Sareak

☉ Ugao

Ekainaren 13an eta 14an Ugaoko Erdi Aroko Azoka ospatuko da

|

ugao erdi aroko azoka kartela 2015

ugao erdi aroko azoka kartela 2015Lanbide berezien tailerrak, artisautza, janariak, falkoneria, ikuskizunak, haurrentzako jarduerak eta kale animazioa antolatu dituzte Ugaon ekainaren 13an eta 14an Erdi Aroko Azoka programazioaren barruan. Guztira 70 postu jarriko dituzte eta 11:00etatik 22:00ak arte egongo dira zabalik azoka.

 

☉ Ugao

Gabonetako Hiri Kolonietan izena emateko epea zabaldu dute Ugaon

Abenduaren 1etik 15era egongo da zabalik izena emateko epea

|

Hiri koloniak abenduaren 26tik urtarrilaren 5era egingo dira / Geuria

Urtero bezala Ugaoko umeek Hiri Kolonietaz gozatzeko aukera izango dute, abenduaren 26tik urtarrilaren 5era arte. 2013. eta 2019. urteen artean jaitako umeei zuzenduta dago, eta ordutegia 10:30etatik 13:30etara izango da.

Ordutegi horrek badauka ñabardura bat, baina, eta da goiztiarrenek 8:00etan eta 9:00etan joateko aukera izango dutela.

Leku mugatuak dira, eta izen emateari buruzko informazio guztia jane Jauregiko beheko solairuan emango dute.

Osorik irakurri

☉ Ugao

Argazkiak / Zaintzak pribatizatzearen kontrako aldarrikapena eraman dute Ugaora grebalariek

|

Ugaoko Greba Feminista Orokorra aldarrikapen eguna izan da Ugaon. Eguraldiak askorik lagundu ez duen arren, gogotsu ekin zioten grebari gauerdi partean kalejira zaratatsuarekin.

Dagoeneko egun argiz, hainbat izan dira antolatu dituzten ekintzak, hala-nola kalejira zaratatsua, pikete solidarioa, kafea eta salda, manifestazioa eguerdi partean, eta bukatzeko bazkari autogestionatua. Horren ondoren, eguneko momenturik hunkigarrienetakoa heldu da, parte hartzaileek bizipenak konpartitzeko tartea izan baitute.

16:00etan Bilborako bidea hartu dute, bertako manifestazioarekin bat egiteko.

Osorik irakurri

☉ Ugao

“Zuk erabaki” izenburupean 2024ko aurrekontu parte hartzaileak martxan jarri ditu Ugaoko Udalak

Abenduaren 4an baino lehen egin ahalko dituzte ekarpenak herritarrek

|

Telematikoki ere proposamenak jasoko dira // Geuria

Hamarkada bat bete da Ugaoko Udala aurrekontuak modu parte hartzailean lantzen hasi zenetik. 2024koei begira ere, dagoeneko hasi dira bidea urratzen. Lehen pauso moduan, udalak galdetegi bat zabaldu du herriko etxe guztietara, 2300 ale, hain zuzen ere, eta bertan ekarpenak egiteko argibideak daude. Modu berean, herriko hainbat lekutan ere galdetegiak jaso, bete eta utzi daitezke: Jane Jauregian, Gazteinfo Gazte Informazio gunean eta Kiroldegian, betiere abenduaren 4a baino lehen. Telematikoki ere proposamenak jasoko dira, imprimaki digital hau betez.

Aurrez aurreko bilerak

Modu berean, udal gobernua aurrez aurreko bilerekin hasi da, aurrekontuaren berri eman eta sortu daitezkeen zalantzak argitze aldera. Ekaitz Mentxaka alkateak gidatzen ditu bilerak, lehena azaroaren 21ean egin zuten, eta bigarrena 27an, 08:30etik 14:00etara edo 17:00etatik 19:00etara. Asmoa da bai bilera hauetan eta bai beste bideetatik jasotako ekarpen eta iradokizunak udal aurrekontuan txertatzea, betiere teknikoki eta ekonomikoki bideragarriak eta udal eskumeneko proposamenak badira. Egindako lanketa guztiaren emaitza eta aurrekontu proposamena bera abenduaren 11an aurkeztuko lukete udal arduradunek, Jane Jauregiko atikoan.

Bukatzeko, udal ordezkariek zehaztu dute prozesu hau abian jarri zenetik, “toki-administrazioak hainbat proiektu eta eskaera gauzatu dituela, hala-nola, gaur egun egiten ari diren kiroldegiko estalkia berritzeko lanak, San Bartolomeko arkupeak hobetzea eta ibaiaren ingurua udalerriaren erdigunearekin lotzea”.

Osorik irakurri

☉ Ugao

Euskara plazara jalgi nahi dute Ugaoko Helduon Euskara Topagunean

“Euskara plazara” lelopean, abenduaren 1ean 17:00etatik 20:00etara lau gune ezberdin prestatu dituzte herriko plazan

|

Helduon euskara topagunea Guraso Elkarteak eta AEK-k antolatu dute elkarlanean // Geuria

Euskararen Nazioarteko Eguna zertxobait aurreratuko dute aurten Ugaon, eta abenduaren 1erako ekimen interesgarria prestatu dute Ugaoko Guraso Elkarteak eta AEK-k elkarlanean: Helduon Euskara Topagunea, hain zuzen ere.

“Euskara plazara” lelopean, 17:00etatik 20:00etara lau gune ezberdin prestatu dituzte herriko plazan: alde batetik “Ugaoko Ikastolak 50 urte” deritzona egongo da. Bertan, garai hartako protagonistek testigantzak kontatuko dituzte. Aitzindari horietako batzuk azaroko Geurian protagonista izan ziren.

Bestetik, “Helduen berba jolasekin” etorria, irudimena eta umore ona landuko dituzte, eta “kafe txokoa” goxo-goxo berriketan aritzeko tokia izango da.

Bukatzeko, eta 18:30etatik aurrera, euskal kantagintzaren hitzaldia musikatua eskainiko du Andoni Tolosa Morau artistak.

Eguraldiak lagunduko ez balu ekintzak Jane Jauregiko egingo lirateke.

Osorik irakurri

☉ Ugao

Familientzako antzerki zikloa antolatu dute Ugaon

Abenduaren 3an, Euskararen Nazioarteko Egunean, emango zaio hasieran zikloari, “Loti Ederra” antezlanarekin, eta hurrengo bi larunbatetan segida izango du: abenduaren 10ean “Gure kanoa”  helduko da Ugaora, eta 17an “Olentzero eta irribarreak barra barra”

|

Euskararen Nazioarteko egunean hasiko da antzerki zikloa

Abenduarekin batera, antzerkiak bere urteroko hitzordua izango du Ugaoko familiekin. Udaleko Kultura sailak hiru antzezlanez osatutako zikloa antolatu du txiki eta ez hain txikien gozamanerako. Antzezlanak euskaraz izango dira, eta sarrera librea eta doan izango da.

Abenduaren 3an, Euskararen Nazioarteko Egunean, emango zaio hasieran zikloari, “Loti Ederra” antezlanarekin, eta hurrengo bi larunbatetan segida izango du: abenduaren 10ean “Gure kanoa”  helduko da Ugaora, eta 17an “Olentzero eta irribarreak barra barra”.

Toki eta ordutegiari dagokionez, eguerdiko 12:30ean izango dira antzezlan guztiak, Jane Jauregian. 

Osorik irakurri