Sareak

Gizartea

Iritzia / Norabide berri bat

|

Arin bizi ginen, kapitalismoak izurritzen duen ur jario konstantean. Bakoitzak bere beharrak, bere nahiak eta bere zereginak zituen. Denbora gure esku zegoen, denona zen, baina inork ez zion arretarik jartzen, hau kontrolik gabe ustiatuz. Bizitzeko era suntsigarri horrek aurrera egiten zuen adorerik eman gabe. Gizakia eta mundua gudan zebiltzaten, ea nork irabazi. Denok argi geneukan gizakiok garaile aterako ginela guda faltsu horretatik. Bakea berpizteko esperantza galduta zegoen, gizakiaren desagerpena lurraren amaierari lotuta zegoela jakinda ere, ez zegoen amaiera hori bideratzerik.

Egoera puntu jasanezin batera heldu zen, mundua lur jota zegoen. Suntsipena ailegatzear zegoenean, mundua jaiki zen eta azkeneko kolpe bat eman zion gizarteari…

Lurrak birus bat sortu zuen eta gizakiak “jakean” jarri zituen. Gizabanakook etxean geratu behar izan genuen birus horrek gure bizitzarekin akabatu ez zezan. Egunak eta asteak aurrera joan ahala, gizakiok ez genuen birus horri aurka egiteko ezer topatzen. Elkarren arteko kontaktu ezak, eguzkiaren izpien faltak eta birusak egunero ehunka pertsona hiltzen zituela ikusita, gizakiaren biziraupenerako ez zegoen esperantza handirik.

Denok genuen itxaropena zientzian jarrita, jasotako kolpearen ondoren jaiki eta osatzeko nahia. Guda horri buelta emateko intentzioz eta garaileak izateko asmoz. Gutxinaka-gutxinaka, mundua bere zena berreskuratzen hasi zen. Gizakiaren bizimoduak eginiko kalteaz berpizten joan zen (kutsadura, animaliak tratatzeko modua, lurra erabiltzeko erak…).

Egunak joan, egunak etorri, gizakia inoiz baino ahulago eta mundua inoiz baino indartsuago zegoela, honek azkeneko kolpea prestatu zuen. Gizakiok gure amaiera heldu zela ohartuta, begiak itxi genituen eta amaieraren zain geratu ginen. Munduak orduan, hasperen egin zuen eta gizakioi azkeneko ostikada eman beharrean, azken aukera bat eman zigun.

Beste birus bat sortu zuen, birus hau ez zen gizakiarentzat kaltegarria. Gurekin akabatu beharrean, gizakiak hiltzen ari zen birusen kontra jotzen zuen honek. Birus berri eta indartsu honek beste birusa di-da batetan desagerrarazi zuen, gizakioi bizirauteko aukera emanez.

Munduak ez zuen gizakiokin amaitu, gu munduaren amaieraren errudun izango ginen arren. Gizakiok harrituta jaiki ginen eta indarrak berreskuratu genituen. Indarbete egotea lortu genuen, eta momentu horretatik aurrera nola uste duzue jokatu genuela?

☉ Etxebarri

Lasaitasuna mantentzeko deia luzatu du Etxebarriko alkateak, “sexu erasoaren ikerketari aurre hartu gabe”

|

Iker Lopez Etxebarriko alkatea (bigarrena ezkerretik) ekainaren 9an sexu erasoa salatzeko elkarretaratzean // Geuria

Sexu erasoa salatu zuen emakume batek pasa den astean San Antonioko jaietan. Ertzaintza gertatutakoa ikertzen ari da, baina momentuz ez dute inor inputatu.

Ikerketak aurrera jarraitzen duen honetan, Ertzaintzak herritarren laguntza eskatu du: “Ekainaren 8an goizeko 00:00etatik 07:00ak bitartean Eskubaloia eta Areto Futboleko txosnen aurrean dauden komun publikoak erabili zituen edozein pertsonak Ertzaintzarekin kolaboratu dezake, elkarrizketatua izateko bere datuak emanez”.

Ikerketan lagundu dezaketen herritarrek 946 075 360 telefono zenbakira deitzea eskatu dute Ertzaintzatik.

