☉ Hego Uribe
Hego Uribeko langabezia tasak 45 urtetik gorako emakumeei eragiten die bereziki
Hego Uribeko langabezia datuek hainbat irakurketa uzten dituzte, eta horien artean bi nabarmendu daitezke; zerbitzuen sektoreak industriaren aldean hartu duen pisua, eta 45 urtetik gorako emakumeengan langabeziak gogor astintzen duela
2023an GEURIAri emandako elkarrizketa batean, Xabier Aierdi Urraza soziologo zeberioztarrak zera zioen Hego Uribeko eskualdeaz eta bere lan esparruaz: “Eskualdeko industria berria zaintza da gaur egun, feminizazioaren ondorioz”.
Immigrazioa zen elkarrizketa horren gai nagusia, baina titular horretan Hego Uriben eta baita Bizkaiko beste hainbat eskualdetan eman den fenomeno baten berri ematen digu, hamarkadak joan eta hamarkadak etorri gero eta nabariagoa dena: industriaren eta metalurgiaren garrantziaren apaltzea, zerbitzuen mesedetan.
Zentzu horretan, Hego Uribeko herrien egoera bere horretan alderatzeak ez dauka zentzu handirik, Basauriren eta Zaratamoren errealitatea, kasurako, oso ezberdina delako. Hala ere, eta bata eskualdeko herririk handiena den heinean, industria eta fabrika nagusiak biltzen dituena, gainera, bertan edo Galdakaon gertatzen denak eragin zuzena izango du inguruko herrietako langabezia tasan.
Egia da baita, orain dela mende erdiko errealitatearekin alderatuta, mugikortasuna askoz handiagoa dela egun, azpiegituren eta garrai publikoaren hobetzearen ondorioz, eta horren ondorioz etxetik urrunago lan egitea ohikoa bilakatu da langile askorentzat.
Langabezia datuen azterketa
Eskualdeko langabezia-tasak aldakorrak izan dira azken urteetan, eta udalerri bakoitzak bere berezitasunak ditu. Hala ere, badago azpimarragarria den datu bat, herri handi guztietan errepikatzen dena: sektoreka aztertuz gero, zerbitzuen sektorean ematen da langabezia tasa altuena.
Ez hori bakarrik, 45 urtetik gorako emakumeen taldeak langabezia horren ehuneko esanguratsu bat pilatzen du. Basauriren kasuan, 2.384 langabeetatik, 1.619 zerbitzu sektorekoak dira, eta horien artean 787 45 urtetik gorako emakumeak.
Deigarriak dira baita Galdakaoren datuak, non 1.239 langabetuetatik 928 zerbitzuen sektorekoak dira, eta 417, aurrekoetan bezala, emakumea eta 45 urtetik gorakoa.
Arrigorriagan, kasurako, 620 langabetu zituen 2024ko bukaeran, horietatik 195 aipaturiko talde horretakoak, emakumenak eta 45 urtetik gorakoak.
Etxebarrin, 524 langabe, zerbitzuen sektorean 364, eta 45 urtetik gorako emakumeak 203. Ugaon, 203 langabe, zerbitzuen sektorean 143, 45 urtetik gorako emakumeak 66.
Bukatzeko, herri txikienetan ere datuak antzekoak dira, antzeko portzentaiekin: Zeberion 40 langabe, 23 zerbitzuen sektorean, 45 urtetik gorako emakumeak 14. Zaratamon, 85 langabe, 53 zerbitzuen sektorean, 45 urtetik gorako emakumeak 24.
Industria eta Zerbitzuen sektorea
Historikoki, Hego Uribe eskualdea industria-sektorearekin estu lotuta egon da, batez ere metalurgia eta manufaktura arloetan. Hala ere, desindustrializazio prozesuek eta globalizazioak sektore horien gainbehera ekarri dute, eta horrek eragin zuzena izan du enpleguan. Ondorioz, zerbitzuen sektoreak garrantzi handiagoa hartu du, merkataritza, ostalaritza eta bestelako zerbitzu profesionaletan oinarrituz.
Demografia eta enplegua
Eskualdeko biztanleriaren adin-piramideak ere eragina du enpleguaren bilakaeran. Adibidez, 2021ean Eustatek emandako datuen arabera, Hego Uribeko zazpi herrietan 20 urtetik beherakoek populazioaren % 17 baino ez dute osatzen, 20 eta 59 urte bitartekoek % 61, eta 60 urtetik gorakoek % 32.
