Sareak

Korrika

Merezi duena

|

Korrika badator! Bada­tor KORRIKA!. Korrika­ren hainbat ediziotan hartu dut parte, eta esan behar dut oso pozik ibiltzen naizela la­nean, ahal dudan guztian lagun­tzen, lan egiten, antolatzen eta animatzen, uste dudalako AEK-k egiten duen lana txalogarria dela. Euskaltzalea naiz eta euskara­ren aldeko ekitaldi hau oso-oso garrantzitsutzat jotzen dut. Biho­tzeko kutuna da niretzat.

KORRIKAren hastapenetatik kolaboratzen dut. AEK-koek noiz deituko egoten naiz. Lagunak, familiakoak eta lankideak inpli­katzen ditut laguntza emateko, hain premiazkoa den arlo eko­nomikoan kolaboratzeko, herrian antolatzen diren ekitaldietara joatera animatzeko, Korrika pasa­tzen denean zati batean korrika egiteko..

Gure auzoak kilometro bat erosi izan du orain arteko edizio guztietan. Kilometroa erosteko dirua ateratzeko hainbat kontu egiten ditugu: zozketak, pin­txo-poteoa eta horrelakoak. Eta Korrika pasatzen den egunerako, edo gauerako, sardinada presta­tzen dugu Korrikaren zain egoten garen bitartean. Oso ekitaldi animatua izaten da.

Behin izan nuen lekukoa era­mateko aukera, eta ezin dut des­kribatu sentitu nuena: furgoneta atzean nindoan, argi-fokoak ni argiztatzen, furgonetatik animo deiak entzuten, eta ni lekukoa eskuan nuela, laino batean, es­paloietan zegoen jendetzaren txaloak, oihuak…entzun gabe; poza, zirrara, negar egiteko go­goa, emozioari ezin eutsita.

Gogoangarria, benetan! Ahaz­tu egiten dira egindako lanak, bilerak, eta kontu horiek guztiak. Merezi du! Benetan zoragarria da AEK-k euskararen alde antolatu­tako lasterketa erraldoia, Zazpi Euskal Herrietan barna ibiltzen den ekitaldia!

☉ Basauri

Argazkiak / Basauritik Medellinera iritsi da Korrika Ane Ibarrola eta Aitor Aburto herritarren eskutik

Korrika, euskara eta euskal kultura zabaldu dute Ane Ibarrolak eta Aitor Aburtok Medellinen, Kolonbian. Bertako Euskadi ikastetxean daude lanean

|

Ane eta Aitor, behean eta eskuman, Medellingo Euskadi ikastetxeko Korrika Egunean // Aitor Aburto

Medellingo (Kolonbia) Euskadi ikastetxean lanean daude Ane Ibarrola eta Aitor Aburto basauriarrak. Global Training bekari esker heldu ziren urtarrilean eta uztailera bitartean izango dira bertan.

Ane psikologoa da eta Aitor musika eta euskal kulturako irakaslea da eta horretan dihardute ikastetxean.

“Ikastetxe oso txikia da, inklusio-ikastetxe bat da, eta beharrizan bereziak dituzten haur eta gaztetxoak daude, dibertsitate funtzionalekoak zein jokabidekoak”, adierazi digu Aitorrek.

Narciso Larrea López de Luzuriaga euskal misioilariak sortu zuen Euskadi ikastetxea Medellinen 1987an. “Hezkuntza ez da euskaraz ematen, eta normalean ez da euskara irakasgairik ematen. Orain bai, gu bertan gaudelako”, dio Aitorrek.

Anerekin eta Aitorrekin batera Eider Urkiola ormaiztegiarra ere badago bertan lanean. “Global Training bekarekin, duela hiru urtetik hona euskal herritarrak datoz ikastetxera lan egitera, eta euskara eta euskal kulturari buruzko eskolak emateko aprobetxatzen da”, dio Aitorrek.

Tipi tapa, Korrika!

Medellingo Euskadi ikastetxean euskara eta euskal kultura hedatzearekin batera, aurten Korrika ere antolatu dute hiru gazteek: “Medellingo Euskadi ikastetxean ospatzen duten hirugarren Korrika izan da”, dio Aitorrek.

Martxoaren 20an egin zuten Korrika: “Egun tematikoa izan zen: egun horretan ez zen eskolarik egon. Hainbat ekintza antolatu genituen: goizean ikasle batzuek Euskal Herriari buruzko gaiak azaldu zituzten, zazpi probintzietakoak, ikastetxe osoaren aurrean, eta gero Korrika egin genuen ikastetxeko ikasle guztiekin. Gainera, Herri Kirolak ere egin genituen, eta azkenean erromeria bat egin genuen dantza plaza batekin”.

“Oso egun polita izan zen. Umeek primeran pasa zuten, asko ikasi zuten euskal kulturari eta Korrikari buruz. Guretzat oso hunkigarria izan zen, egun tematikoa izan zenez, Korrika eta euskara landu genituelako. Gainera, ikasle eta irakasle horiek euskararen inguruan kontzientziatzea oso garrantzitsua izan zen”, dio Aitorrek.

Osorik irakurri

☉ Zeberio

Argazkiak / Zeberioko Ermitabarrin bukatu da Korrikako 23. edizioa Hego Uribe eskualdean

Eskualdeko azken argazkiak egin ditugu Zeberioko Ermitabarri auzoan. Bertatik herritar ugari igaro dira, Arratiara bidean, eguzkipean

|

Eskualdeko azken argazkiak egin ditugu Zeberioko Ermitabarri auzoan. Bertatik herritar ausart ugari igaro dira aldapan gora, Arratiara bidean, eguzkipean.

Osorik irakurri

☉ Ugao

Argazkiak / Korrika Arrankudiagatik heldu eta Zeberiorantza abiatu da Ugaoko bazterrak arakatu ostean

13:00ak aldera iritsi da Korrika Ugaora, Arrankudiagatik. Trenbideen gaineko zubian harrapatu ditu korrikalariak GEURIAk.

|

13:00ak aldera iritsi da Korrika Ugaora, Arrankudiagatik. Trenbideen gaineko zubian harrapatu ditu korrikalariak GEURIAk. Horra hor gaurkoan Ugaon bizitako irudi batzuk.

Osorik irakurri

☉ Zeberio

Zeberio / Korrika 23 / 2024

|

Agur esan diogu 23. Korrikari Hego Uribe eskualdean. Ugao atzean utzita lekukoak Zeberio hartu du eta hemendik Arratiarantz. Furgonetatik irudi eder hauek atera ditu AEKk:

Osorik irakurri

☉ Ugao

Ugao / Korrika 23 / 2024

|

23. Korrika bigarren egunez igaro da Hego Uribe eskualdetik. Arrankudiagak lekukoa pasa dio Ugaori. Hauek AEKk furgonetatik egin dituen argazkiak:

Osorik irakurri