Sareak

☉ Basauri

Hego Uribeko Korrikaren aurpegiak

|

arrigorriaga korrika 18 2013

Euskararen aldeko lasterketa gauzatzeko eragile askoren lana behar da: AEKko irakasleak, kilometroa erosi duten elkarteak, laguntzaileak eta dendariak.

__

“Korrika Laguntzaile izateak Korrikaren inguruko gauza guztietan laguntzea esan nahi du”

Paco Sera, Korrika Laguntzailea

basauri korrika laguntzailea paco sera 2015Gutxi gorabehera hamar urte daramat Korrika Laguntzaile izaten. Pankartak egiten ditugu, ka­leak apaintzen ditugu eta Korrikan bertan parte hartzen dugu. Korrika Laguntzaile izateak Korrikaren in­guruko gauza guztietan laguntzea esan nahi du: petoak banatu edota ibilbidean zehar eta ikastetxeetan -Korrika Txikian- ur botilak banatu, besteak beste.

Gure laguntzarekin ekarpen pertsonala eta herrikoia ematen dugu. Lan boluntarioa da eta gure esker ona adierazten diegu AEK­ri eta Korrikari. Euskararen aldeko herri mugimendu ikaragarria da. Ni erdalduna naiz, baina oso gus­tura laguntzen dut. Beharrezkoa ikusten dut euskara bultzatzeko, gehienbat gazteen artean. Kon­tzientzia piztu behar da gizar­tean. Nire ustez, ez dago Korrikak eta Athleticen partidek mugitzen duten jendetzarik mugitzen duen beste ekitaldirik.

__

“Korrikak gogorarazten digu euskarak oraindik lan handia daukala egiteko”

Janire Egaña, irakaslea

galdakao korrika aek janire egaña 2015Korrikako prozesua urtebete lehenago hasten da. AEKko irakasleok denok dau­kagu ardura guri dagokigun herrian Korrika goitik behera antolatzeko: kilometroak sal­du, Korrika Lagun dendetan lan egin, kuestazioa eta ekintza kulturalak antolatu… Horretarako laguntza eskatzen diegu herrian dauden taldeei eta elkarteei eta bertan osatzen dugu herriko Korri­ka Batzordea. Horrela hasten gara puzzle guztia eraikitzen.

Eskualde mailan arduradun bat dago; aurten Basauriko bati toka­tu zaio eta eskualdean behar diren gauza guztiak berak kontrolatzen ditu. Komunikazio aldetik, gaur egun whatsapp bidez asko komu­nikatzen gara -modernizatu egin gara-, baina ahal dugunetan elkar­tu egiten gara.

Korrika momentu batean he­rri batetik pasatzen den gauza da, baina indar handia dauka. Momen­tu horretan bertan Korrikak badau­ka kontzientzia hartzeko puntu hori: nire ustez, gogorarazi egiten digu euskarak oraindik lan handia daukala egiteko eta lan metaketa handia dela.

__

“Kuestazioa gure kabuz antolatzen dugu auzo elkartean”

Miren Urretxu, Kareaga Auzo Elkartea

basauri korrika auzoa miren urretxu 2015Kareaga auzoaren kasuan, jendeak ohitura du Korrikan parte hartzeko. Ko­rrika Basauritik pasatzen den egunerako deialdia egiten dugu, baita paellada egunera­ko -20 bat lagun elkartu gara aurten- eta kuestaziorako ere, besteak beste. Kuestazioaren kasuan, guk antolatzen dugu gure kabuz; aurten Kareaga­ko pintxo-potean atera gara. Gainera, gure kuestazioa beti izaten da berezia: oraingoan megafonoarekin atera gara eta mugikorrarekin Korrikako abesti guztiak jarri ditugu, bai kalean bai tabernetan. Karea­gako jendeak oso jarrera ire­kia du eta kuestazioan parte hartu du.

Auzo Elkarteak eta Jubi­latuen Etxeak ordaintzen du kilometroa eta ondoren leku­koa nork eramango duen era­bakitzen dugu bilera batean. Lekuko eramailea izateko auzoko jende esanguratsue­netariko bat hautatzen dugu: batzuetan ez dira euskaldu­nak, baina euskararen aldeko jarrera azaltzen dute.

