Sareak

☉ Ugao

Iritzia / Ugaotarrak 1959ko Arrankudiagako Berakatz Egunean

Zenbat argazki zuri beltz falta dira interpretatu eta erakusteko? Ia gehienak. Lagun batek honako hau helarazi dit. Aitarena. Ez nuen ezagutzen.

|

Zenbat argazki zuri beltz falta dira interpretatu eta erakusteko? Ia gehienak. Lagun batek honako hau helarazi dit. Aitarena. Ez nuen ezagutzen. Eta Manu Solagurenengana noa, Ugaoko katedradun eta informatzailea.

Argazkian Ugaoko gazte hauek ageri dira, Arrankudiagan. Berakatz Eguna da, alboko herriko urteko gizarte-egutegiaren festa nagusia da. Argazkia eman didanak zera esan dit: bertan agertzen direnak oinez joan eta etorri zirenez, ez zegoela Bizkaibusik. Ezta errepideko zirkulaziorik, edo gutxi, egotekotan.

Ugaotarrak // Javier García Rodrigo

Izenak jarriko dizkiegu argazkikoei. Goikaldekoak lehendabizi, sei guztira. Behekaldean hiru daude, belauniko.

Zutik, Emita Landeta Ferrero, Angelita Barrenechea Díaz, Dede (Andrés) Patachon Redondo. Behekaldean eta erdi belauniko, Fuensanta Uriarte Idirin. Conchi Ereñok sorbalda ukitzen dio. Conchi Lajusticia jauregira etorri zen lan egitera, gaur Jane Kultur Etxea bezala ezaguna. Ilara honetan, jarraian, Pepe Leiva Dorado dago.

Behekaldean, eskua ezkerreko masailean jarrita daukala, Chuchi Rodríguez Ferrero dago. Erdian ‘La Navarra’, María Santos Baigorri. Azkenik, sandalia batzuekin eta esku biekin bernak eusten dituela, Conchi Arcellares Alonso.

62 urte igaro dira aitak argazkia atera zuenetik (Javier García Rodrigo), atzean arkatzez ‘210-23’ jartzen duelarik. Zenbaki hauek negatibo eta karrete zenbakiaren erreferentziak dira. Argazkiak aitak berak errebelatzen zituen estankoaren atzekaldean, Udiarraga kalean, San Bartolome parrokiaren aurrean.

Iñaki García Uribe

☉ Ugao

Bideoa / Ugaon emakume batek jasandako erasoa salatu dute ehunka herritarrek

|

Pasa den igande arratsaldean emakume batek erasoa jasan zuen 35 urteko gizon batengandik Usila industriagunean, Ugaon. Gizonak laban batekin eraso egin zion eta Gurutzetako ospitalera eraman behar izan zuten emakumea, bularraldean eta bizkarrean ebakiak izan zituelako. Emakumea arriskutik kanpo dago.

Gizona Ertzaintzak atxilotu zuen eta Basauriko espetxean sartu zuten, giza hilketaren saiakera leporatuta.

Erasoa salatzeko elkarretaratzea deitu du gaur 19:00etan Ugaoko udaletxeko plazan herriko mugimendu feministak. Udal ordezkariak kontzentrazioarekin bat egiteaz gain, ehunka herritar batu dira biktimari bere elkartasuna adierazteko eta aldarrikatzeko ez dela erasorik egongo erantzunik eman gabe.

Osorik irakurri

☉ Ugao

Ugaoko erasoa salatzeko elkarretaratzea deitu dute herriko mugimendu feministak eta Udalak

Hiru puntu dituen adierazpena onartu dute EAJk eta EH Bilduk. Lehenengoan arma zuriz zauritutako emakumeari elkartasuna adierazi eta erasoa “irmoki salatu” dute

|

Emahots talde feministaren elkarretaratzearekin bat egin du Udalak // Geuria

Atzo arratsaldean gizon batek emakume bat erasotu zuen Ugaon arma zuri batekin, Usila industriagunean, Ugaondo diskotekaren alboan. 

 

Emakumeak bularraldean eta bizkarrean ebakiak izan zituen eta Gurutzetako ospitalera eraman zuten. Momentu honetan ospitaleratuta jarraitzen du emakumeak.

Gertakari honen aurreran, hiru puntu dituen adierazpena onartu dute EAJk eta EH Bilduk. Lehenengoan arma zuriz zauritutako emakumeari elkartasuna adierazi eta erasoa “irmoki salatu” dute.

Halaber, bigarrenean zera diote: “Udalak biktimaren eskura jartzen ditu arreta eta laguntza juridiko, sozial eta psikologikoko zerbitzuak, bai eta behar duen laguntza guztia ere”.

Bukatzeko, Emahots kolektibo feministak biharko deitu duen elkarretaratzearekin (19:00etan herriko plazan) bat egin dute udaletik.

