Sareak

☉ Zeberio

Egitaraua / Martxan da Zeberioko Abendu Kulturala, hilaren 2tik urtarrilaren 5era arte

Umeentzako tailerrak, mendi irteerak, esku pilota partidak eta Gabonetako ekintzak egongo dira aste honetan hasi eta urtarrilaren 5era arte

|

Olentzero Zeberion // Artxiboa

Herriko taldeek eta Udalak hainbat ekintza antolatuko dituzte hile honetan zehar, Zeberioko Abendu Kulturalaren baitan. Abenduaren 2ko ekintzez eta Euskararen Eguneko programazioaz aparte, umeentzako tailerrak, mendi irteerak, esku pilota partidak eta Gabonetako ekintzak egongo dira aste honetan hasi eta urtarrilaren 5era arte.

ZEBERIOKO ABENDU KULTURALA, 2022 / PROGRAMAZIOA

Abenduak 2, ostirala
17:30. Anatomia tailerra
Kultur Etxean
19:30. Aketegiko Mari ikus-entzunezkoa
Udaletxeko bigarren solairuan

Abenduak 3, larunbata
Euskararen Eguna
11:00. Ibilaldia (Zubialde-Ermitabarri) eta gaztaina jana
Plazan
18:30. Umeentzako ekintzak
Aterpean
20:00. Disko festa
Aterpean

Abenduak 11, igandea
07:00. Irteera: Orio-Zumaia (GR 121)
Plazan

Abenduak 14, asteazkena
17:00. Hitzaldia: Cómo afrontar la ansiedad (Zuentzat)
Kultur Etxean

Abenduak 15, osteguna
17:00. Tailerra: Gabonetako apaingarriak
Kultur Etxean
19:00. Dokumentala
Kultur Etxean
Abenduak 16, ostirala
18:30. Ballet erakustaldia
Frontoian
19:30. Kepa Junkera berpiztu filma
Udaletxeko bigarren solairuan

Abenduak 18, igandea
10:00. Bizkaiko eskolarteko banakako esku pilota txapelketa
Frontoian

Abenduak 19, astelehena
18:00. Musika entzunaldia
Kultur Etxean

Abenduak 20, asteartea
Familia ginkana

Abenduak 23, ostirala
17:00. Gazteentzako irteera: Scape Room
Plazan

Abenduak 24, larunbata
17:00. Olentzero
Aterpean

Abenduak 26, astelehena
12:30. San Esteban. Etxazo. Herri kirolak

Abenduak 27, asteartea
18:30. Erakusketa: Zeberioztarrak Ameriketan, lau mendetan zehar
19:00. Hitzaldia: Zeberioztarrak Ameriketan, lau mendetan zehar
Kultur Etxean

Abenduak 28, asteazkena
11:30. Sukaldaritza saioa, gazteenzat
Gaztelekuan
18:30. Erakusketa: Zeberioztarrak Ameriketan, lau mendetan zehar
Kultur Etxean

Abenduak 29, osteguna
11:30. Gabonetako parkea
Aterpean
12:30. San Tomas Zaharra

Abenduak 30, ostirala
17:00. Esku pilota
Frontoian

Abenduak 31, larunbata
10:00. Irteera: San Silbestre, Tontorrandi
Plazan

Urtarrilak 5, osteguna
12:00-14:00. Gazteentzako ekintzak
Aterpean

☉ Zeberio

Egun osoko egitaraua prestatu dute Zeberion Euskararen Nazioarteko Egunaren harira

Hainbat elkartek, udalarekin elkarlanean, egitarau oparoa prestatu dute, goizean goizetik hasita eta arratsaldeko azken ordurarte

|

Egun osoko egitaraua prestatu dute / Geuria

Zeberioztarrentzat egun garrantzitsua da Abenduaren 3a, Euskararen Nazioarteko Eguna. Hainbat elkartek, udalarekin elkarlanean, egitarau oparoa prestatu dute, goizean goizetik hasita eta arratsaldeko azken ordurarte.

