste, herriko kuadrillak eta gazteak animatzeko programa berezia antolatu du Zizpa Gazte Konpartsak ostailaren 14an, larunbatez, Gazte Berpizturen eta Udalaren babesarekin. Aurtengo gaia izango da talde kirolak.
Herri Kirolen probak, kalejira-poteoa, gazte eta helduen playback lehiaketa, gazte afaria eta DJ emanaldiak prestatu dituzte.
Egitaraua | Zizpainauteriak 2026
Otsailak 14, larunbata
12:00 Herri Kirol bereziak Santi Brouard plazan, Gazte Berpiztu proiektuko kideekin batera.
– Izena ematea 11:45ean edo 688 680 840 telefono zenbakira idatzi
13:30 Perejilek Folklore Taldea: kalejira eta poteoa Santi Brouard plazatik
18:00 Gazte eta helduen Playback lehiaketa Kurtzeko plazan.
– Izena ematea egunean bertan
21:00 Gazte afaria Kurtzeko plazan
– Txartelak salgai Zurrut eta Oñarte tabernetan: 6 euro (soldata gabeak) / 8 euro (soldatapekoak)
– Elikadura beharrizanak izatekotan idatzi: zizpagaztekonpartsa@gmail.com
23:30 DJ Gork + DJ Desi eta Presi Kurtzeko plazan
’80. Hamarkada’ izango da Abusuko inauterien gaia aurten
Galdakaon ondutako ‘Bi baso bat ur’ antzezlana estreinatuko dute ostegunean Torrezabal Kultur Etxean
Lau gizon atxilotu dituzte Basauriko metalurgia enpresa batean lapurreta egiteagatik
Argazkiak | Euriak ez ditu Arrigorriagako herri-inauteriak geldiarazi
Argazkiak | Lau urtaroak, Oilategi Deluxe eta Txorimaloak izan dira mozorrorik onenak Basaurin
