Padura barrutiako EAJren alkategaien eta ordezkarien arteko topaketa egin dute gaur goizean Galdakaon, Ardanza parkean. Ainhoa Agirregoikoa (Galdakao), Alberto Ruiz de Azua (Arrigorriaga), Asier Iragorri (Basauri), Eneko Lekue (Etxebarri), Ekaitz Mentxaka (Ugao), Karlos Idirin (Zeberio) eta Iker Santocildes (Orduña) alderdi jeltzaleko alkategaiak izan dira ekitaldian. Zaratamoren kasuan oraindik ez dute hautagaitza aukeratzeko barne prozesua amaitu, ezta Arakaldon, Arrankudiagan eta Orozkon ere.