Bitartean, ikerketa horren barruan deklarazioa hartzen ari da Ertzaintza ostiral arratsaldean eta larunbat goizaldean biktimarekin ikusi zituzten pertsonei.

Mehatxu mezuak

Iker Lopez Etxebarriko alkateak komunikatu bat zabaldu du: “Ertzaintzak bere kezka helarazten dit, deklarazioa hartu duten pertsonen familia-inguruan mehatxu mezuak jaso dituztelako”.

“Hau lasaitasunerako deia da, ez dio batere laguntzen egun hauetan bizitzen ari garen egoera latzari, inor epaile bihurtzen saiatzea, ondorioak ateratzea, eta salatutako gertakarien aurreko orduetan biktimarekin ikusi izanagatik deklaratzera deituak izan diren pertsonen familiei ere eragiten dieten ekintzak edo mehatxuak zabaltzea. Uste dut garrantzitsua dela ikerketari bere bidea egiten uztea, eta Ertzaintzak atera ditzala atera beharreko ondorioak, egun hauetan jasotzen ari diren testigantzetan eta frogetan oinarrituta”, adierazi du Lopezek.

Ildo horretan, biktimari “erabateko elkartasuna” adierazi dio Lopezek, eta herritarrei mezu bat helarazi die Etxebarriko alkateak: “Lasaitasuna mantentzeko gai izan gaitezen eskatu nahi dizuet, ez diezaiogun ikerketari aurrea hartu eta ez ditzagun gizarte eta herri mailan inori laguntzen ez dioten akatsak egin”.

Osorik irakurri

☉ Etxebarri

San Antonioko jaietan gertatutako sexu erasoa ikertzeko herritarren laguntza eskatu du Ertzaintzak

|

Ekainaren 9an sexu erasoa salatzeko elkarretaratzea egin zuten ehunka herritarrek Zintururin // Geuria

Sexu erasoa salatu zuen emakume batek pasa den astean San Antonioko jaietan. Ertzaintza gertatutakoa ikertzen ari da, baina momentuz ez dute inor inputatu.

Ikerketak aurrera jarraitzen duen honetan, Ertzaintzak herritarren laguntza eskatu du: “Ekainaren 8an goizeko 00:00etatik 07:00ak bitartean Eskubaloia eta Areto Futboleko txosnen aurrean dauden komun publikoak erabili zituen edozein pertsonak Ertzaintzarekin kolaboratu dezake, elkarrizketatua izateko bere datuak emanez”.

Ikerketan lagundu dezaketen herritarrek 946 075 360 telefono zenbakira deitzea eskatu dute Ertzaintzatik.

Bitartean, ikerketa horren barruan deklarazioa hartzen ari da Ertzaintza ostiral arratsaldean eta larunbat goizaldean biktimarekin ikusi zituzten pertsonei.

Mehatxu mezuak

Iker Lopez Etxebarriko alkateak komunikatu bat zabaldu du: “Ertzaintzak bere kezka helarazten dit, deklarazioa hartu duten pertsonen familia-inguruan mehatxu mezuak jaso dituztelako”.

“Hau lasaitasunerako deia da, ez dio batere laguntzen egun hauetan bizitzen ari garen egoera latzari, inor epaile bihurtzen saiatzea, ondorioak ateratzea, eta salatutako gertakarien aurreko orduetan biktimarekin ikusi izanagatik deklaratzera deituak izan diren pertsonen familiei ere eragiten dieten ekintzak edo mehatxuak zabaltzea. Uste dut garrantzitsua dela ikerketari bere bidea egiten uztea, eta Ertzaintzak atera ditzala atera beharreko ondorioak, egun hauetan jasotzen ari diren testigantzetan eta frogetan oinarrituta”, adierazi du Lopezek.

Ildo horretan, biktimari “erabateko elkartasuna” adierazi dio Lopezek, eta herritarrei mezu bat helarazi die Etxebarriko alkateak: “Lasaitasuna mantentzeko gai izan gaitezen eskatu nahi dizuet, ez diezaiogun ikerketari aurrea hartu eta ez ditzagun gizarte eta herri mailan inori laguntzen ez dioten akatsak egin”.

