☉ Ugao
Aste Santuko kolonietan izena emateko epea zabaldu du Ugaoko Udalak
2006 eta 2012 urteen artean jaio direnei daude zuzenduta Aste Santuko koloniak. Izena emateko epea irekita dago martxoaren 26ra arte.
2006 eta 2012 urteen artean jaio direnei daude zuzenduta Aste Santuko koloniak. Izena emateko epea irekita dago martxoaren 26ra arte
‘Hiri-koloniak Aste Santuan 2017’ programa berriro martxan jarriko du Ugaoko Udalak. 2006 eta 2012 urteen artean jaiotako umeek parte hartu ahal izango dute tailerrez eta jolasez osatutako programa honetan.
Aste Santuko koloniak apirilaren 10etik 12ra eta 18tik 21era bitartean izango da, 10:30etik 13:30ak arte, Leitoki ikastolaren instalazi0etan. Era berean, aurten ere ‘Goiztiarrak’ zerbitzua eskainiko dute 08:00etatik 09:00etara.
Parte hartu nahi dutenek izena eman behar dute martxoaren 26a baino lehen Jane Jauregian. Horretarako, izena emateko fitxa bete beharko dute. Fitxa hori udal webgunean aurki daiteke eta ondoren kultura.ugao@ortzadar.es helbide elektronikora bidali behar da.
☉ Ugao
Jasangarritasunaren aldeko Scape Rooma antolatu dute asteburuan, Ugaon
Jarduera honetan, parte-hartzaileak “jasangarritasunaren aldeko scout talde” bihurtuko dira eta adimen joko jakin batzuekin lan egin beharko dute
Datorren irailaren 23an GJH Scape Rooma antolatu du Ugaoko Mirabatxo klubak Jane jauregian. Ugaoko Udalak babestutako jarduera hau 2013 eta 2015 urteen bitartean jaiotako gaztetxoei zuzenduta dago eta bertan, parte-hartzaileak “jasangarritasunaren aldeko scout talde” bihurtuko dira.
Escape room honen helburua 2030 Agendaren bereizgarriak biltzea izango da, eta horretarako logika eta dimen proba jakin batzuk gainditu beharko dituzte jokalariek.
Parteide kopuru handiena izateko asmoz, hiru txanda antolatu dituzte: 17:00etan, 18:00etan eta 19:00etan. Jardueran izena emateko azken eguna irailaren 20a izango da eta bi modutan egin daiteke: 946 480 704 telefono zenbakira deituz edo Jane jauregian, aurrez aurre.
Bestalde, ikasturteak ateak zabalduko dizkio Ugaoko Gaztelekuari ere: irailaren 21ean hasiko du zerbitzua (datorren ostiralean) 17:30etatik 21:00ak arte larunbatero eta 18:00etatik 21:00ak arte, igandero.
☉ Ugao
Aritz Irazabal ugaotarrak Euskal Pentatloiko finala jokatuko du Azpeitian
Irazabalek 13:37 denborarekin lortu zuen sailkapena eta hilaren 23an Aimar Irazabal anaia laguntzaile izango du Azpeitian
Ugaotarrak lehen mailako pentatloi sariko finala jokatuko du irailaren 23an Azpeitiko zezen plazan, joan den hilaren 9an jokatutako kanporaketan bosgarren postua eskuratu ostean: “12 kirolari izan ginen eta bosgarren postua eginda lortu nuen finalerako sailkapena”, azaldu dio GEURIAri ugaokoak. Irazabalek 13:37 denborarekin lortu zuen sailkapena eta hilaren 23an Aimar Irazabal anaia laguntzaile izango du beste bost kirolarirekin batera.
☉ Ugao
Argazkiak | 320 lagunek hartu dute parte Ugaoko jaietako Herri Indaba Janean
Ugaoko frontoian eta alboko karpan ez zen leku gehiagorik izan bazkaltiar gehiagorentzat, Harile Kultur Elkartetik azaldu digutenez
Harile Kultur Elkarteak, urtero bezala, Herri Indaba Jana prestatu zuen atzo Ugaoko jaietan eta jarduerako utzitako momentu batzuk bidali dizkigute erredakziora. Urteroko jarduera honek 320 lagun batu zituen atzo eta frontoia zein alboko karpa goraino egon ziren bazkalorduan.
☉ Ugao
Argazkiak | Ugaoko jaiak mela-mela eginda hasi dituzte txupinazoarekin
Herriaren plazara heltzean, txupinazorako minutu bi falta izan direnean euri zaparrada itzela bota du eta herritarrak ahal izan duten lekuetan ezkutatu dira
Gaur bertan hasi dira Ugaoko jaiak. Jaio berriei ongietorria ematen eta kuadrillen kalejirarekin hasi da herriko jaien ospakizuna. Herriaren plazara heltzean, txupinazorako minutu bi falta izan direnean euri zaparrada itzela bota du eta herritarrak ahal izan duten lekuetan ezkutatu dira: udaletxean, elizako arkupean, bolatokian, tabernetan, eszenatoki azpian…
Eguna eguraldi onarekin hasi bada ere, Ugaoko jaietako txupinazoa botatzerako orduan euri-zaparrada gogorra bota du. Ustekabean harrapatu ditu hainbat ugaotar eta pregoiaren eta txupinazoaren momentuan aterpeen bila sakabanatu dira herritarrak. Hala eta guztiz ere, Bernar Pascualek irakurri du bere pregoia eta Ekaitz Mentxaka alkateak txupinari su eman dio. Horrela hasi dira Ugaoko jaiak!
Langabezian dauden 73 herritar kontratatuko ditu Basauriko Udalak, iaz baino 10 gehiago
Usansolo herri gisa inskribatu ez izanaren aurka helegitea jarri du Galdakaoko Udalak
Etxebarriko Arcelor Mittal lantegian enplegu-erregulazio espediente berria ezarri nahi dute, “eskaeren beherakadagatik”
Argazkiak | Euskal Herriko Dantza Agerketak euri-jasa gogorrak saihestu ditu Basaurin
Argazkiak | Galdakaoko jaietako kuadrillen Herri Kirolak 40 argazkitan
Argazkiak | Zeinek prestatu du marmitakorik onena Galdakaoko santakurtzetan?
Bideoa | Sute batek Kareaga Goikoa kaleko etxebizitza bat kiskali du Basaurin
Basauri ‘2024ko Kirolaren Europako Hiria’ izateko hautagaia da