__

“Egiten dugunarekin gutxi laguntzen diogu Korrikari, baina gutxi hori asko ere izan daiteke”

Aitzol Ayo eta Rafa Serna, Zoroz Soro jatetxea

basauri korrika zoroz soro aitzol ayo rafa serna 2015Urte asko daramatzagu tabernari edo dendari moduan Ko­rrikarekin kolaboratzen. Lagunarte­ko harremana daukagu Basauriko Bolintxu euskaltegiarekin eta Korri­ka urtea denean guregana etortzen dira. Gure aldetik diru-ekarpena egiten dugu Artunduagako kirol­degiaren eta Basozelaiko Gizarte Etxearen izenean. AEKko kideak guregana etortzen direnean, galde­tu egiten digute ea zenbateko ekar­pen ekonomikoa egin dezakegun. Hala ere, krisiaren ondorioz dirurik eskaini ezingo bagenu eta bazkari bat oparituko bagenu ere ez lu­kete problemarik jarriko.

Gure ustez, egiten dugu­narekin gutxi laguntzen diogu Korrikari, baina gutxi hori asko ere izan daiteke antolatzaileen­tzako. Beti eman eta egin daite­ke gehiago, baina dagoenarekin konformatu behar dugu.

☉ Basauri

Etxebarria aita-seme trikitilariek ‘Familia gara’ disko berria aurkeztu dute Social Antzokian

Gaur aurkeztu dute disko berria Basauriko antzokian. Inaxio Perurena harrijasotzailea gondidatu izan dute aurkezpenean

|

Unai eta Koldo Etxebarria Inaxio Perurenarekin Social Antzokiko oholtzan // Geuria

Etxebarria aita-seme trikitilariek disko berria kaleratuko dute: ‘Familia gara’. Lan berria Durangoko Azokan abenduaren 6an kaleratu aurretik, diskoaren aurre-aurkezpena Basaurin egin nahi izan dute bi basauriarrek.

Gaur, azaroak 29, 13:00etan Social Antzokian egin dute aurkezpena. Bertan Inaxio Perurena harrijasotzailea eta laguna izan dute gonbidatu. Besaulkietan etxebarritarren lagunak, senideak eta ezagunak egon dira.

Sorpresak, bertsioak eta abesti propioak

Diskoak 12 abesti ditu, euskarazko, gaztelerazko eta ingelesezko kantekin. ‘Familia gara’ lan berrian oinarrizko euskal estiloari heldu diote: “estilo dantzagarriak, baladak, koplak, rantxerak eta rock doinuak entzun daitezke, eta baita indar handiko bertsioak ere”, diote.

“Sorpresak, bertsioak eta abesti propioak ere ez dira faltako! Esaterako, ‘Sorioneku familia gara’, Euskal Herria eta gure kulturaren batasuna elkartzen dituen abestia”. Abesti horren bideoklipa 2023ko martxoan argitaratu zuten, eta bertan agertzen da, besteak beste, JJ Vaquero bakarrizketagilea.

‘Loretxoa’, ‘Ikusi mendizaleak’ eta ‘Let it be’ abestien bertsioak ere jasoko ditu lan berriak. Trikitixa eta panderoa dira instrumentu nagusiak eta horiekin batera akordeoia, kitarra, baxua, teklatua, sintetizadoreak eta bateria ere entzun daitezke.

Diskoa salgai egongo da Durangoko Azokan 15 euroan.

Osorik irakurri

☉ Basauri

Sinadura bilketa hasi dute Kareagan pediatria zerbitzuan murrizketarik ez egiteko

|

Kareagako anbulatorioan hasi dute sinadura bilketa gaur // Geuria

Kareagako eta San Migeleko pediatria zerbitzuetan Osakidetzak murrizketak egin dituela salatu dute hainbatetan auzotarrek. Zehazki, San Migeleko pediatrak irailean erretiroa hartu ondoren ez dutela beste pediatrarik kontratatu eta Kareagako bi haur-medikuetatik batek lanaldia erdibitu beharko duela bi anbulatorioetan salatu dute.

Abenduaren 1etik aurrera formalizatuko da neurri hori. Kareaga, El Maño-Basozelai eta Bidebieta auzo elkarteak eta Kareagako eta Gazteluko ikastetxeetako guraso elkarteak euren “kezka” azaldu dute: “Neurri horrek zerbitzuaren kalitatea larriki okertzea dakar”.

Gauzka horrela, sinadura bilketa hasi dute Kareagako osasun zentroan, eta aurreratu dute ekintza gehiago egingo dituztela.

