Sareak

☉ Ugao

Ugaok bandera berria izango du eta baditu lehenengo memeak

Ugaok bandera propioa izatearen aldeko botua eman diete Batzar Nagusiek. Ugaoko 2020ko urriaren 27ko osoko bilkuran proposamen hura EAJren aldeko botua eta EH Bilduko abstentzioagaz gainditu zuten.

|

Ugaoko bandera // Ugaoko Udala

Ugaok bandera propioa izatearen aldeko botua eman diete Batzar Nagusiek. Ugaoko 2020ko urriaren 27ko osoko bilkuran proposamen hura EAJren aldeko botua eta EH Bilduko abstentzioagaz gainditu zuten. Juan José González Bilboko bixilogoaren diseinu hark zeresan ugari eman zituen ugaotarren artean, eta sare sozialak herritarren proposamenez eztali ziren egun batzuetan zehar.

2020an herritarrek egindako memeak // utzitakoak

“Ugaok bandera propioa izateak hiribilduarekiko sentimendua indartzea ekar dezake, funtsezkoa gure herriko identitate pertsonala eta kulturala definitzeko orduan”, azaldu du Ekaitz Mentxaka Ugaoko alkateak. EH Bilduk bestelako iritzia izan zuen 2020ko osoko bilkuran: “Udal bandera sortzeko proposamenean Ugaoko EH Bildu abstenitu da. Guk ez dugu bakarrik ikusten herriak bandera bat eduki behar izateko, eta hare gutxiago orain. Galdutako ikur historikoren bat berreskuratzeaz arituko bagina, behar bada uler genezake, baina ezerezetik sortzeari ez diogu inolako zentzurik ikusten”, azaldu zuten alderditik. “Herritarren artean banderarako lehiaketa bat egitera proposatu genuenean lan hori ezin duela inork egin esan ziguten”, azaldu du EH Bilduko Maider Gaztaka ordezkariak abstentzioaren zergatiaz galdetu zaionean.

Artea, Ugaoko isla

Antzeko kasua gertatu da Artean: “Historiaren ikuspuntutik bestelako bandera bat planteatu ahal zitekeen, eta herria identifikatzeko sinboloa izanik guztion adostasunagaz erabakiko beharko litzateke”, azaldu zuen EH Bildu alderdiak eta Aldatuz plataformak bat egin zuen abertzaleen botuagaz.

Batzar Nagusietako ordezkariek alderdien noranzko bera jarraitu zuten eta aldeko 40 botu eta 10 abstentzio izan ziren emaitzak.

 

Bandera propioa izango du Ugaok lehen aldiz

☉ Ugao

Jasangarritasunaren aldeko Scape Rooma antolatu dute asteburuan, Ugaon

Jarduera honetan, parte-hartzaileak “jasangarritasunaren aldeko scout talde” bihurtuko dira eta adimen joko jakin batzuekin lan egin beharko dute

|

Neska bat, escape room batean // Wikipedia

Datorren irailaren 23an GJH Scape Rooma antolatu du Ugaoko Mirabatxo klubak Jane jauregian. Ugaoko Udalak babestutako jarduera hau 2013 eta 2015 urteen bitartean jaiotako gaztetxoei zuzenduta dago eta bertan, parte-hartzaileak “jasangarritasunaren aldeko scout talde” bihurtuko dira.

Escape room honen helburua 2030 Agendaren bereizgarriak biltzea izango da, eta horretarako logika eta dimen proba jakin batzuk gainditu beharko dituzte jokalariek.

Parteide kopuru handiena izateko asmoz, hiru txanda antolatu dituzte: 17:00etan, 18:00etan eta 19:00etan. Jardueran izena emateko azken eguna irailaren 20a izango da eta bi modutan egin daiteke: 946 480 704 telefono zenbakira deituz edo Jane jauregian, aurrez aurre.

Bestalde, ikasturteak ateak zabalduko dizkio Ugaoko Gaztelekuari ere: irailaren 21ean hasiko du zerbitzua (datorren ostiralean) 17:30etatik 21:00ak arte larunbatero eta 18:00etatik 21:00ak arte, igandero.

Osorik irakurri

☉ Ugao

Aritz Irazabal ugaotarrak Euskal Pentatloiko finala jokatuko du Azpeitian

Irazabalek 13:37 denborarekin lortu zuen sailkapena eta hilaren 23an Aimar Irazabal anaia laguntzaile izango du Azpeitian

|

Ugaotarrak lehen mailako pentatloi sariko finala jokatuko du irailaren 23an Azpeitiko zezen plazan, joan den hilaren 9an jokatutako kanporaketan bosgarren postua eskuratu ostean: “12 kirolari izan ginen eta bosgarren postua eginda lortu nuen finalerako sailkapena”, azaldu dio GEURIAri ugaokoak. Irazabalek 13:37 denborarekin lortu zuen sailkapena eta hilaren 23an Aimar Irazabal anaia laguntzaile izango du beste bost kirolarirekin batera.

Osorik irakurri

☉ Ugao

Argazkiak | 320 lagunek hartu dute parte Ugaoko jaietako Herri Indaba Janean

Ugaoko frontoian eta alboko karpan ez zen leku gehiagorik izan bazkaltiar gehiagorentzat, Harile Kultur Elkartetik azaldu digutenez

|

Bazkaltiarrak, Ugaoko frontoian eta alboko karpan // Harile Kultur Elkartea

Harile Kultur Elkarteak, urtero bezala, Herri Indaba Jana prestatu zuen atzo Ugaoko jaietan eta jarduerako utzitako momentu batzuk bidali dizkigute erredakziora. Urteroko jarduera honek 320 lagun batu zituen atzo eta frontoia zein alboko karpa goraino egon ziren bazkalorduan.

Osorik irakurri

☉ Ugao

Argazkiak | Ugaoko jaiak mela-mela eginda hasi dituzte txupinazoarekin

Herriaren plazara heltzean, txupinazorako minutu bi falta izan direnean euri zaparrada itzela bota du eta herritarrak ahal izan duten lekuetan ezkutatu dira

|

Herritarrak, barraketan ostenduta // Geuria

Gaur bertan hasi dira Ugaoko jaiak. Jaio berriei ongietorria ematen eta kuadrillen kalejirarekin hasi da herriko jaien ospakizuna. Herriaren plazara heltzean, txupinazorako minutu bi falta izan direnean euri zaparrada itzela bota du eta herritarrak ahal izan duten lekuetan ezkutatu dira: udaletxean, elizako arkupean, bolatokian, tabernetan, eszenatoki azpian…

Osorik irakurri

☉ Ugao

Bideoa | Euripean hasi dituzte jaiak Ugaon!

|

Eguna eguraldi onarekin hasi bada ere, Ugaoko jaietako txupinazoa botatzerako orduan euri-zaparrada gogorra bota du. Ustekabean harrapatu ditu hainbat ugaotar eta pregoiaren eta txupinazoaren momentuan aterpeen bila sakabanatu dira herritarrak. Hala eta guztiz ere, Bernar Pascualek irakurri du bere pregoia eta Ekaitz Mentxaka alkateak txupinari su eman dio. Horrela hasi dira Ugaoko jaiak!

Osorik irakurri