Sareak

☉ Ugao

Saharako eta Errusiako umeak hartzeko kanpaina hasi du Ugaoko Udalak

|

etxebarri munduaz blai sahara 2013

Udalak bisa- eta bidaia-gastuak bere gain hartuko dituen bitartean, umeen mantengua familiek ordainduko dute. Ekimenean parte hartzeko epea maiatzaren 20an bukatuko da.

Ugaoko Udalak epea zabaldu berri du udako hilabeteetan Saharako errefuxiatuen kanpamenduetako edota Errusiako umeak hartu nahi dituzten familiek izena emateko. Kanpaina honen helburua da ume horien osasunak hobera egitea udalerriko familiekin dauden bitartean.

Udalak ordainduko ditu etorriko diren umeen bisa- eta bidaia-gastuak. Alabaina, ekimena gauzatu ahal izateko ezinbestekoa da umeak jaso nahi dituzten familien laguntza, hau da, ume horien mantenua euren kargura izango da. Ekimen honetan izena emateko epea maiatzaren 20ra arte egongo da zabalik.

☉ Ugao

Bideoa / Ugaon emakume batek jasandako erasoa salatu dute ehunka herritarrek

|

Pasa den igande arratsaldean emakume batek erasoa jasan zuen 35 urteko gizon batengandik Usila industriagunean, Ugaon. Gizonak laban batekin eraso egin zion eta Gurutzetako ospitalera eraman behar izan zuten emakumea, bularraldean eta bizkarrean ebakiak izan zituelako. Emakumea arriskutik kanpo dago.

Gizona Ertzaintzak atxilotu zuen eta Basauriko espetxean sartu zuten, giza hilketaren saiakera leporatuta.

Erasoa salatzeko elkarretaratzea deitu du gaur 19:00etan Ugaoko udaletxeko plazan herriko mugimendu feministak. Udal ordezkariak kontzentrazioarekin bat egiteaz gain, ehunka herritar batu dira biktimari bere elkartasuna adierazteko eta aldarrikatzeko ez dela erasorik egongo erantzunik eman gabe.

Osorik irakurri

☉ Ugao

Ugaoko erasoa salatzeko elkarretaratzea deitu dute herriko mugimendu feministak eta Udalak

Hiru puntu dituen adierazpena onartu dute EAJk eta EH Bilduk. Lehenengoan arma zuriz zauritutako emakumeari elkartasuna adierazi eta erasoa “irmoki salatu” dute

|

Emahots talde feministaren elkarretaratzearekin bat egin du Udalak // Geuria

Atzo arratsaldean gizon batek emakume bat erasotu zuen Ugaon arma zuri batekin, Usila industriagunean, Ugaondo diskotekaren alboan. 

 

Emakumeak bularraldean eta bizkarrean ebakiak izan zituen eta Gurutzetako ospitalera eraman zuten. Momentu honetan ospitaleratuta jarraitzen du emakumeak.

Gertakari honen aurreran, hiru puntu dituen adierazpena onartu dute EAJk eta EH Bilduk. Lehenengoan arma zuriz zauritutako emakumeari elkartasuna adierazi eta erasoa “irmoki salatu” dute.

Halaber, bigarrenean zera diote: “Udalak biktimaren eskura jartzen ditu arreta eta laguntza juridiko, sozial eta psikologikoko zerbitzuak, bai eta behar duen laguntza guztia ere”.

Bukatzeko, Emahots kolektibo feministak biharko deitu duen elkarretaratzearekin (19:00etan herriko plazan) bat egin dute udaletik.

Osorik irakurri

☉ Ugao

Basauriko espetxean sartu dute atzo Ugaon emakume bati eraso egin zion gizona

|

Basauriko espetxean sartu dute 35 urteko gizona // Geuria

Atzo arratsaldean Ugaon 35 urteko gizon bat atxilotu zuen Ertzaintzak, Usila industriaguneko diskoteka baten aparkalekuan emakume bati arma zuri batekin bost aldiz eraso egin ondoren. Atxilotutakoa Basauriko espetxean sartu dute.

