→Zeberio

Mendibil eta Baldaburu mendietara irteera antolatu du Zeberioko Austarri taldeak

Izena-emateko, hilaren 26ra arte egongo da epea

Austarri mendi taldeko kideak // Utzitakoa

Zeberioko Austarri Mendi Taldeak Mendibil (613 metro) eta Baldaburu (469 metro) tontorretara igotzeko irteera antolatu du urtarrilaren 29an, igandean. Herritik 08:00etan abiatuko dira Trabakua mendaterantz, eta bi gailurrak igaro eta gero, Markina herrira jaitsiko dira: guztira 12 kilometroko ibilbidea.

Izena-emateko, hilaren 26ra arte egongo da epea. Interesa dutenek mendi taldearen lokalean (ostiraletan, 20:00etatik 21:00etara) eman beharko dituzte datuak, austarrimenditaldea@gmail.com helbidera idatzita edo 665735054 zein 656415597 telefonora deituta.

Bazkideak diren helduentzako, zortzi eurokoa izango da inskripzioa, eta laukoa, umeentzako. Austarrikoak ez diren lagunek, hurrenez hurren, hamar eta bost euro ordaindu beharko dituzte parte hartzeko.

Gora

Geuria Laguntzaileak Geuria Laguntzaileak