Osorik irakurri

☉ Hego Uribe

Eskualdeko pentsiodunek mobilizazioak hasiko dituzte Renfeko trenetan irisgarritasuna lortzeko

Ekainaren 17an martxak egingo dituzte Ugaoko eta Basauriko Pentsiodunen Mugimendukoek Renfeko c3 lineako geltokietara, eguerdi aldean

|

Renfeko tren bat, Arrigorriagan // Geuria

Ekainaren 17an mobilizazioak deitu ditu Basauri, Arrigorriaga, Ollargan, Ugao, Aiaraldea, Urduña eta Bilboko Pentsiodunen Mugimenduak Abando Infdalecio Prieto geltokia eta Urduña kubritzen duen Renfeko C3 lineako zerbitzuaren egoeraren haritik.

“Duela gutxi, Renfeko Urduña-Abando C3 lineako geltokietarako sarbideak berregituratu dira, Basauri-Bidebietakoa izan ezik”, azaldu du Rufi Rubio Ugaoko Pentsiodunen mugimenduko kideak. “Mugikortasun murriztua duten pertsonak nasaraino iristen dira, baina ezin dira trenetara sartu”.

“Prentsan iragarri denez, 500 tren berri ipiniko dituzte Renfen, horietako 33 C3 linean. Aurreikuspenen arabera, azken oztopo horiek desagertuko omen dira. Baina momentuz ez dute data jakinik iragarri, eta badirudi ez dela epe laburrekoa batzuk 2025erako espero dituztelako eta beste batzuk 2027rako”, izan dira Ugaoko pentsiodunaren berbak. “Tren berriak C3 lineara heldu baino lehen aldiriakeko konboi bakoitzean plataformadun bagoi bat ipintzea eskatzen diogu Renferi, mugikortasun arazoak dituzten pertsonak trenera igo ahal izateko”.

Rufi Rubio: “Tren berriak C3 lineara heldu baino lehen aldiriakeko konboi bakoitzean plataformadun bagoi bat ipintzea eskatzen diogu Renferi, mugikortasun arazoak dituzten pertsonak trenera igo ahal izateko”

Horiek horrela, ekainaren 17an mobilizazioa egingo dute pentsiodunek C3 lineako geltoki batzuetan eta martxak egingo dituzte plazetatik geltokietara (Basauri-Bidebieta, Ugao, Urduña, Amurrio, Laudio eta Bilbon). Ugaoko kasuan, 12:00etan bilduko dira Herriaren plazan eta bertatik geltokira abiatuko dira. Bilbon kontzentrazioa egingo dute Plaza Biribilan eta ostean talde-erreklamazioak aurkeztuko dituzte Abando geltokian.

Antzinako arazoa

Gatazka hau ez da berria: Ludi Viguera Arrigorriagako auzotar ohiak GEURIAko #087 Monografikoan argitaratutako erreportaje batean azaldu lez Urduñako Maria Luisa Goikoetxea izan zen C3 lineako irisgarritasun arazoa azalerazi zuen herritarra.

Maria Luisaren kexa horietatik abiatuz, Hego Uribe zeharkatzen duen C3 lineako geltokietako irisgarritasun arazoa ibilbideko geltoki guztietara hedatu zen. Gaur egun, Urduña, Amurrio, Laudio, Arrankudiaga, Ugao, Arrigorriaga, Basauri eta Ollargan geltokietako irisgarritasun arazoak, orokorrean, “konponduta” daude: “Geltokietarako sarbideak nola edo hala konpondu ditu Renfek eta nasara heltzea posible da, Bidebieta-Basauri geltokian izan ezik: gaur egun, mugikortasun arazoak dituzten pertsonak ezin dira geltokira sartu”.

Hala ere, eta GEURIAn iragarri lez, 14 milioi euroko lizitazioa martxan ipini du Espainiako Gobernuak bertan tren geltoki berria eraikitzeko. Proiektuak hiru jarduera biltzen ditu: eraikin berria egitea, geltokiaren trenbideak eta nasak birmoldatzea eta trenbideak estaltzeko lauzak iparraldera luzatzea, tarteko solairu berri batekin.

