→Ugao

Ugaoko eskolako saneamendu sistema berritzeko obrak hasi dituzte

Lanak burutzeko, hiru hilabete beharko dituzte, baina, bitartean, ikastetxeak betiko funtzionamenduari eutsiko dio

Eskolako saneamendu sarea egokitzeko obrak // Ugaoko Udala

Ugaoko eskolako saneamendu sarea berritu eta Ur Partzuergoko lehen mailako kolektorearekin konektatzeko obrak hasi ditu Udalak. Lanak burutzeko, hiru hilabete beharko dituzte, baina, bitartean, ikastetxeak betiko funtzionamenduari eutsiko dio, aldaketek ez dutelako klaseen garapen normalean, ez jardueran eraginik izango.

Obrek sarearen funtzionamendua hobetzeaz gain, onbideratzearen isurketari buruzko araudi aplikagarria betetzeko balioko dute; izan ere, egungo hoditeria 1986 urtekoa da, eta berrikuntzen premia dauka, urak behar bezala tratatzeko bermea izateko. Egokitzapenetarako, Udalak 271.000 euroko inbertsioa egingo du, eta horretarako baliatuko du udal jabetzako eraikinetan obrak egiteko aurrekontua, Eusko Jaurlaritzaren Udalaguntza programatik jasotako 122.000 euroko dirulaguntza barne.

Gora

Geuria Laguntzaileak Geuria Laguntzaileak