→Ugao

Umeentzako hiru antzerki saio antolatu ditu Ugaok abenduan

ilabete honetako azken hiru igandeetan umeentzako antzerki saioak antolatu ditu Ugaoko Udalak, kultura sailaren bidez, ziklo honen laugarren edizioa ospatuz. Abenduaren 12an ‘Botadun Katua’ izango dugu, 19an ‘Meri, Mari eta Lari’ eta 26an ‘Plast & Co’ ikuskizuna. Hiru saioak 12:30ean antolatu dituzte Ugaoko Jane Jauregiko goiko solairuan.

'Meri, Mari eta Lari' Karegako Kale Artisten Plazan // Sorgina Elkartea

Hilabete honetako azken hiru igandeetan umeentzako antzerki saioak antolatu ditu Ugaoko Udalak, kultura sailaren bidez, ziklo honen laugarren edizioa ospatuz. Abenduaren 12an ‘Botadun Katua’ izango dugu, 19an ‘Meri, Mari eta Lari’ eta 26an ‘Plast & Co’ ikuskizuna. Hiru saioak 12:30ean antolatu dituzte Ugaoko Jane Jauregiko goiko solairuan.

Bertara hurbildu nahi direnek izena eman beharko dute 946 480 704 telefono zenbakira deituz edo kultur-etxea.ugao@bizkaia.org helbide elektronikora e-posta bidaliz. Aurrez aurre izena emateko aukera ere badago, Jane Jauregiko ordutegia honako hau izanik: astelehenetik ostegunera 08:30etatik 15:00ak arte eta 16:00etatik 18:00rak arte.

‘Meri, Mari eta Lari’ Karegako Kale Artisten Plazan // Sorgina Elkartea

Ikuskizunak, gertutik

BOTADUN KATUA: Amona batek errota zaharreko trasteak banatuko ditu iloben artean herentzia gisa eta proba modura: umetako bakoitzak gazteluko ateak irekitzea lortu beharko du jaso duen elementuaz baliatuta. Gazteluak aspaldi galdu zuen magia. Amonak ez du bere ilobek magia galtzerik nahi eta jolas honekin iloben irudimena eta kemena piztuko ditu. Amonak dioen moduan, ezina ekinez egina! Abrakuk, iloba gazteenak, jasotako bota zaharrei esker ezagutuko du katua, Botadun Katua. Elkarrekin ipuin zaharrak eta tradizioak jasoko dituzte herri inguruan. Arbasoen ondare kulturala eta ohiturak jasoko dituzte. Kultura-transmisioaren magiak, beharbada, gazteluko ateak irekiko ditu berriz.

MERI, MARI ETA LARI: Meri haurdun dago. Laster izango du umea.
Aspaldi ikusi gabeko Mari lagunarekin topo egingo du. Marik ez zekien Meri haurdun zegoenik. Ezusteko ederra jaso du. Eta iritsi da betiko galdera: umea zer izango den galdetu dio Marik Meriri. Zergaitik galdetu behar dugu neska ala mutila izango den?. Hori ez al du umeak berak aukeratuko etorkizunean?.Zergaitik mugatu bi aukera horietara?. Izan nahi duen guztia izango du aukerak umeak: ameslaria, dantzaria, pilotaría, borrokalaria, jostalaria.Horregatik jarriko diote Lari izena.

PLAST & CO.: Nerbio kolapsoaren ertzean dagoen gizon batek, hiri zaratatsuan bere pisua mendietan galdutako baserri abandonatu bategatik aldatzea erabakitzen du. Bere itxaropena han hainbeste irrikatzen duen barne bakea aurkitzea da, baina baserria itxuraz bezain lasaia da. Han bazeuden izaki arraro batzuk, etxetik alde egin nahi ez zutenak, Plast jaunaren, “Plast a Company” ren jabearen, aurkako gudu batean murgilduak, zeinak bere etxea plastiko nazkagarriz bete baitu. Alferrikako material horretatik libratzeko, premiaz aurkitu behar dute Nicasio, bere sortzaile eta etxeko nagusi zaharra, kaosa dagoen bitartean ordena pixka bat ezar dezakeen bakarra baita. Bestalde, gure protagonistak ere bilatu behar du, izaki astun hauengandik libratzeko. Hala ere, eta guztien etsipenerako, Nicasiok ez du bizi seinalerik ematen, eta badirudi ez dela inoiz itzuliko.

Gora

Geuria Laguntzaileak Geuria Laguntzaileak