Biztanleriaren zahartzeak lan-merkatuan parte hartzen duten pertsonen kopurua murriztu dezake, eta horrek eragina izan dezake langabezia-tasan. Herri txikienetan kezka handia izaten da populazioaren zahartzearena, ez bakarrik langabeziari begira, baizik eta herriaren beraren etorkizunari erreparatuz gero ere.
Erronkak eta aukerak
Hego Uribe eskualdeak hainbat erronka ditu etorkizunari begira. Lehenik eta behin, beharrezkoa da enplegu-politika aktiboak garatzea, langabeziari aurre egiteko eta lan-merkatuan sartzeko zailtasunak dituzten taldeei laguntzeko. Bigarrenik, prestakuntza eta hezkuntza programak indartu behar dira, batez ere gazteen artean, lan-merkatuaren eskakizun berrietara egokitzeko. Azkenik, berrikuntza eta ekintzailetza sustatzea funtsezkoa izango da eskualdeko ekonomia dibertsifikatzeko eta enplegu-aukerak sortzeko.
Laburbilduz, Hego Uribe eskualdeak aldaketa sozioekonomiko garrantzitsuak bizi izan ditu azken hamarkadetan, eta horrek eragina izan du langabezia-tasetan. Hala ere, eskualdeak baditu baliabideak eta potentziala etorkizuneko erronkei aurre egiteko eta enpleguaren arloan hobekuntzak lortzeko.
Zentzu horretan, funtsezkoa izango da jakitea eskualdearentzat berebiziko garrantzia duten azpiegiturekin zer gertatuko den, Mercabilbaon, kasurako, eta horiek alde egitekotan euren ordez jartzen denak enplegua sortu eta egonkortzeko aukera ematen duen.
☉ Hego Uribe
“Oso eskertuta gaude eskualde honetan Errigorak bere tokitxoa izatea GEURIAri esker”
Errigorako kanpaina martxoaren 16ra arte luzatuko da. Hego Uribe eskualdeko hainbat puntutan erosi eta jaso daitezke Nafarroa erdi eta hegoaldeko produktuak
Martxoaren 16ra arte luzatuko da Errigora auzolan-ariketa erraldoi honetan Agerreko —alegia, Nafarroa erdi eta hegoaldeko— produktuen eskaintza. Horien balioaren % 25 zonaldeko euskalgintzari bideratuko zaio.
Euskara hauspotzen duten eragileentzako ekarpena indarrak batuz egiten da ‘Eskutik eskura’ kanpainari esker, Nafarroa hegoalde eta erdialdeko euskalgintzari behar duen haize bolada bidaltzeko.
“Aurtengo leloa da ‘Eskutik eskura egiten dugu herria’, eta kanpaina honetan kontsumo ohituretan jartzen dugu arreta elikadura-burujabetzaren ikuspegitik. Eta Ager eremuko produktuak auzolanaren bidez banatzen ditugu Euskal Herri osoan ekoizleek ezarritako jatorrizko prezioan eta euskara etiketatuta”, dio Jone Gil Landaburu Errigorako kideak: “Ager eremuak badu berezkoak diren produktuak eta nekazal landa handiak daude, eta hori ere bada bide bat bultzada emateko lehenengo sektoreari eta hango nekazariei”.
GEURIAren eta Errigoraren artean lankidetza dago eta kanpaina bakoitzean zozketak antolatzen ditugu eta horren bitartez kutxak banatzen ditugu.
“Geuria eta Errigora hasieratik ibili gara elkarlanean. Guretzat garrantzitsua da Euskal Herri osotik gure proiektuari zabalkundea ematea. Batzuetan ez da erraza horrelako proiektuei ahotsa ematea; orduan, oso eskertuta gaude elkarlan honengatik eta eskualde honetan ere Errigorak bere tokitxoa izatea Geuriari esker”, dio Gilek.
Aurten, gainera, AEKk eta Korrikak Errigora omenduko dute. Horren harira, martxoaren 3an Errigora kanpaina berriaren aurkezpena egin zuten Galdakaon, Asisko Urmeneta irudigilearen eskutik.
Era berean, aurkezpenaz gain, martxoaren 11n (17:15ean) eta 12an (10:00etan eta 17:30ean) Errigora produktuen dastaketa antolatu dute, doan, Galdakaoko AEK Euskaltegian.
