Galdakaoko Zaletuen Antzerki Erakusketaren bederatzigarren edizioa burutuko da maiatzaren 26tik ekainaren 5era bitartean Torrezabal Kultur Etxean, arte eszenikoen zirkuitu profesionaletik kanpo dauden taldeei ekintza-programa bat eskaintzeko helburuarekin. Aurtengo erakusketak xede solidarioa izango du: Angelman sindromearen aldeko elkartearentzat dirua bilduko da.
Sei antzerki-taldek parte hartuko dute bederatzigarren edizio honetan: Alborada Berri, Luna Llena, Kalerki Antzerki Taldea, Aztiak, Izarra eta EPA Galdakao.
Antzezpen guztiak 19:30ean izango dira. Sarreren prezioa 3 eurokoa izango da publiko orokorrarentzat eta 2,5 euro Torrezabaleko bazkideentzat eta hamar pertsona edo gehiagoko taldeentzat. Luna Llena taldeak antzeztuko duen obrak 4 eta 3 euroko prezioa izango du.
