→Ugao

Familientzako dantzaldia, mintzodromoa eta antzezlanak egongo dira Ugaoko Euskaraldian

Euskaraldia azaroaren 18tik abenduaren 2ra artean egingo dute aurten, eta Ugaon, ekitaldiari ongietorria egiteko, euskarazko egutegi kultural zabala prestatu dute

"Perez sagutxoa" antzezlana // gluglu.eus

Euskaraldia azaroaren 18tik abenduaren 2ra artean egingo dute aurten, eta Ugaon, ekitaldiari ongietorria egiteko, euskarazko egutegi kultural zabala prestatu dute. Musika, antzezlanak eta mintzodromoa antolatuko dituzte ekimenak irauten duen bi asteetan zehar.

Lehen ostiralean (azaroak 18an), herritik zehar, Kalean kantuz zuzeneko musika eskainiko dute Iraidek eta Ziortzak, 19:30etik aurrera. Azaroaren 25ean, Ostiralero antzerkiarekin bat ekimenaren barruan, Ez dok ero desentxufatua antzezlana antolatu dute Mikel Martinezek eta Patxo Telleriak Jane Jauregian, 20:00etan. Asteazkenean, berriz (azaroak 30), herritar guztientzako ekitaldia egingo dute Herriaren enparantzan: Mintzodromoa. 18:30ean, euskara praktikatzeko bilduko dira ugaotarrak plazan.

Abenduan, euskararen egunean egingo dute lehen ekitaldia. Familia guztiek parte hartzeko, Dantzatzeko prest jaialdia egingo dute Herriaren enparantzan, 18:00etan. Hurrengo egunean, abenduaren 4an, Perez sagutxoa haurrentzako antzezlana eskainiko dute, 12:30ean, Jane Jauregian.

UGAOKO EUSKARALDIA, 2022 | PROGRAMAZIOA

Azaroak 18, ostirala
Kalean kantuz
Iraide eta Ziortza
19:30

Azaroak 25, ostirala
Ez dok ero desentxufatua
Mikel Martinezek eta Patxo Telleria
Jane Jauregian
20:00

Azaroak 30, asteazkena
Mintzodromoa
Herriaren Enparantza
18:30

Abenduak 3, larunbata
Dantzatzeko prest
Herriaren enparantza
18:00

Abenduak 4, igandea
Perez sagutxoa antzezlana
Jane Jauregia
12:30

Gora

Geuria Laguntzaileak Geuria Laguntzaileak