Harrapaketak trenetan

Rufio Rubiok C3 linean gertatzen diren bestelako arazoak gogoratu dizkio GEURIAri: “Irisgarritasun arazoez gainera, hainbat arazo gertatu dira Renfeko aldiriakeko trenekin: maiztasuna, informazio falta eta pertsonen harrapaketa kasuak egon dira Ugaoko geltokian”, azaldu du.

Verónica Portell eta Renfeko ordezkariak EH Bilduko ordezkariekin, Bilbon // Utzitakoa

Joan den ekainaren 10ean Verónica Portell Renfeko EAEko arduradun instituzionalarekin elkartu ziren Ugaoko EH Bilduko ordezkariak lehen aldiz, azken urteetan Ugaoko geltokian C3 lineako aldiriakeko trenekin gertatutako ezbeharren inguruan berba egiteko eta bilera “modu positiboan” baloratu zuten alderdiko ordezkariek.

Uda igarota, Bizkaia eta Aiaraldeko Pentsiodunen Mugimenduak mobilizazio gehiago egiteko asmoa iragarri dio GEURIAri: “Urduñatik Bilboraino bidaia egingo dugu aldiriakeko tren batean eta Abandora iritsita talde mobilizazioa egingo dugu bertan”.

Osorik irakurri

☉ Hego Uribe

Etxez etxeko arretan egindako probak digitalizatzeko sistema martxan jarri du Osakidetzak Barrualde-Galdakaon

|

Mikel Baza Osakidetzako Zeberioko eta Arrigorriagako medikua emakume bat bere etxean artatzen 'Maletik' pilotajean // Osakidetza

Etxez etxeko Lehen Mailako Arreta hobetzeko asmotan ‘Maletik’ maleta digitala martxan jarri du Osakidetzak. Horren bidez, etxeko kontsultetan egiten diren ohiko proba guztiak digitalizatu eta zuzenean pazientearen historia klinikoan erregistratuko dituzte.

‘Maletik’ sistemak elektrokardiograma, espirometroa, dermatoskopioa, otoskopioa, tentsiometroa, pulsioximetroa, fonendoa, termometroa, tableta eta kanpoko bateria bat barne hartzen ditu. “Tresna horiei esker, konstanteen erregistroak, irudiak eta auskultazioen audioak hartu eta pazientearen historian kargatu ahal dira”, dio Gotzone Sagardui Osasun arloko sailburuak.

Ekimenaren pilotajea Barrualde-Galdakao ESIan eta Uribeko ESIan egin dute otsailetik apirilera bitartean, eta Osakidetzaren sare osora hedatuko dute hilabete honetatik aurrera. Mikel Baza Bueno Zeberioko eta Arrigorriagako lehen arretako medikuak parte hartu du ekimenean (duela urtebete elkarrizketa egin genion GEURIAn Mikeli)

“Teknologia hau aitzindaria da estatuan, eta etxez etxeko arreta ematen dute mediku eta erizain taldeei hornitzen hasi zaie, haien lana errazteko eta kalitate handiagoko asistentzia emateko”, dio Sagarduik, eta gaineratu du, “harrera positiboa” izan duela profesionalen eta pazienteen aldetik.

Herritarrak kexu

Beste alde batetik, udari begira Osakidetzak osasun zentroetarako egin duen plangintzaren aurrean, sindikatuak eta herritarrak kexatu dira. Ildo horretan, Zaratamoko, Zeberioko eta Arrankudiagako alkateek euren herrietako kontsultorioetako lehen arretako zerbitzuaren egungo egoera salatu dute, eta Osakidetzaren “interes falta” azpimarratu dute, “egoerari aurre egiteko”.

Gainera, azken hilabeteetan Osakidetzako lehen arreta indartzeko eta Etengabeko Arretako Guneen (EAG) egoera salatzeko elkarretaratzeak egin dituzte Basaurin: otsailean elkarretaratzea eta martxoan manifestazioa.