Erasoa atzo arratsaldeko 17:30ean izan zen, Ugaondo diskotekaren kanpokaldean. Dantzalekuko segurtasun kamerek grabatutako irudietan ikus daiteke gizonezkoa, geldirik dagoen auto batera gerturatu eta gidariaren alboko eserlekuan eserita eta atea zabalik duen emakumeari behin eta berriz labana batekin eraso egiten diola. Ondoren, biktima korrika ageri da, eta erasotzaileak atzetik jarraitzen dio.

Emakumeak bularraldean eta bizkarrean ebakiak izan zituen eta Gurutzetako ospitalera eraman zuten. Momentu honetan ospitaleratuta jarraitzen du emakumeak.

Ertzaintzak baieztatu duenez, emakumea eta gizona ez dira ez bikote ez bikotekide ohiak, eta ez dira kasua genero indarkeria gisa ikertzen ari.

Udalaren gaitzespena

Ugaoko Udalak “irmo” gaitzetsi du erasoa eta elkartasuna adierazi dio emakumeari: “Udalak biktimaren eskura jartzen ditu arreta eta laguntza juridiko, sozial eta psikologikoko zerbitzuak, bai eta behar duen laguntza guztia ere”, adierazi dute.

Bihar, uztailak 16, 19:00etan elkarretaratzea deitu dute Ugaoko udaletxe aurrean: herriko mugimendu feministak eta Ugaoko udalbatzak dei egiten diete herritarrei elkarretaratzearekin bat egiteko.

Osorik irakurri

☉ Ugao

Ugaon zauritutako emakumeak Gurutzetan jarraitzen du ospitaleratuta

|

Atzo arratsaldean gizon batek emakume bat erasotu zuen Ugaon arma zuri batekin, Ugaondo industriagunean.

Emakumeak bularraldean eta bizkarrean ebakiak izan zituen eta Gurutzetako ospitalera eraman zuten. Momentu honetan ospitaleratuta jarraitzen du emakumeak.

Ertzaintzak baieztatu duenez, emakumea eta gizona ez dira ez bikote ez bikotekide ohiak, eta ez dira kasua genero indarkeria gisa ikertzen ari.

Erasoa atzo arratsaldeko 17:30ean izan zen, Ugaondo diskotekaren kanpokaldean. Dantzalekuko segurtasun kamerek grabatutako irudietan ikus daiteke gizonezkoa, geldirik dagoen auto batera gerturatu eta gidariaren alboko eserlekuan eserita eta atea zabalik duen emakumeari behin eta berriz labana batekin eraso egiten diola. Ondoren, biktima korrika ageri da, eta erasotzaileak atzetik jarraitzen dio.

Ertzaintzak erasotzailea atxilotu zuen: 35 urte ditu eta hilketa saiakera egotzi diote.

Udalaren gaitzespena

Ugaoko Udalak “irmo” gaitzetsi du erasoa eta elkartasuna adierazi dio emakumeari: “Udalak biktimaren eskura jartzen ditu arreta eta laguntza juridiko, sozial eta psikologikoko zerbitzuak, bai eta behar duen laguntza guztia ere”, adierazi dute.

Bihar, uztailak 16, 19:00etan elkarretaratzea deitu dute Ugaoko udaletxe aurrean: herriko mugimendu feministak eta Ugaoko udalbatzak dei egiten diete herritarrei elkarretaratzearekin bat egiteko.

Osorik irakurri

☉ Ugao

Ugaon gizon bat atxilotu dute diskoteka baten ondoan emakume bati labanaz erasotzeagatik

|

Sareetan zabaldutako erasoaren momentua // Twitter

Ertzaintzak jakinarazi du atzo arratsaldean Ugaon 35 urteko gizon bat atxilotu zuela, “diskoteka baten aparkalekuan emakume bati arma zuri batekin bost aldiz eraso egin ondoren”.

Biktima Gurutzetako ospitalera eraman behar izan zuten, toraxean eta bizkarrean ebakiak zituelako.

Ertzaintzak arratsaldeko 17:30ean dei bat jaso zuen gertaeraren berri emateko, eta hurbildu zirenean “polizia-dotazioek egiaztatu ahal izan zuten diskotekako segurtasun-langileek gizon bat zutela atxikita, emakume bati ustez arma zuri batekin eraso egin ziolako”. 

Hori horrela, “eskuetan ebakiak zituen inplikatua identifikatu zuten, eta giza hilketaren saiakera leporatuta atxilotu zuten”.

Osorik irakurri