7.593 langabe ditu Hego Uribek. Iaz, 8.485 ziren. Eustatek eta Lanbidek abuztuan kaleratutako datuek langabeziaren beherakada itxaropentsua agertzen dute eskualdean. Izan ere, herri guztien jaitsiera Bizkaikoa baino handiagoa da, alegia, %0,7tik gorakoa.
Bizkaiak %15,9ko langabezia-tasa du. Eskualdean Basauri da batez bestekoaren gainetik dagoen bakarra %18,3ko langabeziarekin, baina joan den abuztutik gaur egunera arte jaitsiera nabarmena izan du: 334 herritar gutxiago daude langabezian izena emanda.
Datuak adinka aztertuz gero, 25 urtez azpiko gazteak dira kaltetuenak: iazko abuztuan 525 gazte zeuden langabezian, aurtengoan 510. Honi aurre egiteko asmoz, Bizkaiko Foru Aldundiak martxan jarri du Gaztedi Nerbioi Ibaizabal programa Arakaldo, Arrigorriaga, Basauri, Etxebarri, Galdakao, Urduña, Orozko, Ugao eta Zaratamon. Alde batetik, 18 eta 29 urte bitarteko herritarrei zuzendutako 20 beka banatuko ditu egitasmoak, bekadunen laneratze-prozesuaren azterketa egingo du eta eskualdeko enpresetan praktikak bideratuko ditu. Bestalde, gazteen laneratzea hobetzeko ikastaroak eskainiko ditu Arrigorriagako Udalak koordinatzen duen proiektu honek. Urte bukaeran adostuko dute agintari politikoek egitasmoarekin aurrera jarraituko duten edo ez.
Generoari erreparatuz, gizonezkoek errazago bilatu dute lana emakumezkoek baino eta, antza denez, bien arteko aldea handitu egin du krisi ekonomikoak. Azken urtean, 565 gizonezko sartu dira lan munduan, ostera, 327 izan dira lanean hasitako emakumeak. Langabeziak gora egin duen adin-tarte bakarra 45 urtetik gorako emakumeena da. 2.040 dira langabe daudenak, iaz baino hamaika gehiago.
Bizkaian %0,7 jaitsi da langabezia. Eskualdeko herri guztietan handiago izan da jaitsiera %0,8 eta %2,7 bitartekoa45 urtetik gorako emakumeen adin-tartean dago salbuespena: langabezia jaitsi beharrean igo egin baitaAzken urtebetean lana aurkitu duten 892 herritarren artean, %63 gizonezkoak dira etagainontzekoak emakumezkoak
Datuen iturriak: Eustat eta Lanbide