Errigorak produktuak salgai ditu errigora.eus atari digitalaren bidez. Eskaera egin eta banaketa hurrengo asteetan izango da eta, salbuespenak salbuespen, produktu guztiak aldi berean jasoko dituzte erosleek. Eskaera egiterakoan aukeratu behar duzu produktuak jasotzeko puntua eta bertan zehaztutako egun eta ordutegian pasa beharko duzu jasotzera. Hego Uribe eskualdeko hainbat puntutan ere eros daitezke kutxak. (+) ikurra duten guneetan, internet bidez erosi eta bertan jaso daiteke erosketa.
ARRIGORRIAGA
Arrigorriagako AEK
BASAURI
+Bolintxu AEK
GALDAKAO
+Eguzkibegi Ikastola
☉ Hego Uribe
ZOZKETA | ‘Oihu bat Palestinara’ bidali nahi duzu? Parte hartu gure zozketan!
Zozketa Geuriaren Instagram sare sozialaren bidez egingo da eta parte-hartzaileek hiru pauso erraz bete beharko dituzte. Irabazle batek sarrera bikoitz bat jasoko du.
Martxoaren 21ean Durangoko Landako Gunean ospatuko da ‘Oihu bat Palestinara’ aldarrikapen musika jaialdia. Bertan izango dira, besteak beste, Ahmend & Nur, Anari, Belago, Bengo, Borla, Chulería, joder!, Dena, EzEzEz, Eire, La furia, Gailu, Hofe, Ibil Bedi, J Martina, Ke Lepo, Kiliki Lukiek, Malakias eta abar luze bat. Musikariekin batera, bertsolariak eta euskal kulturako sortzaile asko ere bai.
Palestinarekin Elkartasuna herri mugimenduak antolatuta, Palestinari laguntza emateko jaialdia izango da. Sarrerak salgai daude oihubatpalestanara.eus webgunean. Eta ekintza ahalik eta gehien zabaltzeko asmoz, di-da zozketa arin bat antolatu dugu Oihu Bat Palestinara jaialdiko antolatzaileekin batera GEURIAren jarraitzaileen artean sarrera bikoitz bat zozketatzeko.
Zozketa Instagram sare sozialaren bidez egingo da eta honakoak dira zozketan parte hartzeko pausoak:
😍 @oihubatpalestinara eta @geuria.eus jarraitu
❤️ Like eman
💬 Zein lagunekin joan nahi duzu? 😉 Etiketatu.
Zozketan parte hartzeko epea zabalik dago martxoaren 12ra arte (12:00). Datozen egunetan egingo dugu zozketa eta irabazleak postean bertan etiketatuko ditugu. 48 orduren buruan irabazleren bat ez bada GEURIArekin harremanetan jarri, txandapasa egingo dugu eta zerrendako hurrengoari paso emango diogu.
Irabazleetako bat bazara, nola jarri GEURIArekin harremanetan? Instagram bidez mezu bat bidalita, info@geuria.eus helbide elektronikora idatzita edo 944 406 692 telefono zenbakira deituta.
Saria jaso: irabazleari sarrerak PDF formatuan bidaliko zaizkio.
☉ Hego Uribe
Martxoak 8 | Elkarretaratzeak eta manifestazioak deitu dituzte Hego Uribe eskualdean asteburuan
Martxoaren 8a Emakumearen Nazioarteko Eguna da eta Hego Uribe eskualdean elkarretaratzeak, martxa feminista eta manifestazioak deitu dituzte asteburuan zehar.
Martxoaren 8an bertan 12:00etan manifestazioa dago Bilbon, Jesusen Bihotzetik.
M8 Hego Uribe 2026
Arrigorriaga
Martxoak 8, igandea
12:00 Kontzentrazioa eta Berdintasun Kontseiluaren adierazpenaren irakurketa udaletxeko plazan
Basauri
Martxoak 8, igandea
11:00 Elkarretaratzea Begoñako Andra Mari kalean
Etxebarri
Martxoak 6, ostirala
12:00 Adierazpen instituzionala udaletxeko plazan
Martxoak 8, igandea
11:30 Kalejira Zintururiko begiratokietatik
12:00 Adierazpen komunitarioa eta jardueran udaletxeko plazan
Galdakao
Martxoak 7, larunbata
– Auzoen arteko martxa feminista
11:00 Aperribai (gosaria)
12:00 Bengoetxe
12:30 Urreta
13:00 Kurtzea
– Manifestazioa
13.00 Kurtzeko plazatik
Ugao
Martxoak 6, ostirala
12:00 Ekimen instituzionala Herriaren enparantza
Martxoak 8, igandea
Manifestazioa eta ekitaldia
Usansolo
Martxoak 7, larunbata10:00 Bankua margotzea Unkina plazan. Bertan behera geratu da eguraldiagatik (aurrerago egingo dute ekintza)
12:00 Elkarretaratzea Unkina plazan
Zaratamo
Martxoak 8, igandea
11:30 Taza eta txapa tailerra, eta musika Elexaldeko plazan
Zeberio
Martxoak 8, igandea
12:00 Elkarretaratzea udaletxeko plazan, eta M8aren dokumentalaren proiekzioa
☉ Hego Uribe
ZOZKETA | Eta zuk zein gura duzu, berdea ala gorria? Errigora eta GEURIAren eskutik
Zozketa Geuriaren Instagram sare sozialaren bidez egingo da eta parte-hartzaileek hiru pauso erraz bete beharko dituzte, komunitatea sortzeko eta Agerreko euskara pizteko.
