Sareak

☉ Hego Uribe

Pentsiodunen lehen bizikleta martxak Galdakao, Basauri, Arrigorriaga eta Ugao zeharkatuko ditu

Gaur abiatu da Euskal Herriko Pentsiodunek deitu duten lehen bizikleta martxa. Donostian hasi eta bukatuko da ekainaren 25ean. Seigarren etapa Hego Uribetik igaroko da ekainaren 18an, larunbatez.

|

Pentsiodunen manifestazioetako bat Galdakaon // Geuria

Euskal Herriko Pentsiodunen Mugimenduaren aldarriak lau haizeetara zabaltzeko asmoz bizikleta martxa antolatu dute Euskal Herri osoan zehar. Bizikleta martxa gaur, ekainak 13, abiarazi da Donostiatik eta guztira 13 etapa egingo ditu. Amaiera ekainaren 25ean izango da Donostian ere. Lau hiriburu eta eskualde guztiak zeharkatuko dituzte. Tartean, Hego Uribe eskualdetik ere igaroko da bizikleta martxa. Ekainaren 18an, larunbatez, izango da, eta Galdakao, Basauri, Arrigorriaga eta Ugaotik pasako da (ordutegia eta ibilbidea albistearen amaieran).

Gutxieneko pentsioa 1.080 eurokoa izatea, zaintza-lanak partekatzea eta zerbitzu publikoak defendatzea da pentsiodunek aldarrikatuko dituzten puntuak. “Bizikleta martxa honetan Gasteizko eta Iruñeko Gobernuei eskatzen diegu 2023ko aurrekontuetan 1.080 euroko osagarria sartzeko, Estatuko Gobernuak gutxieneko pentsio hori erabakitzen duen bitartean”, diote Euskal Herriko Pentsiodunen Mugimenduko ordezkariek. Joan den maiatzaren 12an EAEko Pentsiodunen Mugimenduko 1.200 lagun Eusko Legebiltzarraren aurrean mobilizatu ziren, alderdi politiko guztiei hamalau ordainsaritan 1.080 euroko gutxieneko pentsioa eskatzeko.

Pentsiodunek 52 hilabete daramate kalean borrokan; lau urte baino gehiago. “Borroka honek erakusten digu gure aldarrikapenak lortzeko bermerik onena mobilizazioa dela. Hori dela eta, herritar guztiei dei egiten diegu Bizikleta Martxa igarotzen den herrietan modu aktiboan parte har dezaten egiten diren ekitaldietan”, diote: “Denok dakigu pentsiodunen borrokak egungo langileei ere eragiten diela, erretiroaren ondoren bizi-baldintza duinak lortzea guztioi dagokigun eskubide unibertsala delako. Horregatik, langile, gizon, emakume eta gazteei dei egiten diegu azken etaparen amaierako manifestazioan parte har dezaten”, diote. Manifestazio hori ekainaren 25ean, larunbatez, izango da 12:00etan Donostiako Alderdi Ederren.

Euskal Herriko Pentsiodunen I. Bizikleta Martxa / 6. etapa – Ibilbidea

2022ko ekainaren 18a · Bilbo-Amurrio

09:00 Bilbotik irteera: Kontxa kalea-Autonomia-Hurtado de Amezaga-Buenos Aires-Erkoreka plaza-Epaltzaren alarguna-Areatza-Erribera-Mesedeetako zubia-Zamakola-La Peña-Abusu-Bolueta
09:30 Basauri: Kareaga Goikoa-Baskonia-Larrazabal-Baskonia zubia-N634
09:50 Galdakao: Aperribai-Sixta Barrenetxea-Bizkai-Zamakoa-Lapurdi-Euskadi-JB Uriarte-Zamakoa-Murua-Bizkai
10:05 Udaletxea
10:20 Galdakaotik irteera
10:25 Basauri: Etxerre-Gudarien-Cervantes
10:32 Gaztetxeko biribilgunea: Matxitxako-San Biator-Juan XXIII, Antonio Fernandez
10:40 Nagusia-Agirre Lehendakaria-Astoak
10:45 Udaletxea
10:50 Ekitaldia Arizgoiti plazan
11:15 San Migel: Matadero-Abaroa-Ixatxak parkea-Taberna Nagusia
11:35 Arrigorriaga: Lepanto-Trenbide pasabidea azpitik-Urgoiti-Madalen Errota-Severo Otxoa-Aixarte
11:55 Arrigorriagatik irteera: BI625
12:15 Ugao: San Bartolome-Udiarraga-Udaletxea-Udiarraga-Torre de Ugao-Sabino Arana
12:30 Ugaotik irteera: BI625
13:00 Laudio: Arakaldoko biribilgunea-Areta-Bitorika-Zumalakarregi-Baias-Nerbioi-Alberto Acero-Batzalarrin-Udaletxea-Herriko plaza
14:00 Bazkaria Laudion
17:00 Laudiotik irteera: A625
18:00 Amurrio: Sagarribai-Aranalde-Landaburu-Juan Urrutia-Udaletxea

