Geuria | Lan eskaintza: Zuzendaria-kudeatzailea | 2023

Curriculumak jasotzeko azken eguna:
2023ko ekainaren 8a (barne)

Nora bidali curriculumak:
ibai@biba.eus

Ez ahaztu kurrikulumean:
Argazkia, jaiotza data, jaioterria eta gaur egungo bizilekua

Eskaintza egiten duen erakundea
Geuria, Hego Uribeko herri komunikabidea / www.geuria.eus
Sortze data: 2014ko urria
Komunikabide mota: Generalista, euskaraz
Eremua: Hego Uribe eskualdea (Arrigorriaga, Basauri, Etxebarri, Galdakao, Ugao, Zaratamo, Zeberio)
Eduki motak: Gaurkotasuna, elkarrizketak eta erreportajeak, irudiaren presentzia handiarekin eta formatu erakargarriarekin.
Euskarriak:
-Paperezko edizioa: Hilabetekaria (20.000 ale)
-Webgunea: eguneratzeak egunero
-Sare sozialak: Instagram, Facebook, Twitter, Youtube
Sariak eta aintzatespenak: CAF-Elhuyar Zientzia-Kazetaritza saria (2022), Urteko eduki onenari Tokikom saria (2018, 2021)

Erakundearen xedea
Geuria irabazi asmorik gabeko euskarazko komunikabide independentea da. Bizkaiko Hego Uribe eskualdeko herritarrekin eta herritarrentzat lan egiten dugu. Modu konstruktibo eta justu batean hurbiltasunetik, kalitatez eta formatu erakargarrian informatzen dugu, Hego Uribe hobea eta indartsuagoa lortzeko eta euskarazko informazioaren hartzaile-kopurua gero eta handiagoa egiteko.

Erakundearen baloreak
Konstruktiboak: Herritarren interesak gogoan dituen irakurketa editorial justuak egiten saiatzen gara.
Kritikoak eta independenteak: Editorialki, irizpide eta agenda propioak dauzkagu.
Hurbilak: Herritarrekin harreman hurbilak. Euren kezkak, arazoak eta erronkak lehen eskutik identifikatzeko.
Orekatuak: Herri bakoitzari gutxieneko batzuk errespetatzen dizkiogu estaldura informatiboari dagokionean. Berdintasun eta integrazio ikuspegia, komunitateko aktoreen presentzian oreka mantentzen da.
Anbiziodunak: Tokiko euskarazko kazetaritzak eskualdearen albisteak, istorioak eta ondarea gure eremuetatik harago zabaltzeko gaitasunean sinesten dugu.
Analitikoak: Gure jardunaren aldizkako analisiak, barne irakurketak eta kanpoko ikuspegiak uztartuz.
Konprometituak: Kalitatezko kazetaritzarekin eta kazetarien prestakuntza eta autonomiarekin konpromisoa.
Berritzaileak: Edukiak formatu berrietara moldatzen ditugu eta horren inguruko etengabeko hausnarketa
Euskaltzaleak: Formatu eta eduki erakargarriak euskaraz sortutako informazioa kontsumitzen duten pertsonak gero eta gehiago izateko eta euskararen normalizazioan erabilgarri eta eraginkor izateko.

Lan postuaren deskribapena:
Geuria komunikabidearen zuzendari-koordinatzailea.

Lan eginkizunak:

Zuzendaritza / Koordinazioa

Erabaki editorialak
-Komunikabidearen eguneroko plangintza digitala eta hileroko paperezko plangintza egin bi erredaktoreekin laguntzaz
-Albisteen enfokea, kokapena, garrantzia, testuen zuzenketak eta aldaketak…

Sorkuntza
-Kazetari lana (albisteak bilatu eta idatzi…)
-Bideoak editatu, sare sozialetarako moldatu…
-Maketazioa errepasatu eta horretan lagundu

Pertsonen kudeaketa
-Kazetarien kudeaketa (lanaren banaketa, denboraren kudeaketa, lehentasunak markatu, garapenean lagundu, konfiantza eman…).
-Erredakzio bilerak astean 3 aldiz deitu, asteburutako lanaren inguruan erabakiak hartu…
-Egun dauzkagun kolaboratzaileen kudeaketa eta berrien bilaketa (iritzi zutabeak, komiki egileak, argazkilari freelanceak…)
-Arduradun komertzialarekin hartu emana

Hornitzaileak edo informazio-iturriak
-Hornitzaileen kudeaketa (inprenta eta banaketa enpresarekin hartu emana, fakturak…)
-Hego Uribeko zazpi Udaletako komunikazio arduradun edo politikariekin hartu emana (ez finantzazio aldetik, bai zuzendari moduan)

Analisia
-Datuak batzea eta analisia (sare sozialak, webgunea, joerak, ondorioak…)

Eskatzen da:
-Esperientzia ondorengo alorretako batean edo batzuetan:
Kazetaritza
Komunikazio korporatiboa
Eduki digitalen sorkuntza
Euskalgintza-Dinamizazioa
Literatura-Sorkuntza
-Lan talde txikiak koordinatzen esperientzia edo gaitasuna
-Euskara: Ahozko eta idatzizko maila gorena. Titulua.
-Indesign, Lightroom, Canva, Premiere
-Instagram, Facebook, Youtube, Twitter, WordPress
-Gidatzeko baimena eta kotxea

Baloratuko da:
-Hego Uribe eskualdekoa izatea edo bertan bizitzea
-Maketatzeko, argazkiak eta bideoak egiteko-editatzeko gaitasuna

Trebeziak eta jarrerak:
-Euskarazko toki komunikabide batean lan egiteko gogoa
-Pertsona arduratsua, proiektuarekin epe luzerako konpromisoa hartzen duena
-Izaera proaktiboa
-Lidergo-gaitasuna
-Baikortasuna
-Gure baloreekin lerrokatuta egotea

Zer eskaintzen dugu:
-Lanaldi osoko muga gabeko kontratua (3 hilabeteko probaldia gaindituz gero)
-Ordutegia: Moldagarria, markatutako helburuen araberakoa
-Lan tokia: Basauriko Geuriaren erredakzioa (Basozelai kalea, 11)
-Soldata: 25.000 eta 30.000€ bitarteko soldata gordina urtean + dietak (gasolina, kilometroak)*
* Langilearen profilaren arabera erabakiko da behin betiko soldata
-Ordenagailua eta ekipoa (argazki/bideo kamera)
-Prestakuntza (komunikazioan, kazetaritzan, teknologian…)
-2014 eta 2022 bitartean garatu dugun kontaktu-zerrenda (ez da zerotik hasi behar)