Sareak

☉ Arrigorriaga

Hausnar dezagun: Gizonezkoen txokoak

Badira hainbat tradizio min ematen dutenak, ez direnak herri baten kulturaren erakusle hutsak. Badira hainbat tradizio inguruan arrastoa uzten dutenak, ez direnak ospakizun hutsak. Badira hainbat tradizio kulturaz haratago doazenak; zapalkuntza eragiten dutenak. Badira hainbat tradizio gaurko gizartera egokitu behar direnak.

Elkarte Gastronomikoek presentzia handia izan dute gure gizarte eta aisialdian. Betidanik ospatu ditugu poztasunak edota tristurak mahai baten inguruan, familia zein lagunez inguraturik. Eroso gaude espazio ezagun hauetan, gure saltsan, sobremesa luzeetaz disfrutatzen. Hori da hain zuzen ere gure izaera, gure tradizioa. Baina gure kulturak, gure izaerak ezin du sexurik izan. Gaur egun, oraindik, badira emakumeak bazkide bezala onartzen ez dituzten horrelako elkarteak, are gehiago, badaude emakumeak noiz, nola eta norekin sar gaitezkeen arautuak dituzten elkarteak. Arrigorriagan bada horrelakorik, Eperra aisialdi elkartea adibidez, eta onartezina da.

Emakumeak diskriminatzen dituzten espazio hauen aurrean ezin da beste nonbaitera begiratu. Gizonezkoa izateak ezin du pribilegio bat suposatu espazio hauetan parte hartzeko. Izan ere, tradizioa ezin da aitzakia bezala erabili emakumeak gutxiesteko. Euskal gizartean ez dute lekurik horrelako elkarteek eta denok, herritar zein administrazioek, ozen salatu beharko genituzke. Berdintasuna ezinbestekoa da gizarte aurrerakoi eta indartsu bat lortzeko, eta horretarako, elkarte hauen estatutuak aldatzea ezinbestekoa da. Ez gizonezko elkarte gastronomiko matxistei!

☉ Arrigorriaga

Arrigorriagako Gazte Egunak 300 lagun bildu ditu Gaztetxean, larunbatean

“Giro paregabea” izan zela aitortu dute Arrigorriagako Gaztetxetik, gaueko musika-eskaintza anitzarekin

|

Gazteak, bazkarian // Arrigorriagako Gaztetxea

Arrigorriagako Gazte Egunaren zortzigarren edizioa ospatu dute ekainaren 22an, Gaztetxean eta Argala plazan. Aurten, urteroko Hockey Txapelketa eta bertso bazkariaz gainera, Bafle poteoa antolatu dute herrian zehar.

Asteburuko eguraldi txarrak udaletxeko arkupeetara eraman du urteroko hockey txapelketa, iaz bezalaxe. Hala ere, Gazte Egunaren delaldiak “arrakasta handia” izan duela azaldu diote Gaztetxeko arduradunek GEURIAri: “140 lagun bildu ziren bertso bazkarian eta gerora 300 pertsona inguru izan ziren Gaztetxean”.

Izan ere bazkariko “giro paregabea” azpimarratu dute Gaztetxetik eta gaueko eskaintza musikala anitza izan zela azaldu dute: Rally48, Altxa Porru Erromeria eta Painapple taldeen kontzertuen lekuko izan ziren kontzertuetara gerturatu zirenak.

Osorik irakurri

☉ Arrigorriaga

Arrigorriagako san juan gaueko ekintzak kiroldegiko kantxa urdinean egingo dituzte

Arrigorriagako Udalak iragarri duenez, iratxoak eta sorginak 20:45etan antolatu dituzte

|

Haurrak, San Juan suan // Geuria

Hasiera batean Mendikoso eta Mintegi parkean antolatu zituzten san juan suen pizteak eta jarduerak lekualdatu ditizte asteburuko eguraldia dela eta. Arrigorriagako Udalak kiroldegiko kantxa urdinera lekualdatu ditu. Horiek horrela, 18:00etatik aurrerako ekintza guztiak bertan izango dira: iratxoak eta sorginak 20:45etan izango dira. Ondorioz, bertan ez dute surik piztuko.

21:35etan txokolate jana eta dantza egingo dute, 22:30ak arte.

Osorik irakurri

☉ Arrigorriaga

Arrigorriagako Harrotasun Asteak hitzaldiak, tailerrak eta Holi jaia ekarriko ditu herrira

Jarduera guztiak herrigunean antolatu dituzte, udaletxeko plazan eta baita Lamiaenan, ekainaren 24an, 28an eta 29an

|

Harrotasun Eguna, 2018an // Geuria

Ekainaren 24tik 29ra Harrotasunaren Astea antolatu dute Arrigorriagan eta hitzaldiak, tailerrak, bideo-proiekzioak eta Holi jaialdia antolatu du Arrigorriaga Harro taldeak Udalaren babesarekin.