Eguneko lehen hitzordua 11:30ean izango da, eta etxeko txikienek izango dute zer ikasi eta zer gozatu: taloak egiteko txokoa, kamisetak eta txapak margotzeko txokoa eta karaoke txokoa prestatu dituzte eurentzat.

Ondoren, eta eguerdi partea girotzeko, 12:30ak aldera, Jon eta Maiderren kale animazioaz gozatu ahal izango dute txiki eta ez hain txikiek. Dantzan eta kantuan aritzeko aukeraz gain, gaztaina goxo-goxo batzuk jateko parada izango dute.

Ordubete geroago, 13:30ean, ekitaldia egingo da.

Eguna ezin hobeto bukatzeko, arratsaldeko  19:00etan Irati film magikoarekin itxiko dute egun berezi hau.

 

Osorik irakurri

☉ Zeberio

Azaro feministari hasiera emango diote gaur Zeberion

Gaurtik hasita, eta datorren larunbata bitartean hainbat ekitaldi antolatu dituzte: dokumentala, dantza ikuskizuna eta elkarretaratzea, hurrenez hurren

|

Iazko azaro feministako ekitaldi bat

Azaroaren 25aren bueltan programazio oparoa prestatu dute Zeberion. Gaurtik hasita, eta datorren larunbata bitartean hainbat ekitaldi antolatu dituzte aurtengo azaro feministan: dokumentala, dantza ikuskizuna eta elkarretaratzea, hurrenez hurren.

Gaur bertan, arratsaldeko 18:30ean “Volar” dokumentala eskeiniko dute udaletxeko bigarren solairuan, eta ondoren solasaldia egingo dute filmeko protagonistekin.

Lan honek erakusten duen moduan, genero-indarkeriak ez du mugarik ez gizarte-klaserik ezagutzen. Film honek bederatzi euskal emakume biltzen ditu, bederatzi profil desberdinetakoak. Guztiek gizonen indarkeria jasan dute, oso urte zailak igaro dituzte, baina azkenean gainditzea lortu eta gaur egun arazo global hori agerian uzteko borrokatzen ari dira. Dokumentalean, bederatzi emakumeek asteburu bat igarotzen dute landa eremuan, eta han hitz egiten, gogoratzen, hausnartzen eta argitzen dute indarkeria horrek dakarren guztiaren inguruan.

Etzi, azaroak 24, “Etzanderak” dantza ikuskizuna eskainiko dute frontoian, arratsaldeko 19:30ean. Musika, dantza, historia eta feminismoa uztartzen dituen ikuskizun berezia da, zer pentsatua ematen duena, hunkigarria eta iradokitzailea.

Bukatzeko, azaroaren 25ean, eta Emakumeen Kontrako indarkeria ezabatzeko Nazioarteko Eguna dela eta, elkarretaratzea egingo dute, 13:00etan udaletxe aurrean.

 

Osorik irakurri

☉ Zeberio

Haurren sexu-abusua eta tratu txarrak prebenitzeko eta ikusarazteko hitzaldia egingo dute Zeberion larunbatean

“Haurren sexu-abusua eta tratu txarrak prebenitzeko eta ikusarazteko” hitzaldia Maitane Urizar Elorza EHU-ko irakasleak gidatuko du

|

Pepe Godoyk "Shame European stories" erakusketan parte hartu zuen // Justice Initiative

Haurtzaroko eta nerabezaroko sexu-abusuen arazoa gaurkotasun handiko gaia da mundu osoan. Lau neskatotik batek eta 7 mutikotatik batek sexu-indarkeria pairatu du, pairatzen ari da edo jasango du, kasu gehienetan 13 urte bete baino lehen, eta eraso horien erantzulea bere familiako edo gertuko pertsona bat izango da ehuneko handi batean (% 65-85). Haurren eta nerabeen aurkako sexu-abusuek epe laburrean eta luzean ondorio larriak ekar ditzaketen arren, gaur egun horren inguruan dauden ikerketak, informazioa eta prestakuntza eskasak dira. 