Osorik irakurri

☉ Ugao

Basauriko espetxean sartu dute atzo Ugaon emakume bati eraso egin zion gizona

|

Basauriko espetxean sartu dute 35 urteko gizona // Geuria

Atzo arratsaldean Ugaon 35 urteko gizon bat atxilotu zuen Ertzaintzak, Usila industriaguneko diskoteka baten aparkalekuan emakume bati arma zuri batekin bost aldiz eraso egin ondoren. Atxilotutakoa Basauriko espetxean sartu dute.

Erasoa atzo arratsaldeko 17:30ean izan zen, Ugaondo diskotekaren kanpokaldean. Dantzalekuko segurtasun kamerek grabatutako irudietan ikus daiteke gizonezkoa, geldirik dagoen auto batera gerturatu eta gidariaren alboko eserlekuan eserita eta atea zabalik duen emakumeari behin eta berriz labana batekin eraso egiten diola. Ondoren, biktima korrika ageri da, eta erasotzaileak atzetik jarraitzen dio.

Emakumeak bularraldean eta bizkarrean ebakiak izan zituen eta Gurutzetako ospitalera eraman zuten. Momentu honetan ospitaleratuta jarraitzen du emakumeak.

Ertzaintzak baieztatu duenez, emakumea eta gizona ez dira ez bikote ez bikotekide ohiak, eta ez dira kasua genero indarkeria gisa ikertzen ari.

Udalaren gaitzespena

Ugaoko Udalak “irmo” gaitzetsi du erasoa eta elkartasuna adierazi dio emakumeari: “Udalak biktimaren eskura jartzen ditu arreta eta laguntza juridiko, sozial eta psikologikoko zerbitzuak, bai eta behar duen laguntza guztia ere”, adierazi dute.

Bihar, uztailak 16, 19:00etan elkarretaratzea deitu dute Ugaoko udaletxe aurrean: herriko mugimendu feministak eta Ugaoko udalbatzak dei egiten diete herritarrei elkarretaratzearekin bat egiteko.

Osorik irakurri

☉ Ugao

Ugaon zauritutako emakumeak Gurutzetan jarraitzen du ospitaleratuta

|

Atzo arratsaldean gizon batek emakume bat erasotu zuen Ugaon arma zuri batekin, Ugaondo industriagunean.

Emakumeak bularraldean eta bizkarrean ebakiak izan zituen eta Gurutzetako ospitalera eraman zuten. Momentu honetan ospitaleratuta jarraitzen du emakumeak.

Ertzaintzak baieztatu duenez, emakumea eta gizona ez dira ez bikote ez bikotekide ohiak, eta ez dira kasua genero indarkeria gisa ikertzen ari.

Erasoa atzo arratsaldeko 17:30ean izan zen, Ugaondo diskotekaren kanpokaldean. Dantzalekuko segurtasun kamerek grabatutako irudietan ikus daiteke gizonezkoa, geldirik dagoen auto batera gerturatu eta gidariaren alboko eserlekuan eserita eta atea zabalik duen emakumeari behin eta berriz labana batekin eraso egiten diola. Ondoren, biktima korrika ageri da, eta erasotzaileak atzetik jarraitzen dio.

Ertzaintzak erasotzailea atxilotu zuen: 35 urte ditu eta hilketa saiakera egotzi diote.

Udalaren gaitzespena

Ugaoko Udalak “irmo” gaitzetsi du erasoa eta elkartasuna adierazi dio emakumeari: “Udalak biktimaren eskura jartzen ditu arreta eta laguntza juridiko, sozial eta psikologikoko zerbitzuak, bai eta behar duen laguntza guztia ere”, adierazi dute.

Bihar, uztailak 16, 19:00etan elkarretaratzea deitu dute Ugaoko udaletxe aurrean: herriko mugimendu feministak eta Ugaoko udalbatzak dei egiten diete herritarrei elkarretaratzearekin bat egiteko.

Osorik irakurri

☉ Ugao

Ugaon gizon bat atxilotu dute diskoteka baten ondoan emakume bati labanaz erasotzeagatik

|

Sareetan zabaldutako erasoaren momentua // Twitter

Ertzaintzak jakinarazi du atzo arratsaldean Ugaon 35 urteko gizon bat atxilotu zuela, “diskoteka baten aparkalekuan emakume bati arma zuri batekin bost aldiz eraso egin ondoren”.

Biktima Gurutzetako ospitalera eraman behar izan zuten, toraxean eta bizkarrean ebakiak zituelako.

Ertzaintzak arratsaldeko 17:30ean dei bat jaso zuen gertaeraren berri emateko, eta hurbildu zirenean “polizia-dotazioek egiaztatu ahal izan zuten diskotekako segurtasun-langileek gizon bat zutela atxikita, emakume bati ustez arma zuri batekin eraso egin ziolako”. 

Hori horrela, “eskuetan ebakiak zituen inplikatua identifikatu zuten, eta giza hilketaren saiakera leporatuta atxilotu zuten”.

Osorik irakurri