☉ Hego Uribe

Autobus zerbitzu osagarria jarri du Metro Bilbaok Etxebarri eta Basauri artean

Autobus zerbitzua 20 minuturo izango da Etxebarritik zein Basauritik, gaurko eguna bukatu arte. Trenak hasi dira bi geltokien artean zirkulatzen, baina trenbide bakar batetik egingo dutenez, maiztasunak txikiagoak dira

|

Trenak bi geltokien artean zirkulatzen hasi dira, baina trenbide bakar batetik, eta hortaz, maiztasuna txikiagoa da // Artxiboko irudia, Geuria

Gaur goizean Basauri metro geltokia itxi dute katenarian gertatutako “sute txiki” baten ondorioz, eta Etxebarri eta Basauri geltokien artean zerbitzua etenda egon da.

Metro Bilbaok duela ordubete jakinarazi duenez, 15:10etik aurrera autobus zerbitzua jarri du martxan Etxebarri eta Basauri arteko ibilbidea betetzeko, bi noranzkoetan.

Autobusak Etxebarritik, metro geltokitik, zein Basauritik (Arizko Ikastolaren ondotik eta Begiratokietatik) aterako dira 20 minuturo (15:10-15:30-15:50… hurrenez hurren), Arizen gelditu gabe. Autobus zerbitzua gauera arte luzatuko dute.

Gainera, trenak bi geltokien artean zirkulatzen hasi direla adierazi dute, “baina trenbide bakar batetik egingo dutenez, maiztasunak txikiagoak dira”, diote.

Metro Bilbaotik adierazi dutenez, matxura gauean zehar konponduko dute, “goizeko lehen ordutik ohiko zerbitzua eskaini ahal izateko”.

Osorik irakurri

☉ Hego Uribe

Hego Uribeko dozenaka pentsiodun Gasteizen batu dira 1080 euroko gutxieneko pentsioa aldarrikatzeko

|

Guztira 3.000 pentsiodun batu dira Gasteizko mobilizaziora // Utzitakoa

Eusko Legebiltzarrerako hauteskundeen atarian, Euskal Herriko Pentsiodunen Mugimenduak (EHPM) manifestazioa egin du gaur Gasteizen.

“Apirilaren 21ean hauteskundeak izango dira EAEn. EHPMk zuzenean interpelatuko diegu aurkezten diren alderdi politikoei, 1080 euroko gutxieneko pentsioa berehala ezartzeko konpromisoa hartzeko; genero-arrakalarekin amaitzeko; eta osasun-zerbitzu publikoak eta mendekotasunaren eta zaintzaren arretarako zerbitzu publikoak hobetzeko neurri eraginkorrak hartzeko”, diote.

Datuak datu, 2024ko martxoan EAEn 165.000 pentsiodunek eta Nafarroan 50.000k 1080tik beherako pentsioak dituztela adierazi dute EHPMtik, “horietatik 110.000 EAEn eta 32.000 Nafarroan emakumeak”.

“Egia esan, EAEko emakume pentsiodunen % 44k eta Nafarroan % 52,7k 1080tik beherako pentsioak kobratzen dituzte. Esan daiteke 2023ko martxoko zenbakiak oraingoko berdinak zirela: ez da ezer aurreratu”, diote.

Mozioak udaletan

Euskal Herriko Pentsiodunen Mugimenduak mozioak aurkeztu ditu azken urteetan udaletxeetan eta Batzar Nagusietan, gutxieneko 1080 euroko pentsioaren alde.

Hego Uribeko Pentsiodunen Mugimendutik GEURIAra bidali diguten argazkietako bat // Utzitakoa

“Gaur gaurkoz 179 udalek eta Gipuzkoako Batzar Nagusiek gure eskaria babestu dute; Arabako eta Bizkaiko Batzar Nagusien eta beste udal batzuen jarrera falta da, baina EAEko eta Nafarroako udal erakundeen erdiak baino gehiagotan gure mozioa onartu izana ospatzen dugu”, diote.

Hego Uribe eskualdeari dagokionez, Arrigorriagan, Etxebarrin, Galdakaon, Zaratamon eta Zeberion mozioa onartu zuten, eta Basaurin eta Ugaon, ordea, ez.

3.000 pentsiodun

Guztira 3.000 pentsiodun batu dira mobilizaziora, tartean Hego Uribeko dozenaka lagun ere.

“Hego Uribetik autobus bat eta auto bat bertaratu da Gasteizera: Galdakaotik, Ugaotik eta Basauritik. Eskualdetik guztira 60 lagun etorri gara”, adierazi diote GEURIAri.

Pentsio duinen aldeko borroka 2018ko urtarrilean hasi zuen EHPMk. Ordutik astelehenero batzen dira udaletxe aurreetan.

“Duela sei urte baino gehiagotik astelehenetik astelehenera egiten ari garen mobilizazioekin batera, babes horiek borrokan jarraitzera bultzatzen gaituzte. Bizi-baldintzen narriadura eta pentsiodun nagusien artean pobrezia-mailak handitzea ez da murrizten”, diote.