Maitane Urizar Elorza EHU-ko irakaslearen “Rompiendo el secreto de los abusos sexuales contra la infancia y la adolescencia” liburuan jasotzen diren datu kezkagarriak dira hauek. Urizar gai horretan aditua da, eta datorren azaroaren 18an, larunbata, “Haurren sexu-abusua eta tratu txarrak prebenitzeko eta ikusarazteko” hitzaldia eskainiko du Zeberioko udaletxean, 11:00etatik 13:00etara. Antolatzaileen hitzetan, ” haurrak etorkizuna dira, eta gure erantzunkizuna da haiek babestea”.  Hitzaldi honetan formazio teoriko eta praktikoa eskainiko zaie bertara hurbiltzen diren herritarrei.

Lau neskatotik batek eta 7 mutikotatik batek sexu-indarkeria pairatu du, pairatzen ari da edo jasango du, kasu gehienetan 13 urte bete baino lehen, eta eraso horien erantzulea bere familiako edo gertuko pertsona bat izango da ehuneko handi batean (% 65-85)

Modu berean, Pepe Godoy basauriarrak parte hartu duen  ‘Shame-European stories’ erakusketaren argazkietako batzuk eramango dituzte udaletxe sarrerara. Godoyk sexu abusuak pairatu zituen bere futbol entrenatzailearen aldetik, eta ekimen honen barruan  biktimek beren testigantzak eta erretratuak partekatu zituzten.

Osorik irakurri

☉ Zeberio

Bizkargi mendilerrora irteera antolatu du Austarri Mendi Taldeak

Zeberioko Austarri Mendi Taldeak bere urteko programazio aberatsarekin aurrera jarraitzen du, eta oraingoan azaroaren 25erako prestatu duten irteeraren berri eman dute: Bizkargi mendilerroa. 

|

Santa Kurtz baseliza // argazkia: mendikat

Zeberioko Austarri Mendi Taldeak bere urteko programazio aberatsarekin aurrera jarraitzen du, eta oraingoan azaroaren 25erako prestatu duten irteeraren berri eman dute: Bizkargi mendilerroa.

Larrabetzu, Muxika, Morga eta Zornotza arteko mugan kokatzen den Bizkargik natura eta historia uztartzen ditu bere 555 metroetan. Gailurrean Santa Kurtz baseliza kokatzen da, eta Espainiako Gerra Zibilean bere garrantzia izan zuen mendilerro honek, borrokaldi odoltsuak eman baitziren bertan. Hori dela eta, urtero-urtero maiatzeko lehen igandean gudariei omenaldia egiten zaie bertan.

Ibilaldiaren nekeak arintzeko, gainera, Morgako Talleri Barria upategian egingo dute indaba jana.

Izena emateko azken eguna azaroaren 25a da.

 

Osorik irakurri

☉ Zeberio

Neguko Azokak Azkuetaren gazta, Barazkiloko barazkiak eta Artesako ogia ekarriko ditu Zeberiora

Azokak 10:00etatik 15:00ak arteko ordutegia izango du eta Zeberioko Udaletik iragarri dute txosna bat ipiniko dutela Zubialden

|

Aitor Azkueta // Geuria

Azaroaren 26an Neguko azoka antolatu du Gorbeialde elkarteak Zeberion eta aurten 11 saltoki ipiniko dituzte Zubialdeko plazan. Horien artean Zeberioko hiru ekoizle izango ditugu: Saldarian auzoko Aitor Azkueta, Barazkiloko Nadia López eta Artesako Txufer Garay eta Javier Martinez izango dira euren produktuak saltzen. Azokak 10:00etatik 15:00ak arteko ordutegia izango du.

Hiru ekoizleak eta euren lana gertutik ezagutu izan dugu GEURIAn. Horregatik, bertako gazta, barazkiak eta ogia erosteko aukera paregabea izango dute Zubialdera hurbilduko diren herritarrek. Joan den urriaren 19an Ekain Goti Zeberioko alkateak GEURIAri aurreratu bezala, asmoa 20 saltoki inguru ipintzea zen, eta bertan, azokaz gainera txosna bat ipiniko zutela gehitu zuen.

Osorik irakurri