Jarduera guztiak herrigunean antolatu dituzte, udaletxeko plazan eta baita Lamiaena emakumeen etxean ere

Egitaraua | Harrotasunaren astea 2024

Ekainak 24, astelehena
– 19:00 Dokumentala: Ekain Lersundi, Lamiaena

Ekainak 28, ostirala
– 17:00 eta 19:00 Escape Room LGTBIQ+, Lamiaena
– 19:00 Txapa tailerra, Lamiaena

Ekainak 29, larunbata
– 17:30 Arrigorriaga Harro taldearen bideoaren proiekzioa, Edurne Garitazelaiako Azokea aretoa
– 18:00 Umeentzako marrazketa tailerra, udaletxeko plaza
– 18:00 Arrigorriaga Harro hitzaldia + mokadutxoa, udaletxeko plaza
– 19:30 Holi jaia, udaletxeko plaza
– 20:00 Baflepoteo Transmaribibollo, herrian zehar

Osorik irakurri

☉ Arrigorriaga

Ume arrigorriagarrek puzgarriak, tailerrak eta ikuskizunak izango dituzte Madalenetan

Jai Batzordeak 17 jarduera baino gehiago prestatu ditu uztailaren 19tik 25era, egunez egun: antzerki saioak, tailerrak, buruhandiak, puzgarriak… herria umeentzako ekintzez beteko dute.

|

Haur bat, Arrigorriagako iazko txupinazoan // Geuria

Arrigorriagako Udala aurtengo jaietan izango diren jarduerak iragartzen ari da egun hauetan. Oraingo honetan umeentzat prestatutako ekintzen berri eman dute Udaletik.

Izan ere, Jai Batzordeak 17 jarduera baino gehiago prestatu ditu uztailaren 19tik 25era: antzerki saioak, tailerrak, buruhandiak, puzgarriak… herria umeentzako ekintzez beteko dute. Aurten ere Umeentzako parkea ipiniko dute Lehendakari parkean, hilaren 23an eta 24an, ordutegi ezberdinetan.

Egitaraua | Haurrentzako jarduerak 2024ko Madalenetan

Uztailak 19, ostirala
– 18:00 Jaioberriei aitortza-ekitaldia, Edurne garitazelaia kultur etxea
– 20:15 Buruhandiak, udaletxeko plaza

Uztailak 20, larunbata
– 12:00 Erraldoien kalejira, udaletxeko plazatik
– 19:30 Buruhandiak, Lehendakari Agirre parkea

Uztailak 21, igandea
– 11:00 Patinaje ibilbidea, herrian
– 11:00 Ekortzeko makina puzgarria, Joan XIII plaza
– 19:30 Buruhandiak, Lehendakari Agirre parkea

Uztailak 22, astelehena
– 19:00 Buruhandiak, Lehendakari Agirre parkea

Uztailak 23, asteartea
– 11:30 Umeentzako parkea, Lehendakari parkea (euria bada, eskolako patioa)
– 13:30 Buruhandiak, Lehendakari Agirre parkea
– 17:30 Umeentzako parkea, Lehendakari parkea (euria bada, eskolako patioa)
– 18:00 Izozki banaketa, Pergola

Uztailak 24, asteazkena
– 15:00 Umeentzako antzerkia: Izarren Hartza, Lehendakari Agirre parkea (euria bada, eskolako patioa)
– 18:30 Buruhandiak, Lehendakari Agirre parkea

Uztailak 25, osteguna
– 11:00 Entsalada tailerra, Ugertza parkea
– 17:45 XIII Tiragoma Txapelketa
– 18:30 Bitsa festa, Joan XIII plaza

Osorik irakurri

☉ Arrigorriaga

Arrigorriagako Arritxikerrakekoak ikasturteari euskaraz agur esateko elkartuko dira

17:30ean antolatutako Euskara Plazara izeneko gaurko jardueraren helburua familiak elkartu eta euskaraz berba egitea izango da

|

Familia bat, Arrigorriagako plazan // Geuria

Gaur bertan, ekainaren 20an, hitzordua ipini dute Arrigorriagako Arritxikerrak taldekoek ikasturteari agur esateko. 17:30ean antolatutako Euskara Plazara izeneko gaurko jardueraren helburua familiak elkartu eta euskaraz berba egitea izango da.

“Ez da jarduera gidaturik egongo; udaletxeko plaza euskararen arnasgune bihurtuko dugu”, azaldu dute Arritxikerraketik. Jarduera 0 eta 6 urte bitarteko haurrak dituzten familiei zuzenduta dago.

Osorik irakurri