ZOZKETA EGINDA! Otsailaren 26tik martxoaren 16ra luzatuko da Errigora auzolan-ariketa erraldoi honetan Agerreko —alegia, Nafarroa erdi eta hegoaldeko— produktuen eskaintza. Horien balioaren % 25 zonaldeko euskalgintzari bideratuko zaio.
Euskara hauspotzen duten eragileentzako ekarpena indarrak batuz egiten da ‘Eskutik eskura’ kanpainari esker, Nafarroa hegoalde eta erdialdeko euskalgintzari behar duen haize bolada bidaltzeko.
Zozketa Instagram sare sozialaren bidez egingo da eta honakoak dira zozketan parte hartzeko pausoak:
😍 @geuria.eus jarraitu
❤️ Like eman
💬 Zein lagunekin egingo zenuke otordutxo eder bat? 😉 Etiketatu.
🔴 Gorria edo 💚 Berdea? Elkarbanatu zure story-etan nahiago duzun saskiaren argazkia eta @geuria.eus aipatu. Horrrela jakingo dugu zein saski duzun gustukoen.
Zozketan parte hartzeko epea zabalik dago martxoaren 4ra arte (12:00). Datozen egunetan egingo dugu zozketa eta irabazleak postean bertan etiketatuko ditugu. 48 orduren buruan irabazleren bat ez bada GEURIArekin harremanetan jarri, txandapasa egingo dugu eta zerrendako hurrengoari paso emango diogu.
🥳 Irabazleak:
– 🟩 @ibonlopezbarrenetxea
– 🟥 @jotxin
Irabazleetako bat bazara, nola jarri GEURIArekin harremanetan? Instagram bidez mezu bat bidalita, info@geuria.eus helbide elektronikora idatzita edo 944 406 692 telefono zenbakira deituta.
Saria jaso: irabazleak saria jasotzeko 15 egun ditu. Saria GEURIAren egoitzan (Basozelai kalea 11, -3. Basauri, Bizkaia) jasoko du.
Errigorak produktuak salgai ditu errigora.eus atari digitalaren bidez. Eskaera egin eta banaketa hurrengo asteetan izango da eta, salbuespenak salbuespen, produktu guztiak aldi berean jasoko dituzte erosleek. Eskaera egiterakoan aukeratu behar duzu produktuak jasotzeko puntua eta bertan zehaztutako egun eta ordutegian pasa beharko duzu jasotzera. Hego Uribe eskualdeko hainbat puntutan ere eros daitezke kutxak. (+) ikurra duten guneetan, internet bidez erosi eta bertan jaso daiteke erosketa.
ARRIGORRIAGA
Arrigorriagako AEK
BASAURI
+Bolintxu AEK
GALDAKAO
+Eguzkibegi Ikastola
Argazkiak | Euriak ez du zapuztu Korrika Jaia gaur San Migelen
Garbiñe Martin bigarren sailkatu da ‘Talentos by Abril’ gastronomia lehiaketan
Adiskide Pilota Elkarteak txapelketa berezia martxan jarriko du Galdakaon: 14 eta 99 urte bitarteko jokalariak gonbidatu ditu
Argazkiak | Euriak ez du zapuztu Korrika Jaia gaur San Migelen
Argazkiak | Emakume Ekoizleen Nekazaritza Azokak ehunka lagun elkartu ditu Ugaoko kaleetan
Argazkiak | Ekain Perrino herrikideari babesa adierazteko elkarretaratzea egin dute Basaurin
“Oso eskertuta gaude eskualde honetan Errigorak bere tokitxoa izatea GEURIAri esker”
Bideoa | Besopean Guraso Elkartea: «Herri kirolekin haurren arteko aurrez aurreko harremanak sustatzen ditugu»
