Ugaoko EH Bilduk larunbat honetan egin du maiatzeko herri hauteskundeetarako zerrendaburuak hautatzeko barne prozesua. Eta alderdikideek ahobatez berretsi dute, beste behin, Maider Gaztakaren alkatetzarako proposamena. 2019ko hauteskundeetan ere Gaztaka izan zen Bilduren zerrendaburua, eta EAJk hauteskundeak irabazi ondoren, egun, oposizioko zinegotzia da. Jeltzaleek, Ekaitz Mentxaka alkatearekin, zazpi eserleku dauzkate eta EH Bilduk, berriz, lau.