Eta iaz, Osakidetzako langileek greba egin zuten, plantillaren egoera “gero eta prekarioagoa” dela salatzeko.

Osorik irakurri

☉ Ugao

Ugaoko EH Bilduk Gomendioen Dekalogo bat proposatu dio Renferi azken urteetan geltokian gertatutako gatazkak konpontzeko

Dekalogoarekin batera, trenek Ugaoko geltokian geldirik ematen duten denbora aztertzea eta trenetara igotzeko espazio irisgarrienak “argi seinaleztatzea” eskatu diote tren enpresari

|

C3 lineako aldiriakeko tren bat, Ugaoko geltokitik irteten // Geuria

Ugaoko EH Bildu alderdiko ordezkariak Verónica Portell Renfeko EAEko arduradun instituzionalarekin elkartu dira Bilboko egoitzan lehen aldiz azken urteetan Ugaoko geltokian C3 lineako aldiriakeko trenekin gertatutako ezbeharren inguruan berba egiteko: “Hala nola, erorikoak, ateen harrapaketak, etab. Asko izan baitira azken aldian ugaotarren partetik jaso ditugun kezkak edota ardurak”, zehaztu dute EH Bildutik.

Izan ere, joan den otsailean, Xabier de la Fuente Zaballa herritarrak Ugaoko geltokian gertatutako hainbat egoera azaldu zizkion GEURIAri eta komunikabideak tren enpresarekin berba egiteko parada izan zuen ere.

Joan den ekainaren 10ean Bilboko egoitzan egindako bileran lau eskaera egin zituen Ugaoko EH Bilduk: lehena, ezbeharrak berriro ez gertatzeko asmoz, behar diren tresnak aplikatzea, trenak geralekuan ematen duen denbora trenetik segurtasun osoz igotzeko eta jaisteko adinakoa izango dela bermatuz; bigarrena, erabiltzaileen eskura hainbat komunikazio-kanal jartzea horrelako ezbeharrak gertatzen direnean erreklamazio bidea argi eta zuzenak izan daitezen; hirugarrena, Ugaoko geltokian gomendioen dekalogo bat formalizatzea. Gomendio horiek aldez aurretik ezagutu beharko lituzkete erabiltzaileek, hainbat kanalen bidez; laugarrena, nasatik trenera segurtasun osoz igotzeko espaziorik irisgarriena zein den seinaleztatzea era argi batean. Zentzu honetan ere, Renfeko zerbitzuetan irisgarritasun unibertsala bermatzea.

Renfe eta EH Bilduko ordezkariak, astelehenean egindako bileran, Bilbon // Ugao EH Bildu

Erantzun modura, Verónica Portellek hurrengo arloak aztertuko dutela adierazi zuen: aldiriakeko trenak Ugaoko geltokian geldirik ematen duten denbora nahikoa den ala ez aztertuko dutela eta zonaldeko ikuskariaren lana areagotuko dutela ezbehar hauei aurre egiteko. Dekalogoari dagokionez, inguruko barne hausnarketa egingo dutela esan zuen, “etorkizunean hori inplementatzeko” asmoz.

Bileran ere joan den maiatzean Ugaon egindako osoko bilkuran Pentsionisten Mugimenduak aurkeztutako mozioa izan zuten izpide EH Bildukoek. “Bertan, Renfeko C3 linean irisgarritasuna bermatzea irmoki eskatzen zuten. Hori dela eta, EH Bilduk bere aldeko bozka eman eta aldarri hau zuzenean helarazi die Renfeko arduradunei”.

Ugaoko EH Bildu: “Renferekin komunikazio kanala zabalik mantentzeko konpromisoa hartu dugu herritarrek merezi duten garraio publiko bat izan dezaten”

Bilboko bileraren lehen hartu-emanaren “balorazio positiboa” egin du Ugaoko EH Bilduko alderdiak: “Bi aldeek komunikazio kanala zabalik mantentzeko konpromisoa hartu dugu herritarrek merezi duten garraio publiko bat izan dezaten. Izan ere, garraio publiko egoki batek berebiziko garrantzia izango du hurrengo urteetan burutu beharreko trantsizio ekosozialean”

Osorik irakurri