Osorik irakurri

☉ Basauri

Bideoa / ‘Azaroak 25 plaza’ zabaldu dute gaur Basaurin

|

Azaroak 25 dituen honetan Emakumeen kontrako indarkeria ezabatzeko nazioarteko eguna ospatzen da. Basaurin goizean ekitaldia egin dute hemendik aurrera ‘Azaroak 25’ plaza deituko den lekuan, San Pedro elizaren ondoan.

Plazari ‘Azaroak 25’ jartzeko erabakia Udaleko osoko bilkurak aho batez hartu zuen urrian, eta gaur, eguna aprobetxatuta egin dute ekitaldia 12:00etan. Askoa Etxebarrieta Lasherasek, La Pulga Flamencok ikuskizuna eskaini ondoren, Paz Diaz Gonzalez Basauriko mugimendu feministako kide mitikoak plazaren plaka desestali du.

Osorik irakurri

☉ Basauri

Merkatu solidarioa antolatu dute Basaurin, Bielorrusako umeen alde

|

Merkatu solidario bat // Artxiboko irudia, Geuria

Merkatu solidarioa antolatu du Basaurin Acobi elkarteak Bielorrusiako umeentzat dirua biltzeko. Merkatua zabalik dago abenduaren 3ra bitartean Agirre Lehendakaria kaleko 57. zenbakiko lokalean, Herriko Taldeaken ondoan.

Liburuak, jostailuak, tresneria, apaingarriak edota imitaziozko bitxiak bildu eta salduko dituzte lokalean. “Espazioa dela eta, ezin dugu arroparik jaso edo saldu”, diote antolatzaileek.

Merkatu solidarioa zabalik dago astelehenetik larunbatera 18:00etatik 20:30era, eta igandetan 12:00etatik 14:00etara.

“Gerra kontuengatik etortzerik ez dutenez, dirua bidaliko diegi han behar dutena eros dezaten”, diote sustatzaileek.

Osorik irakurri

☉ Basauri

Etxez etxeko laguntza zerbitzuan arreta ordu gehiago eskainiko ditu Basauriko Udalak

|

ELZren erabiltzaileen autonomia pertsonala sustatu nahi du Udalak // Geuria

Etxez etxeko laguntza zerbitzuaren (ELZ) araudia berrituko du Basauriko Udalak. Besteak beste hobekuntza hauek onartuko dituzte azaroko osoko bilkuran: mendekotasun-mailaren bat onartua duten erabiltzaileei arreta emateko ordu gehiago eskainiko dituzte, “nahi izanez gero eta egoerak ahalbidetuz gero, etxean denbora gehiago egon ahal izan daitezen”, dio Maria Larrinaga Gizarte Politikako zinegotziak.

Zehazki, bizikidetza-unitatean kide batek baino gehiagok baldin badute mendekotasun-balorazioa, maila handiena duenari dagozkion orduez gain, mendekotasun egoeran dagoen beste pertsonari dagokion ordu kopurua % 50 handituko dute.

Era berean, desgaitasuna onartuta duten 60 urtetik gorako pertsonek eta mendetasunik onartua ez duten 65 urtetik gorakoek ere gehienez 20 zerbitzu-ordu jaso ahal izango dituzte hilean, aldez aurretik balorazio teknikoa eginda.

“Azpimarratu behar da 85 urtetik gorako pertsonek, bakarrik bizi badira eta familian nahiz gizartean laguntza-sare nahikorik ez badute, erregelamendua onartu ostean, etxez etxeko laguntza eskatu ahal izango dutela hilean gehienez 30 orduz, bestelako baloraziorik egin behar izan barik”, dio Larrinagak.

Arau-testu berrian jasotako hobekuntzen artean, balorazio teknikoaren arabera babesgabetasun-egoeran edo arriskuan, bazterketa-egoeran edo abandonu-egoeran dauden edo tratu txarrak jasaten ari diren pertsonek hilean gehienez 30 zerbitzu-ordu jaso ahal izango dituzte, “betiere etxez etxeko laguntza-zerbitzuak eman ditzakeen prestazioak behar badituzte”, dio.

“Oro har, neurri horien bitartez, ELZren erabiltzaileen autonomia pertsonala sustatu gura dugu eta, horretarako, zerbitzuaren intentsitatea eta malgutasuna areagotzeaz gain, prestazioak konbinatzeko aukera ere handiagoa izango da”, dio Larrinagak.

Osorik irakurri