Hauek Hego Uribeko Pentsiodunen Mugimendutik GEURIAra bidali dituzten argazkiak:

Osorik irakurri

☉ Hego Uribe

‘Azpikontratak jopuntuan’ mahai-ingurua antolatu du Hego Uribeko Kontseilu Sozialistak Galdakaon

|

Hego Uribeko Kontseilu Sozialistak agerraldia egin du Galdakao-Usansolo Ospitalaren aurrean, Osakidetzako egoera salatzeko // Hego Uribeko Kontseilu Sozialista

Osakidetzako egoera salatu du Hego Uribeko Kontseilu Sozialistak. “Azken urteetako krisi kapitalistaren adierazle zuzenak diren osasungintza publikoaren kolapsoa eta azpikontratetan gero eta ohikoagoak diren lan baldintza kaxkarrak salatzen ditugu”, diote.

“Izan ere, auzi honi dagokionez gure inguruan azken hilabeteetan eman diren aldaketak nahiko nabariak dira, San Migeleko pediatriako murrizketak, ospitaleko zerbitzu ezberdinen pribatizazioa, anbulantzietako langileen greba luzeak, ospitaleko biltegietako langileen egoera…”, salatu dute.

Ildo horretan, ‘Langile boterea eraiki. Badago alternatiba’ lemapean zenbait ekintza antolatu dituzte apirilean: ‘Azpikontratak jopuntuan’ mahai-ingurua Galdakaon apirilaren 18an eta maiatzaren 1era begira herri batzarrak deitu dituzte Galdakaon eta Basaurin.

“Euskal Herriko Kontseilu Sozilistatik instituzioen alternatiba faltsuetatik haratago alternatiba erreala badagoela zabaldu nahi dugu, langile boterearen eraikuntza. Hala nola, langileriaren bizi baldintzen hobekuntza lortzeko, iruzur instituzionalen aurrean, langileriaren independentzia politikoa oinarri izanda, gure interesen alde mobilizatzen eta antolatzen jarraitzea ezinbestekoa da”, diote.

Egitaraua

Apirilak 18, osteguna
Mahai-ingurua: ‘Azpikontratak jopuntuan’. Anbulantziak Borrokan eta Bilbo Handiko borrokak CGTko kide baten eskutik
18:00 Torrezabal Kultur Etxea (Galdakao)

Apirilak 26, ostirala
Herri Batzarrak: ‘Maiatzaren 1ean mobilizatzeko beharraz’
18:30 Torrezabal Kultur Etxea (Galdakao)
18:30 Pozokoetxe Kultur Etxea (Basauri)
Luntxa egongo da

Osorik irakurri

☉ Hego Uribe

‘Gorbeiako Nire Txoko Kuttuna’ argazki lehiaketan parte-hartzeko epea zabaldu dute

Abuztuaren 31ra arte zabalik dago Gorbeialdeko argazki lehiaketaren bigarren edizioan parte-hartzeko epea

|

Zaldi bat, Hego Uriben // Geuria

Abuztuaren 31ra arte zabalik dago Gorbeiako Nire Txoko Kuttuna argazki lehiaketaren bigarren edizioan parte-hartzeko epea.

Lehiaketaren helburua Gorbeia Helmuga Historikoaren lekuak edo esperientziak erretratatu eta Instagram sare sozialean elkarbanatzea da. Argazki horiek Arakaldo, Aramaio, Arantzazu, Arratzua-Ubarrundia, Artea, Areatza, Bedia, Galdakao, Legutio, Otxandio, Orozko, Ubide, Urkabustaiz, Zeanuri, Zigoitia eta Zuian egin daitezke. Hego Uribe eskualdea Gorbeialdetik benetan hurbil daude: Galdakao eta Zeberio dira eremutik gertuen dauden bi udalerriak.

Sariak eta parte-hartzeak

Sari bi banatuko dituzte guztira: lehiaketaren garaileak 200 euro jasoko ditu eta lana promozioa egiteko materialetan erabiliko da. Horrez gainera, irabazlearen lanak Estatu mailako ‘Mi Rincón Favorito’ lehiaketan parte hartuko du. Bigarren saria 100 eurokoa izango da.

Gorbeialde Landa Garapen Elkarteak eta Gorbeialdeko Kuadrillak antolatutako lehiaketaren lehen edizioan 105 pertsonak hartu zuten parte eta Aintzine Larreina Fernández de Leceta izan zen garailea.

Osorik irakurri

☉ Arrigorriaga

⚪️🔴 GABARRA | 🏆 Aupa Aitor Paredes! 😊 Gora Arrigorriaga! 🥳⚽️ Aupa Athletic!

|

Athletic Clubek Kopa irabazi, Gabarra Nerbioi ibaian atera da eta hortxe da Aitor Paredes arrigorriaga. GEURIAn ospakizunak bertatik bertara jarraitu ditugu.

 

Ver esta publicación en Instagram

 

Una publicación compartida de Geuria (@geuria.eus)

Osorik irakurri